Yohani 17:24 - ULufingwi uLupwa

²⁴ “We Taata, nkwanza kuuti vhe umpiiye, vhavhanje pooka niine pe nkuvha, inga vhavhulolaje uvhushindamu vhwe umpiiye, mwe pe wánkunzite kufuma lwe ni nsi yishiili kupelwa.

Tesitamenti Umupwa 1965

²⁴ We Tata, avene vonti vʼumpiyʼiwe, ve nkasime ukuti vope vavanje mwonti mwe ndi ine, ukuti venyʼuvupiti vwane vwʼumpiyʼiwe, shʼunkunzite he itali lwʼishilʼinsi ukwalwa.

Yohani 17:24 ပူးပေါင်းရင်းမြစ်များ

Matayi 25:21

Umwene waakwe ahamuvhuuzya ahati, ‘Uvhomvile ahinza nkaani. Iwe we muvhomvi umwinza, havhili umutungamu! Mwe pe waamile we mutungamu ku vintu ivinsi, ishi kwe nkuvhiishe kuvha we mwimiilizi uwa vintu ivwinji. Yinjiila tuseshele pooka niine ne mwene waaho.’

Matayi 25:23

Umwene waakwe ahamuvhuuzya ahati, ‘Uvhomvile ahinza nkaani. Iwe we muvhomvi umwinza, havhili umutungamu! Mwe pe waamile we mutungamu ku vintu ivinsi, ishi kwe nkuvhiishe kuvha we mwimiilizi uwa vintu ivwinji. Yinjiila tuseshele pooka niine ne mwene waaho.’

Matayi 25:34

“Pe ine ne Mwene ndivhavhuuzya avhantu vhaala vhe vhali ku luvhazu lwane ulwa kundiilo ndiiti, ‘Nzaaji imwe mwe mulosiitwe nu Taata waane, muposheele uvhupwano uvhwa vhumwene vhwe uMulungu ávhasenganiziinye kufuma pe ápezile insi.

Matayi 26:29

Nkuvhavhuuzya imwe kuuti, te nkamwele havhili idivaayi, kufishila isiku liila pe ndimwela idivaayi impwa pooka niimwe mu vhumwene uvhwa Taata waane.”

uLuuka 12:37

Vhalosiitwe avhazya vhe umwene waavho inga ayinza, alivhaaga vhadamuuye. Nalyoli nkuvhavhuuzya kuuti, aliyisengaanya kuvhavhombela, alivhiita vhatendame nu kuuvhapa ishaakulya.

uLuuka 23:43

UYeesu ahamwamula ahati, “Nalyoli nkukuvhuuzya kuuti, ileelo ili, kuuti uvhe pooka niine ku Paladiiso.”

Yohani 1:14

UIzwi uyo áyinzile avha muntu, ahatendama pooka niiswe. Tuhavhulola uvhushindamu vhwakwe, uvhushindamu vhwe vhukulolesya kuuti Mwana imozi we afumile kwa Taata, ali nu vhwila nu vhwanalyoli nkaani.

Yohani 12:26

Umuntu wonti we akumbombela ine, akwanzilwa andandate. Yeenya, ponti pe indi, nu muvhomvi waane kwe avhanje. Havhili uTaata alimushindiha umuntu wonti we akumbombela ine.

Yohani 14:3

Lwe nasogola nu kuvhasenganizanya uvhuzilo, ndigaluha havhili kuvhanyatula, inga pe navha, niimwe muvhe pooka niine.

Yohani 15:9

Inza vwe uTaata ankunzite ine, vwe niine mbakunzite imwe. Ishi pe mujendeelele kuvha mu shikunzi shaane.

Yohani 17:2

Izyo zikuvhombeha, mwe pe umpiiye amaha aga kuvhakonzya avhantu vhonti, inga mbape vhe vhakuniitiha uvhulanzi uvhwa shiima.

Yohani 17:22

Uvhushindamu vhwe umpiiye, niine mbapiiye avhasundikwa vhaane, inga vhavhe ishintu shooka inza vwe niine niiwe tuli ishintu shooka.

Yohani 17:5

Ishi we Taata, ulolesye uvhushindamu vhwane, inga avhantu vhavhulole uvhushindamu vhwe náali navhwo lwe náali pooka niiwe lwe insi yishiili kupelwa.”

Yohani 6:37

Avhantu vhonti vhe uTaata waane akumpa, vhakwinza ku kwane nu kuniitiha. Havhili ine ntakumuhaana umuntu we akwinza ku kwane.

Yohani 6:39

Ulukasamo ulwa Taata waane we ansonteleziizye, lwa kuuti ntahamuteezye inga wooka mu vhaala vhe ampiiye, havhili lwa kuuti nkinze imbazyusye vhonti vhavhe vhapuuma isiku ilya vhusililishilo.

Yohani 8:58

UYeesu ahavhaamula ahati, “Nalyoli nkuvhavhuuzya kuuti, lwe uAabulahamu ashiili kupaapwa, ine indiipo.”

1 VaKolinti 13:12

Ishi ahavhaliilizyo iha, tukulola ivintu ngati pa minso pali ahamvuuvhi, ileelo pisinda tulivilola vwonti apazelu. Ahavhaliilizyo iha nkumanya hansi, ileelo ahavhaliilizyo he hakwinza ndiimanya nkaani inza vwe uMulungu amanyile ine.

2 VaKolinti 3:18

Ishi iswe swenti twe tutadindiliilwe ku minso nu mwenda, tukulolesya uvhushindamu uvhwa Mwene inza ilooli vwe likulolesya ishiholanyo. UMwene we wu Mupepo, we akutwandula tuholane nu weene. Akutwandula kufuma pa vhushindamu vhumo kufishila pa vhushindamu uvhupiti nkaani.

2 VaKolinti 4:6

UMulungu we áyanzile kuuti, “Uvhuzelu vhuhozye mu shiisi,” we akuhozya amooyo giitu, nu kutuvhiiha kumanya uvhushindamu vhwakwe vhwe vhukulama ku minso kwa Yeesu Chilisiti.

2 VaKolinti 5:8

Nalyoli tutali na maganigani, havhili tukulola kwashi tuwuleshe umuvhili uno, nu kusogola kutendama pooka nu Mwene uYeesu.

Filipi 1:23

Ivintu vivhili vikundunzaanya. Lumo nkusiivha kwepa ipa, insogole imbe pooka nu Chilisiti. Ili lye lihondeeye nkaani.

1 VaTesaloniki 4:17

Pe iswe swe vhapuuma, twe tusyaye, tulisompolwa pooka navho mu mavhingo, inga tumuposheele uMwene uYeesu kumwanya. Pe tulitendama pooka nawo shiima shiima.

1 Peteli 1:21

Kwi idala lyakwe mumwitishe uMulungu we ámuzyusiizye nu kuumupa uvhushindamu. Ye nongwa mukwitiha nu kumusuuvhila uMulungu.

1 Yohani 3:2

Mwe vhankundwa, ishi iswe swe vhaana vha Mulungu, ileelo yitamanyisile apazelu vwe tuliivha. Tumanyile kuuti ahavhaliilizyo he uChilisiti aligaluha havhili, tuliholana nawo, mwe pe tulimulola vwe ali.

Ishitushizya 21:22

Ntávhwenyi iNyumba iMfinjile mu nkaaya iyo, mwe pe uMWENE uMulungu uwa Maha Gonti na Hagonzi haala aha MWENE uMulungu ye Nyumba yaakwe iMfinjile.

Ishitushizya 3:21

Ula we alipoota indingo, ndimwitishila kutendama pooka niine pa shitengo shaane isha vhumwene. Aliyiima inza ine ne nápoosite indingo, nkatendama pooka nu Taata pa shitengo shaakwe isha vhumwene.