Yohani 17:21 - ULufingwi uLupwa

²¹ Nkukulaavha kuuti vhonti ivho vhavhe ishintu shooka, inza vwe niiwe Taata uli muhati yaane, niine indi muhati yaaho. Nkuvhalaavhila vhavhe muhati yiitu, inga avhantu vhonti mu nsi vhiitishe kuuti iwe we unsonteleziizye.

Tesitamenti Umupwa 1965

²¹ vontʼukuti vavanje woka mwene, inza she nawe we Tata, uli mumwanʼine, nane ndi mumwaho iwe. Vope vavanje mumwitʼiswe, ilelo mwe mumwʼinsi yijende ukwitiha ukuti untumilʼiwe.

Yohani 17:21 ပူးပေါင်းရင်းမြစ်များ

Maliko 3:24

Inga avhantu avha vhumwene vhwoka vhakulwa, uvhumwene uvhwo vhukunanjiha.

Yohani 10:16

Ine indi ni ngʼonzi izyamwavho zye naazimo mwi ivhiji ili, zyope nkwanzilwa inzileete umu. Ingʼonzi izyo, zyope kwe zilimanye izwi lyane. Kwi idala ilyo, kwe yivhe impuga yooka nu mudiimi wooka.

Yohani 10:30

Ine nu Taata waane tuli pooka.”

Yohani 10:38

Ileelo inga nkuzivhomba imbombo zye uTaata waane akuzivhomba, poosye inga mutakwitiha zye nkuyanga, ishi mujendeelele kuzyitiha imbombo izyo. Kwi idala ilyo, pe kwe mumanye kuuti uTaata waane ali muhati yaane, niine indi muhati yaakwe.”

Yohani 11:42

Imanyile kuuti, ukuntejelezyaga ahavhaliilizyo honti, ileelo nkuyanga izi kuzya ivhungaana ilya vhantu ivha, inga vhiitishe kuuti iwe we unsonteleziizye.”

Yohani 13:32

Inga uvhushindamu vhwakwe vhukuloleha kutuushila mu mbombo zyane, woope uMulungu akuvhalolesya avhantu uvhushindamu vhwane ne Mwana wa Aadamu, havhili akuvhomba inza vhwevhulo ahavhaliilizyo iha.

Yohani 13:35

Inga mukukundana, pe avhantu vhonti kwe vhamanye kuuti mwe vhasundikwa vhaane.”

Yohani 17:11

Ishi nkwinza kuli iwe, te mbe havhili mu nsi umu. Ileelo avheene kwe vhajendeelele kuvha mu nsi umu. We Taata Mufinjile, nkulaavha uvhaguulile kwi izina lyaho lye umpiiye, inga vhavhe ishintu shooka inza vwe ine niiwe tuli ishintu shooka.

Yohani 17:18

Inza vwe wánsonteleziizye ine mu nsi, vhwevhulo, niine navhasonteelezya mu nsi.

Yohani 17:20

UYeesu ahajendeelela kulaavha, ahati, “Ntakuvhalaavhila vhanaavha vheeka, nkandi na vhanji vhe kuuti vhaniitishe ku zye ivha vhalisambilizyaga.

Yohani 17:25

We Taata uMugolosu, avhantu avha mu nsi vhatakumanyile. Ileelo ine nkumanyile, havhili vhoope avhasundikwa vhaane vhamanyile kuuti iwe we unsonteleziizye.

Yohani 17:3

Uvhulanzi uvhwa shiima uvhwo vhukuposheelwa kwi idala ilya vhantu kukumanya kuuti iwe we Mulungu weeka uwa nalyoli, havhili kumanya niine kuuti ne Yeesu Chilisiti ne untumile ku kwavho.

Yohani 17:8

mwe pe mbavhuziizye amazwi gonti ge wámbuziizye. Vhoope vhagaposheleeye, havhili vhamanyile kuuti nalyoli mfumile ku kwaho, havhili vhitisile kuuti iwe we unsonteleziizye.

Yohani 3:17

Yeenya, uMulungu atánsonteleziizye ne Mwana waakwe kuvhalonga avhantu avha mu nsi umu, nkandi kuvhapoha.

Yohani 5:23

Kwi idala ilyo, avhantu vhonti vhalinshindihaga ine inza vwe vhakumushindiha uTaata. Umuntu wonti we atakunshindiha ine, akuvha atakumushindiha uTaata waane we ansonteleziizye.

iMbombo izya Vhatumwa 2:46

Vhahavhungaanaga pa Nyumba iMfinjile insiku zyonti. Havhili vhahavhungaanaga mu nyumba zyavho kumensulana ikaati nu kulya ishaakulya shaavho pooka ku mwoyo umwinza nu luseshelo.

iMbombo izya Vhatumwa 4:32

Avhantu vhonti vhe vhámwitisile uYeesu, vháamile umwoyo wooka ni nsiivho zyavho zyámile pooka. Atáliipo umuntu we ahayangaga kuuti ivintu vwe ali navwo vwakwe weeka, ivintu vwavho vwonti vhahasanganyaaga pooka.

VaLoma 12:5

Vwe tuli vhwevhulo niiswe. Twe vhinji, ileelo swenti twe vipelwa ivwa mu muvhili uwa Chilisiti, havhili twe vipelwa kwa muntu wooka wooka muli iswe.

1 VaKolinti 1:10

Ishi vhamwitu, nkuvhalambiilizya kwi izina ilya Mwene wiitu uYeesu Chilisiti kuuti muvhe mwe vhantu mwe mukwivwana, ipo pe kwe muvhe nu vhuliilani. Mutapagulanaje, nkandi muvhanje ishintu shooka ku zye mukusiivha havhili nu kuvha nu mwoyo wooka.

1 VaKolinti 12:12

Inza vwe wuli umuvhili uwa muntu, vwe wuli nu muvhili uwa Chilisiti. Umuvhili wuli wooka, ileelo wuli ni vipelwa ivwinji. Poosye inga ivipelwa ivwo vwinji, vwa muvhili wooka.

1 VaKolinti 6:17

Ileelo umuntu wonti we akusopenkana nu Mwene, akuvha wooka nawo mwa Mupepo uMufinjile.

VaGalati 3:28

Ishi pe kutaliipo kusugaana uMuyuuda na we te Muyuuda, nu muzya nu musatushe, nu mwanaavuli nu mwantanda, mwe pe mwenti muli ishintu shooka mwa Chilisiti uYeesu.

Filipi 1:27

Ileelo ulujendo lwinyu luvhe inza vwe Izwi iLyinza ilya Chilisiti likwanza. Pe inga nkwinza kuvhavuula, poosye inga ntaliipo, inivwaje inongwa zyinyu kuuti mukusimpa ku mwoyo wooka. Havhili inivwaje kuuti, mukulwila ulwitiho ulwa Izwi iLyinza pooka.

1 Yohani 1:3

Tukuvhakumusizya inongwa izya Yeesu uyo, we twámuvhwenyi nu kumwivwa, inga muvhe nu vhuliilani pooka niiswe. Mu vhuliilani uvhwo tuli pooka nu Taata uMulungu, nu Mwana waakwe uYeesu Chilisiti.

1 Yohani 5:7

Woope uMupepo uMufinjile akuhomeshezya kuuti izyo zya nalyoli, mwe pe uMupepo uMufinjile wa nalyoli.