Yohani 16:5 - ULufingwi uLupwa

⁵ “Ishi nkusogola kwa Taata we ansonteleziizye kuli imwe. Ileelo nuumo muli imwe we akumbuziilizya kuuti, ‘Vhuli, wasogola kwoshi?’

Tesitamenti Umupwa 1965

⁵ Shinishi pe nkuvala kulʼuno wʼantumilʼine, havilʼimwe numo atakumbuzilizya ukuti: Ukuvala kwi?

Yohani 16:5 ပူးပေါင်းရင်းမြစ်များ

Yohani 13:3

UYeesu ámanyile kuuti uTaata ámupiiye amaha aga kuvikonzya ivintu vwonti, havhili ámanyile kuuti áfumile kwa Mulungu, nu kuuti aligaluha kwa Mulungu.

Yohani 13:36

Pe uSiimoni uPeeteli ahamuvhuziilizya uYeesu ahati, “We Mwene, ukusogola kwoshi?” UYeesu ahamwamula ahati, “Nkusogola kwe iwe ahavhaliilizyo iha utangandandata, ileelo kwe undandate pisinda.”

Yohani 14:28

Mwivuuye vwe nkuvhavhuuzya kuuti, ‘Nasogola, ileelo kwe ninze kuli imwe.’ Inga nalyoli munkunzite, nkandi mukuseshela lwe mukwivwa kuuti nkusogola kwa Taata, mwe pe uTaata mupiti kunduusya ine.

Yohani 16:10

Alivhalolesyaga kuuti ne mugolosu, mwe pe nkusogola kwa Taata, havhili te muhandole.

Yohani 16:16

UYeesu ahajendeelela kuvhavhuuzya avhasundikwa vhaakwe ahati, “Hasyaye ahavhaliilizyo hansi te mundole, havhili hasyaye ahavhaliilizyo hansi kwe mundole.”

Yohani 16:17

Pe avhasundikwa vhaakwe vhamo vhahavhuzilizanya vhuuvho vheeka vhahati, “Vhuli, kwe kuuti vhuli izi zye akuyanga akuti, ‘Hasyaye ahavhaliilizyo hansi te mundole, havhili hasyaye ahavhaliilizyo hansi kwe mundole,’ nu kuuti, ‘Nkusogola kwa Taata’?”

Yohani 16:28

Nínzile mu nsi kufuma kwa Taata, havhili ishi nkwepa mu nsi, nkusogola kwa Taata.”

Yohani 17:13

“We Taata, ishi indi mwi idala nkwinza kuli iwe. Nkuvhavhuuzya avhasundikwa vhaane zyonti izi she indi mu nsi, inga vhavhe nu luseshelo nkaani muhati zyavho, inza vwe niine indi nu luseshelo.

Yohani 17:4

Ine ndolesiizye uvhushindamu vhwaho ku vhantu vhonti kutuushila ku mbombo ye wánsonteleziizye kuyivhomba.

Yohani 6:62

Ishi yiliivha vhuli, inga mukundola ine ne Mwana wa Aadamu, nkuzuvha kusogola ku mwanya kwe náamile ku vhwandilo?

Yohani 7:33

Pe uYeesu ahavhavhuuzya avhantu ivho ahati, “Kwe mbe niimwe ahavhaliilizyo hansi vhweleele lwe nshiili kugaluha ku kwakwe we ansonteleziizye.

VaHebuli 1:3

UMwana uyo akulolesya vwe uMulungu akunyengʼenyela ku vhushindamu, havhili uweene shiholanyo isha nalyoli isha vwe uMulungu ali. Havhili uMwana uyo akuvivhiiha ivintu vwonti kuuti vijendeelele kuvha inza vwe vili, kwi izwi lyakwe ilya maha. Lwe avhazelufwa avhantu uvhutalamalandu, ásogooye kutendama uluvhazu ulwa nyoovhe iya kundiilo iya Mulungu uwa Maha Gonti, pa vhushindamu uvhupiti nkaani ku mwanya.

VaHebuli 12:2

Tuvhombaje vhwevhulo, uku tukumwenyeelezya uYeesu we átalisiizye idala ilya kuuti iswe tumwitihaje uMulungu, havhili we akuutupa umwoyo kuuti tujendelelaje kumwitiha kufishila ku vhusililishilo. Havhili ávhujimbiliiye uvhufwe pa shihovhenkanyo ishisita kusaajila kulola insoni, kuzya luseshelo lwe lwávhisiilwe pilongolela lyakwe. Ishi atendiime uluvhazu ulwa kundiilo ulwa shitengo isha vhumwene isha Mulungu, pa vhushindamu uvhupiti nkaani.