Yohani 17:11 - ULufingwi uLupwa

¹¹ Ishi nkwinza kuli iwe, te mbe havhili mu nsi umu. Ileelo avheene kwe vhajendeelele kuvha mu nsi umu. We Taata Mufinjile, nkulaavha uvhaguulile kwi izina lyaho lye umpiiye, inga vhavhe ishintu shooka inza vwe ine niiwe tuli ishintu shooka.

Tesitamenti Umupwa 1965

¹¹ Ilelʼine kwe kuva mfumile munsʼumu shinishi, avene nyene vashili vali munsʼumu. Ine nkwinza kukwaho. We Tata mufinjile, uvasunjilile mwe mwizina lyaho lyʼumpiyʼine, vope ukuti vavanje woka mwene vonti, inza she naswe tuli woka.

Yohani 17:11 ပူးပေါင်းရင်းမြစ်များ

Matayi 10:16

“Yeenyi, nkuvhatumiilizya ngati ngʼonzi pahati pa mpumpi! Pe ishi, muvhanje nu vhushindamu uvhwa njeele inza injoha, havhili muvhanje mwe vhatonsu inza inkunda.

Matayi 5:48

Pe ishi, niimwe muvhe mwe vhalunjisu inza uTaata wiitu uwa ku mwanya vwe mulunjisu.”

Matayi 6:9

“Ishi imwe lwe mukumulaavha uMulungu, mutinji, ‘Taata wiitu uwa ku mwanya, izina lyaho lishindikwaje. Uvhumwene vhwaho vhwinze.

Yohani 13:1

Lwe isiku ilya shikulukuulu isha Pasaaka lishiili kufiha, uYeesu ahamanya kuuti ahavhaliilizyo haakwe haafiha aha kwepa mu nsi umu, nu kusogola kwa Taata. Ahavhaliilizyo honti lwe ali mu nsi umu, ávhakunzite avhantu vhaakwe vhe vhámwitisile mu nsi, havhili ájendeleeye kuvhakunda kufishila kumpeleela.

Yohani 13:3

UYeesu ámanyile kuuti uTaata ámupiiye amaha aga kuvikonzya ivintu vwonti, havhili ámanyile kuuti áfumile kwa Mulungu, nu kuuti aligaluha kwa Mulungu.

Yohani 14:20

Isiku ilyo, muliimanya kuuti ine indi muhati iya Taata waane, niimwe muli muhati yaane, niine indi muhati yiinyu.

Yohani 16:28

Nínzile mu nsi kufuma kwa Taata, havhili ishi nkwepa mu nsi, nkusogola kwa Taata.”

Yohani 16:33

Navhavhuuzya izi, inga muvhe nu vhutehamu, mwe pe muli muhati yaane. Mu nsi umu muli na mayimba, ileelo mugomaje amooyo, mwe pe ine njipoosite insi.”

Yohani 17:23

Ine indi muhati zyavho, niiwe uli muhati yaane. Nkulaavha kuuti vhavhe ishintu shooka, inga avhantu vhonti vhe vhatanitisile vhamanye kuuti iwe unsonteleziizye, havhili vhamanye kuuti uvhakunzite avhasundikwa vhaane inza vwe unkunzite ine.

Yohani 17:25

We Taata uMugolosu, avhantu avha mu nsi vhatakumanyile. Ileelo ine nkumanyile, havhili vhoope avhasundikwa vhaane vhamanyile kuuti iwe we unsonteleziizye.

Yohani 17:6

UYeesu ahajendeelela kulaavha ahati, “We Taata, navhamanyisya izina lyaho avhantu vhonti vhe waampiiye pa nsi ipa. Ivho vhaamile vhaaho, wampa vhenevho, havhili vhalandasite izwi lyaho.

Yohani 7:33

Pe uYeesu ahavhavhuuzya avhantu ivho ahati, “Kwe mbe niimwe ahavhaliilizyo hansi vhweleele lwe nshiili kugaluha ku kwakwe we ansonteleziizye.

iMbombo izya Vhatumwa 3:21

UYeesu akwanzilwa kusyala ku mwanya, kufishila ahavhaliilizyo he uMulungu alivigalulanya ivintu vwonti kuvha vipwa, inza vwe uweene áyanzile kufuma hali, kutuushila ku vhakuvhwi vhaakwe avhafinjile.

VaLoma 12:5

Vwe tuli vhwevhulo niiswe. Twe vhinji, ileelo swenti twe vipelwa ivwa mu muvhili uwa Chilisiti, havhili twe vipelwa kwa muntu wooka wooka muli iswe.

VaLoma 9:17

Yeenya, mu Vhusimbe uVhufinjile uMulungu ámuvhuziizye uFalaawo átili, “Nákuvhiisile kuvha we mwene, inga kwi idala lyaho imbalolesye avhantu amaha gaane, havhili inga izina lyane likumushe mu nsi zyonti.”

1 VaKolinti 1:10

Ishi vhamwitu, nkuvhalambiilizya kwi izina ilya Mwene wiitu uYeesu Chilisiti kuuti muvhe mwe vhantu mwe mukwivwana, ipo pe kwe muvhe nu vhuliilani. Mutapagulanaje, nkandi muvhanje ishintu shooka ku zye mukusiivha havhili nu kuvha nu mwoyo wooka.

VaGalati 3:28

Ishi pe kutaliipo kusugaana uMuyuuda na we te Muyuuda, nu muzya nu musatushe, nu mwanaavuli nu mwantanda, mwe pe mwenti muli ishintu shooka mwa Chilisiti uYeesu.

VaEfeso 4:4

Iswe swenti tusopenkiine inza ivipelwa ivwa mu muvhili wooka, havhili tuli nu Mupepo uMufinjile wooka. Vhwevhulo, uMulungu átwisite nu kutuvhiishila ulusuuvhilo lwoka ulwa lwito lwitu.

Filipi 2:9

Pe uMulungu ahamuzuvwa nkaani, ahaamupa izina ipiti kuluusya amazina gonti.

VaHebuli 1:3

UMwana uyo akulolesya vwe uMulungu akunyengʼenyela ku vhushindamu, havhili uweene shiholanyo isha nalyoli isha vwe uMulungu ali. Havhili uMwana uyo akuvivhiiha ivintu vwonti kuuti vijendeelele kuvha inza vwe vili, kwi izwi lyakwe ilya maha. Lwe avhazelufwa avhantu uvhutalamalandu, ásogooye kutendama uluvhazu ulwa nyoovhe iya kundiilo iya Mulungu uwa Maha Gonti, pa vhushindamu uvhupiti nkaani ku mwanya.

VaHebuli 9:24

UChilisiti atínjiiye aPafinjile pa Pafinjile pe pazengwilwe na vhantu, pe shiholanyo isha apa ku mwanya. Áyinjiiye aPafinjile pa Pafinjile apa ku mwanya kwe ahavhaliilizyo iha akutulaavhila pilongolela ilya Mulungu.

Yakobu 4:4

Imwe muholiine na vhavhembu, mwe pe mutali nu mushinzi kwa Mulungu! Mutamanyile kuuti we akusungwa izya mu nsi, akuvha mulugu uwa Mulungu? Ishi, wonti we akusungwa izya mu nsi, ayipezile kuvha mulugu uwa Mulungu.

1 Peteli 1:5

Uvhupwano uvhwo vhwinyu imwe mwe mukuguulilwa na maha aga Mulungu kwi idala ilya lwitiho, kufishila pe mwavhwaga uvhuposhi vhwe vhuliloleha amanda aga kumpeleela.

1 Yohani 3:12

Tutahaavhe inza umuntu ula we vhahatinji uKaayini, we áamile wa Muvhiivhi ula uSeetano, ahamugoga umunine waakwe. Shooni she ámugozile? Ámugozile, mwe pe imbombo zyakwe zyáli mbiivhi, ileelo izya muzuuna waakwe zyáli ngolosu.

1 Yohani 5:19

Tumanyile kuuti, iswe swe vhaana vha Mulungu, nu kuuti, avhantu avhanji vhonti, vhe vhatakumushindiha uMulungu, uMuvhiivhi ula akuvhakonzya.

uYuuda 1:1

Ukalaata uno nsimvile neene ne Yuuda. Ine ne muvhomvi uwa Yeesu Chilisiti, havhili ne munine uwa Yaakobu. Nkuvhasimbila imwe mwe uTaata uMulungu ahavhiita nu kuvhakunda, havhili uYeesu Chilisiti akuvhasunjiilila.

uYuuda 1:24

UMulungu akuvhwezya kuvhuvhatila imwe, inga mutahapunule, havhili akuvhimiilisya ishisita ulukwinkwino pilongolela ilya vhushindamu vhwakwe, she muli nu luseshelo ulupiti.

Ishitushizya 15:4

We MWENE, avhantu vhonti vhakwanzilwa kukutiima! Havhili vhonti vhakwanzilwa kukunyila! Iwe weeka we Mufinjile! Insi zyonti zilikwinzila nu kukupuuta, mwe pe imbombo zyaho ingolosu zilolesile.”

Ishitushizya 19:12

Aminso gaakwe gáali ngati mwilo wa mwoto, havhili ázwaye ivipambwi ivwinji kwi itwe. Ásimviilwe izina lye umuntu nuumo atálimanyile, nkandi wuuyo weeka.

Ishitushizya 4:8

Vwope ivipelwa vine ivwo vwáli ni vwapa umutanda mutanda, havhili ivwapa ivwo vwámile na minso mu mbazu zyonti na muhati zyavho. Ivipelwa ivwo uvhusiku nu musanya vitakutuzyaga kuyanga kuuti, “Mufinjile, Mufinjile, Mufinjile, wu MWENE uMulungu uwa Maha Gonti, uweene we áliipo, we aliipo, havhili we aliyinza.”