Yohani 17:26 - ULufingwi uLupwa

²⁶ Mbamanyisiizye izina lyaho, havhili kwe njendeelele kuvhomba vhwevhulo, inga vhakundane inza vwe unkunzite ine, havhili niine imbe muhati zyavho.”

Tesitamenti Umupwa 1965

²⁶ Mbalanganizizyʼizina lyaho, havili nkuvalanganizya, pe vope vavanje nasho muhati zyavo ishikunzi shisho shʼukunzitʼiwe, nane ukuti mbe mwe mumwavo.

Yohani 17:26 ပူးပေါင်းရင်းမြစ်များ

Yohani 14:20

Isiku ilyo, muliimanya kuuti ine indi muhati iya Taata waane, niimwe muli muhati yaane, niine indi muhati yiinyu.

Yohani 14:23

UYeesu ahamwamula ahati, “Umuntu wonti we ankunzite ine, kwe azivhombelaje imbombo zye nkumulajizya. Woope uTaata waane kwe amukundaje umuntu uyo, havhili ine nu Taata waane tuliyinza ku kwakwe nu kutendama pooka nawo.

Yohani 15:15

Kwandila ishi, te mbiitaje havhili kuuti mwe vhazya vhaane, mwe pe umuzya atakumanya zye umwene waakwe akuvhomba. Ileelo imwe kwe mbiitaje kuuti mwe vhamanyani vhaane, mwe pe navhamanyisya zyonti zye nivuuye kufuma kwa Taata waane.

Yohani 15:4

Mujendeelele kuvha pooka niine, niine kwe njendeelele kuvha pooka niimwe. Inza vwe ulusamba lutangaahoma amantonongwa lweka ishisita kuvha mwi impensya, niimwe mutangavhomba zye zikumuhondezya uMulungu ishisita kuvha muhati yaane.

Yohani 15:9

Inza vwe uTaata ankunzite ine, vwe niine mbakunzite imwe. Ishi pe mujendeelele kuvha mu shikunzi shaane.

Yohani 17:23

Ine indi muhati zyavho, niiwe uli muhati yaane. Nkulaavha kuuti vhavhe ishintu shooka, inga avhantu vhonti vhe vhatanitisile vhamanye kuuti iwe unsonteleziizye, havhili vhamanye kuuti uvhakunzite avhasundikwa vhaane inza vwe unkunzite ine.

Yohani 17:6

UYeesu ahajendeelela kulaavha ahati, “We Taata, navhamanyisya izina lyaho avhantu vhonti vhe waampiiye pa nsi ipa. Ivho vhaamile vhaaho, wampa vhenevho, havhili vhalandasite izwi lyaho.

Yohani 17:8

mwe pe mbavhuziizye amazwi gonti ge wámbuziizye. Vhoope vhagaposheleeye, havhili vhamanyile kuuti nalyoli mfumile ku kwaho, havhili vhitisile kuuti iwe we unsonteleziizye.

Yohani 6:56

Umuntu wonti we akulya umuvhili waane, nu kumwela amavhanda gaane, akujendeelela kuvha muhati yaane, niine nkujendeelela kuvha muhati yaakwe.

Yohani 8:50

Ntakwanza kuuti imwe munshindishe. UMulungu we akwanza kunshindiha, havhili uweene we Mulonzi uwa Nalyoli.

VaLoma 8:10

Ileelo inga uChilisiti ali muhati zyinyu, poosye inga amavhili giinyu gakufwa kufumiilana nu vhutalamalandu, uMupepo uMufinjile akuuvhapa uvhulanzi, mwe pe uMulungu avhavhaziizye imwe kuuti mwe vhagolosu.

1 VaKolinti 1:30

UMulungu wuuyo we avhavhiisile imwe kuvha nu vhuliilani nu Chilisiti uYeesu. Uweene amuvhiisile uChilisiti kuvha vhushindamu vhwitu uvhwa njeele. Havhili kwi idala ilya Yeesu, iswe tuvhaziliilwe kuuti twe vhagolosu pilongolela ilya Mulungu, twe vhafinjile, havhili tutavhuliilwe.

1 VaKolinti 12:12

Inza vwe wuli umuvhili uwa muntu, vwe wuli nu muvhili uwa Chilisiti. Umuvhili wuli wooka, ileelo wuli ni vipelwa ivwinji. Poosye inga ivipelwa ivwo vwinji, vwa muvhili wooka.

VaGalati 2:20

Ishi mfuuye pooka nu Chilisiti pa shihovhenkanyo, ileelo ne mulanzi ahavhaliilizyo iha, ileelo te ne mulanzi ine, nkandi uChilisiti we mulanzi muhati yaane. Uvhulanzi vhwe indi navhwo ahavhaliilizyo iha, indi navhwo kwi idala ilya lwitiho, ulwitiho ulwa kumwitiha uMwana wa Mulungu we ánkunzite, ahayifumwa kufwa, kumpoha.

VaEfeso 1:6

inga swenti tumutiime uMulungu ku vhwila vhwakwe uvhwa kusukumizya. Uvhwila uvhwo átufwiliiye kutuushila kwa Mwana waakwe unkundwa.

VaEfeso 3:17

Havhili nkuvhalaavhila kuuti, kwi idala ilya lwitiho, uChilisiti atendamaje mu mooyo giinyu. Ipo pe ishikunzi shaakwe, shiliivha shivhapiiye amaha aga kusimpa inza ikwi lye lyisiizye nkaani amazi gaakwe pansi, poosye inza inyumba ye yizengwilwe pa lwalo ulugomu.

VaEfeso 5:30

mwe pe ku kwakwe iswe tuli inza ivipelwa ivwa mu muvhili waakwe.

VaEfeso 5:32

Amazwi iga gali nu vhuzigizigi uvhupiti, ileelo ine nkuyanga kuuti gakulolesya izya Chilisiti ni shivhanza.

Kolosi 1:27

Ivho vhe uMulungu asungwilwe kuvhavumbulila uvhuzigizigi uvhwo vwe vhuli nu vhudumbwe uvhwa kusukumizya ku vhantu vhe te Vhayuuda. Uvhuzigizigi uvhwo, wu Chilisiti we ali muhati yiinyu, uweene we akuvhavhiiha kuuti muvhe nu lusuuvhilo ulwa kuposheela uvhushindamu.

Kolosi 2:10

Niimwe muposheleeye uvhulunjisu vhwonti kwi idala ilya kusopenkana nu Chilisiti, uweene inza itwe mu muvhili, akuvikonzya ivipelwa vwe vili na maha amasisya na vwe vili na maha vwonti.

Kolosi 3:11

Kuli izyo, kutaliipo kusugaana ukwa Muyuuda na we te Muyuuda, kwe kuuti we atahiliilwe na we atatahiliilwe, poosye ukwa mujeni nu muhaaya, poosye ukwa muzya na we te muzya. Ileelo uChilisiti we alunjisiizye zyonti, havhili ali muhati iya vhonti.

2 VaTesaloniki 2:16

UTaata wiitu uMulungu atukunzite, na ku vhwila vhwakwe akutusuvhaalizya shiima nu kuutupa ulusuuvhilo ulwinza. Tukumulaavha uMwene wiitu uYeesu Chilisiti pooka nu weene, kuuti

VaHebuli 2:12

Akuti, “We Mulungu, ndizikumusya imbombo zyaho impiti ku vhajenzi vhaane, ndiyimba inyimbo izya kukutiima pa mpuga iya vhantu vhaaho.”

1 Yohani 3:24

Umuntu we akuzishindiha indajizyo izya Mulungu, akulandila ku vhuliilani nu weene, woope uMulungu akulandila ku vhuliilani nawo. Tumanyile kuuti uMulungu akulandila ku vhuliilani niiswe kwi idala ilya Mupepo uMufinjile we atupiiye.