Yohani 17:6 - ULufingwi uLupwa

⁶ UYeesu ahajendeelela kulaavha ahati, “We Taata, navhamanyisya izina lyaho avhantu vhonti vhe waampiiye pa nsi ipa. Ivho vhaamile vhaaho, wampa vhenevho, havhili vhalandasite izwi lyaho.

Tesitamenti Umupwa 1965

⁶ Mbakupuliyʼizina lyaho avantu vʼumpiye munsʼumu. Vali vaho, ilelo umpiyʼine, avenʼizwi lyaho valivisile mumoyo.

Yohani 17:6 ပူးပေါင်းရင်းမြစ်များ

Yohani 1:18

Ataliipo umuntu we amuvhwenyi uMulungu lumo, nkandi we Mwana imozi, we woope wu Mulungu, havhili ali nu vhuliilani uvhwa papiipi nkaani nu Taata uMulungu. Uyo we amulolesiizye uMulungu kuli iswe.

Yohani 12:28

We Taata, ulolesye uvhushindamu uvhwa izina lyaho ku vhantu.” Pe izwi lihafuma ku mwanya kwa Mulungu lihati, “Nalolesya uvhushindamu uvhwa izina lyane, havhili kwe njendeelele kulolesya.”

Yohani 15:19

Inga mwaamile mwe vhantu avha mu nsi umu, nkandi vhavhakunzite inza vwe vhavhakunzite avhantu vhaakwe. Ileelo imwe te mwe vha mu nsi umu, mwe pe mbasavhuuye kufuma mu nsi umu, ye nongwa avhantu avha mu nsi umu vhakuvhaviitilwa.

Yohani 15:3

Imwe mupaluliliilwe, kwe kuuti mwe vhazelu, mwe pe muzyitisile insambiilizyo zyane.

Yohani 15:7

Inga mwavha muhati yaane na mazwi gaane gavha muhati zyinyu, pe mulaavhaje kwa Taata shonti she mukwanza, woope aliivhapa.

Yohani 17:12

Lwe indi pooka navho, navhagulilaga kwi izina lyaho lye umpiiye. Navhagulilaga ahinza, ataliipo we ateezile, nkandi wewuula weeka we akwanzilwa kuteega, inga zilunjishe zye zisimviilwe mu Vhusimbe uVhufinjile.

Yohani 17:14

Mbavhuziizye izwi lyaho, ileelo avhantu avha mu nsi vhavhavitiliilwe, mwe pe te vha mu nsi umu, inza vwe niine te ne wa mu nsi umu.

Yohani 17:16

Avheene te vha mu nsi umu, inza vwe niine te ne wa mu nsi umu.

Yohani 17:2

Izyo zikuvhombeha, mwe pe umpiiye amaha aga kuvhakonzya avhantu vhonti, inga mbape vhe vhakuniitiha uvhulanzi uvhwa shiima.

Yohani 17:24

“We Taata, nkwanza kuuti vhe umpiiye, vhavhanje pooka niine pe nkuvha, inga vhavhulolaje uvhushindamu vhwe umpiiye, mwe pe wánkunzite kufuma lwe ni nsi yishiili kupelwa.

Yohani 17:26

Mbamanyisiizye izina lyaho, havhili kwe njendeelele kuvhomba vhwevhulo, inga vhakundane inza vwe unkunzite ine, havhili niine imbe muhati zyavho.”

Yohani 17:7

Ishi vhaamanya kuuti ivintu vwonti vwe umpiiye, vifumile kuli iwe,

Yohani 18:9

UYeesu áyanzile vhwevhulo, inga zilunjishe zye áyanzile kuuti, “We Taata, navhagulilaga ahinza, ataliipo we ateezile mu vhaala vhe umpiiye.”

Yohani 6:37

Avhantu vhonti vhe uTaata waane akumpa, vhakwinza ku kwane nu kuniitiha. Havhili ine ntakumuhaana umuntu we akwinza ku kwane.

Yohani 6:39

Ulukasamo ulwa Taata waane we ansonteleziizye, lwa kuuti ntahamuteezye inga wooka mu vhaala vhe ampiiye, havhili lwa kuuti nkinze imbazyusye vhonti vhavhe vhapuuma isiku ilya vhusililishilo.

Yohani 8:51

Nalyoli kuvhavhuuzya kuuti, umuntu wonti we akuzilandata zye nkusambiilizya, te ahaafwe naalumo.”

Yohani 8:52

Pe aVhayuuda vhaala vhahamuvhuuzya uYeesu vhahati, “Ishi twamanya kuuti iwe uli ni mpepo inkandamanu! UAabulahamu na vhakuvhwi vhahafwa, ileelo iwe ukuti, ‘Umuntu wonti we akulandata zye nkusambiilizya, te ahaafwe naalumo.’

iMbombo izya Vhatumwa 13:48

Avhantu vhe te Vhayuuda, lwe vhiivwa amazwi igo, vhahaseshela, vhahalitiima izwi ilya Mwene uYeesu. Vhonti vhe vhasavhuliilwe kuvha nu vhulanzi uvhwa shiima shiima, vhahamwitiha uMwene.

VaLoma 11:2

UMulungu atávhalesile avhantu vhaakwe vhe ávhasavhuuye she ashiili kuvhapela. Vhuli, mutamanyile vwe uVhusimbe uVhufinjile vhukuyanga izya mukuvhwi uEeliya, vwe ávhalonjeleeye aVhaisilayeeli kwa Mulungu?

2 VaKolinti 4:6

UMulungu we áyanzile kuuti, “Uvhuzelu vhuhozye mu shiisi,” we akuhozya amooyo giitu, nu kutuvhiiha kumanya uvhushindamu vhwakwe vhwe vhukulama ku minso kwa Yeesu Chilisiti.

Kolosi 3:16

Izwi ilya Chilisiti livhe ku vhwinji muhati zyinyu. Musambilizanyaaje nu kusohana mu vhushindamu uvhwa njeele vhwonti. Mumwimbilaje uMulungu izabuuli ni nyimbo izya kumutiima ni nyimbo zye zikufuma kwa Mupepo uMufinjile, pooka nu kumusalifwa ku mwoyo wonti.

2 Timoti 1:13

Amazwi gonti ge ugivuuye ku kwane ga nalyoli, ugaleme. Usambiilile genego, havhili shivhe shiholanyo mu lwitiho ni shikunzi she shili mwa Chilisiti uYeesu.

VaHebuli 2:12

Akuti, “We Mulungu, ndizikumusya imbombo zyaho impiti ku vhajenzi vhaane, ndiyimba inyimbo izya kukutiima pa mpuga iya vhantu vhaaho.”

VaHebuli 3:6

Ileelo uChilisiti uweene Mwana uMutungamu, havhili mwimiilizi uwa vhantu avha mu nyumba iya Mulungu. Niiswe twe vhantu vhaakwe, inga tukujendeelela kuvha nu vhudandamazu vhwitu nu kusimpa mu ziila zye tukuzisuuvhila.

1 Peteli 1:1

Ukalaata uno nsimvile neene ne Peeteli, ne mutumwa uwa Yeesu Chilisiti. Nkuvhasimbila imwe mwe uMulungu avhasavhuuye, mwe musaasite, havhili mwe vhajeni mu shigavho isha nsi isha Ponto ni sha Galaatiya ni sha Kapadokiya ni sha Aasiya ni sha Bitiniya.

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.

Ishitushizya 2:13

Mpamanyile pe ukutendama, pe pa shinamwene isha Seetano. Niiwe ukulyitiha izina lyane havhili utahaluhaana ulwitiho lwane, poosye mu havhaliilizyo aha hoome waane umutungamu uAntipa. Uweene we avhantu vhámugozile kuli imwe paala pe uSeetano akutendama.

Ishitushizya 3:10

Mwe pe ulyitisile izwi lyane ilya kuvha nu vhujimbiilizu, niine ndikusunjiilila uheepe mu manda aga vhunanjisu ge gapalamiiye kwinza kuvhalinga avhantu avha mu nsi yonti.

Ishitushizya 3:8

Ndumanyile ulujendo lwaho. Yeenya, nkuvhishiiye umulyango we wuli ukwazi kwilongolela lyaho, we uwunji nuumo atangawugalila. Imanyile kuuti uli na maha mansi, ileelo ulisunjililiiye izwi lyane, havhili utalihaanile izina lyane.