Yohani 18:11 - ULufingwi uLupwa

¹¹ UYeesu ahamuvhuuzya uPeeteli ahati, “We Peeteli, galusya ipanga mu shipata shaakwe. Vhuli, utamanyile kuuti nkwanzilwa kuyimba inza vwe uTaata akasiime kuuti njimvilwe?”

Tesitamenti Umupwa 1965

¹¹ PʼuYesu ahayanga nawʼuPeteli ahati: Kwihagʼishipanga mushipata shakwe. Ishikombʼisho shʼuTata ampiyʼatili shʼungʼwelaje, she minji nsitʼukungʼwela?

Yohani 18:11 ပူးပေါင်းရင်းမြစ်များ

Matayi 20:22

UYeesu ahavhaamula ahati, “Mutamanyile zye mukulaavha. Vhuli, mungayimba amayimba inza ge nandi nsogole kuyimba ine?” Vhoope vhahamwamula vhahati, “Eena tungayifumwa.”

Matayi 26:39

Ahasogola pilongolela hansi, ahagwa ishikupama, ahalaavha ahati, “We Taata, inga zingavhombeha, nkulaavha uyeefwe amayimba iga kuli ine. Ileelo utahavhombe inza vwe nkasiime ine, nkandi vwe ukasiime weneewe.”

Matayi 26:42

UYeesu ahasogola ulwa vhuvhili havhili kulaavha, ahati, “We Taata, inga amayimba iga gatangeepa kuli ine, pe zivhombeshe inza vwe ukasiime weneewe.”

uLuuka 12:30

Nkuvhavhuuzya isho, mwe pe avhantu vhe vhatamumanyile uMulungu vhakulondola nkaani ivintu vwonti ivwo, ileelo imwe uTaata wiitu amanyile kuuti mukuvwanza!

uLuuka 22:42

“We Taata! Inga ukasiime, nkulaavha uneefwezye amayimba iga. Ileelo te kuuti zivhombeshe zye ine nkasiime, nkandi zivhombeshe zye weneewe ukasiime!”

Yohani 15:10

Inga mukuzilandata indajizyo zyane, pe kwe mujendeelele kuvha mu shikunzi shaane, inza vwe niine nkuzilandata indajizyo izya Taata waane nu kuvha mu shikunzi shaakwe.

Yohani 17:24

“We Taata, nkwanza kuuti vhe umpiiye, vhavhanje pooka niine pe nkuvha, inga vhavhulolaje uvhushindamu vhwe umpiiye, mwe pe wánkunzite kufuma lwe ni nsi yishiili kupelwa.

Yohani 18:36

UYeesu ahamwamula ahati, “Uvhumwene vhwane te vhwa mu nsi umu. Inga vhuvhanje vhwa mu nsi umu, avhavhomvi vhaane, nkandi vhandwiliiye, inga ntahaalemwe na Vhayuuda. Ileelo uvhumwene vhwane te vhwa mu nsi umu.”

Yohani 20:17

UYeesu ahamuvhuuzya uMaliiya ahati, “Utahandeme, mwe pe nshiili kusogola ku mwanya kwa Taata. Ileelo sogoola uvhavhuuzye avhamwitu, kuuti nkuzuvha ku mwanya kwa Taata waane we wu Taata wiinyu, havhili kwa Mulungu waane we wu Mulungu wiinyu.”

2 VaKolinti 10:4

Ivilwilo vwe tukulwila uvhulugu uvhwo te vwa mu nsi, vili na maha kufuma kwa Mulungu, vikunanganya amalinga gonti aga mulugu. Tukunanganya amazwi gonti aga ilenga.

2 VaKolinti 6:7

Havhili tukulolesya kwi idala ilya kulumbiilila izwi ilya nalyoli, tukuvhomba izyo zyonti ku maha aga Mulungu. Uvhugolosu she shilwilo shiitu, uluvhazu ulwa kundiilo nu lwa kumongo.

VaHebuli 12:2

Tuvhombaje vhwevhulo, uku tukumwenyeelezya uYeesu we átalisiizye idala ilya kuuti iswe tumwitihaje uMulungu, havhili we akuutupa umwoyo kuuti tujendelelaje kumwitiha kufishila ku vhusililishilo. Havhili ávhujimbiliiye uvhufwe pa shihovhenkanyo ishisita kusaajila kulola insoni, kuzya luseshelo lwe lwávhisiilwe pilongolela lyakwe. Ishi atendiime uluvhazu ulwa kundiilo ulwa shitengo isha vhumwene isha Mulungu, pa vhushindamu uvhupiti nkaani.