Yohani 17:12 - ULufingwi uLupwa

¹² Lwe indi pooka navho, navhagulilaga kwi izina lyaho lye umpiiye. Navhagulilaga ahinza, ataliipo we ateezile, nkandi wewuula weeka we akwanzilwa kuteega, inga zilunjishe zye zisimviilwe mu Vhusimbe uVhufinjile.

Tesitamenti Umupwa 1965

¹² Lwe nali navo munsʼumu, pe nkavasunjilila mwizina lyaho lyʼumpiyʼine. Ava vʼumpiye iwe ve mbuvatiye, atatezile numo mwe vavaliye, we mwana wa lunanjiho weka, wʼatezile ukuti zilunjihaje zizyo zye zisimṿilwe mwa kalata.

Yohani 17:12 ပူးပေါင်းရင်းမြစ်များ

Yohani 13:18

Pe uYeesu ahajendeelela kuvhavhuuzya avhasundikwa vhaakwe ahati, “Ntakuyanga zyonti izyo kuli imwe mwenti, mwe pe mbamanyile kufuma ku vhwandilo avhantu vhe mbasavhuuye kuvha vhasundikwa vhaane. Ileelo nkuyanga izyo, inga zilunjishe zye zisimviilwe mu Vhusimbe uVhufinjile kuuti, ‘Umumanyani waane we alyanga ishaakulya pooka niine, agalunkana kuvha mulugu waane.’

Yohani 17:6

UYeesu ahajendeelela kulaavha ahati, “We Taata, navhamanyisya izina lyaho avhantu vhonti vhe waampiiye pa nsi ipa. Ivho vhaamile vhaaho, wampa vhenevho, havhili vhalandasite izwi lyaho.

Yohani 18:9

UYeesu áyanzile vhwevhulo, inga zilunjishe zye áyanzile kuuti, “We Taata, navhagulilaga ahinza, ataliipo we ateezile mu vhaala vhe umpiiye.”

Yohani 6:37

Avhantu vhonti vhe uTaata waane akumpa, vhakwinza ku kwane nu kuniitiha. Havhili ine ntakumuhaana umuntu we akwinza ku kwane.

iMbombo izya Vhatumwa 1:25

inga apwanile pa mbombo iya vhutumwa ye uYuuda aayilesile, aafwa nu kusogola pe pamuhondeeye wuuyo kuposheela isunde.”

Filipi 2:9

Pe uMulungu ahamuzuvwa nkaani, ahaamupa izina ipiti kuluusya amazina gonti.

2 VaTesaloniki 2:3

Mutahiitishe umuntu wonti kuvhahopenkanya ku lyonti, mwe pe isiku ilyo te lihaafishe suuti, she zishiili insiku ziila lwe avhantu avhinji vhalisambuha nkaani kwa Mulungu, havhili lwe uMusambusu ula aloleha. Uyo we ahavhaliilizyo aha kumpeleela uMwene uYeesu alimulovwa nziila.

VaHebuli 2:13

Havhili akuti, “Ndimusuuvhila uMulungu.” Havhili akuti, “Ine indi ipa pooka na vhaana vhe uMulungu ampiiye.”

1 Yohani 2:19

Avhalugu ivho vhafumile kuli iswe, ileelo vhataamile nu vhuliilani uvhwa nalyoli niiswe. Mwe pe inga vhavhanje nu vhuliilani uvhwa nalyoli niiswe, nkandi vhasyaye kuli iswe. Ishi vheefile, inga yiloleshe apazelu kuuti vhataamile nu vhuliilani uvhwa nalyoli niiswe.

Ishitushizya 19:12

Aminso gaakwe gáali ngati mwilo wa mwoto, havhili ázwaye ivipambwi ivwinji kwi itwe. Ásimviilwe izina lye umuntu nuumo atálimanyile, nkandi wuuyo weeka.