Yohani 16:27 - ULufingwi uLupwa

²⁷ Yeenyi, uTaata uMulungu avhakunzite imwe, mwe pe niimwe munkunzite ine, havhili mwitisile kuuti náfumile ku kwakwe.

Tesitamenti Umupwa 1965

²⁷ She wuyo we Tata wope avakunzitʼimwe, she munkunzitʼine, kavili mwitisile ukuti mfumile kwa Mulungu ine.

Yohani 16:27 ပူးပေါင်းရင်းမြစ်များ

Matayi 10:37

Umuntu wonti we akumukunda uyise, poosye unyina kuluusya kunkunda ine, uyo atankondeeye. Havhili, wonti we akumukunda umwana waakwe umwanaavuli, poosye umwantanda, kuluusya kunkunda ine, woope atankondeeye.

Yohani 14:21

Umuntu wonti we azimanyile nu kuzivhombela imbombo zye nkulajizya, uyo we ankunzite. Woope umuntu wonti we ankunzite ine, uTaata akumukunda. Niine nkumukunda havhili ndiyilolesya apazelu ku kwakwe.”

Yohani 14:23

UYeesu ahamwamula ahati, “Umuntu wonti we ankunzite ine, kwe azivhombelaje imbombo zye nkumulajizya. Woope uTaata waane kwe amukundaje umuntu uyo, havhili ine nu Taata waane tuliyinza ku kwakwe nu kutendama pooka nawo.

Yohani 16:30

Pe ishi, twamanya kuuti iwe umanyile zyonti, havhili utakwanza umuntu kukuvhuziilizya shimo. Izyo zye zikutuvhiiha kwitiha kuuti ufumile kwa Mulungu.”

Yohani 17:23

Ine indi muhati zyavho, niiwe uli muhati yaane. Nkulaavha kuuti vhavhe ishintu shooka, inga avhantu vhonti vhe vhatanitisile vhamanye kuuti iwe unsonteleziizye, havhili vhamanye kuuti uvhakunzite avhasundikwa vhaane inza vwe unkunzite ine.

Yohani 2:11

UYeesu ávhomvile ishilolesyo ishi mu nkaaya iya Kaana, mu shigavho isha nsi isha Galilaaya. Ishilolesyo isho she sháamile sha kwanda kuvhomba, kulolesya uvhushindamu vhwakwe ku vhantu. Kufumiilana niilyo, avhasundikwa vhaakwe vhahamwitiha.

Yohani 3:13

Ataliipo umuntu wonti we ahasogola ku mwanya, ileelo ine ne Mwana wa Aadamu ne nkinza kufuma ku mwanya.

Yohani 7:29

Ileelo ine imumanyile, mwe pe mfumile ku kwakwe, havhili uweene we ansonteleziizye kuli imwe.”

Yohani 8:42

UYeesu ahavhavhuuzya ahati, “Inga uMulungu wu Taata wiinyu, nkandi munkunzite. Ine ntinzile ku maha gaane, uMulungu we ansonteleziizye.

VaLoma 8:3

Indajizyo izya Moose zitáamile na maha aga kutuvhiiha kuvha swe vhasatushe, mwe pe uvhuntu vhwitu uvhwa vhutalamalandu vhwáposiitwe kuzilandata. Ileelo shiila she indajizyo zyáposiitwe kushivhomba, uMulungu áshivhomvile. Ámutumiliziizye uMwana waakwe wuuyo avhe nu muvhili inza amavhili giitu, ileelo ishisita uvhutalamalandu. Kutuushila umuvhili uwo uMulungu ávhupiiye isunde uvhutalamalandu. Kwi idala ilyo, ahapela aamala amaha aga vhutalamalandu,

1 VaKolinti 15:47

Umuntu uwa kwanda, uAadamu áfumile mu nsi, ápeziilwe kufuma mu ntope. Umuntu uwa vhuvhili, uChilisiti áfumile ku mwanya.

1 VaKolinti 16:22

Umuntu wonti we atakumukunda uMwene uYeesu, atipwaje. Malanaasa, kwe kuuti we Mwene uyinze!

2 VaKolinti 5:14

Ishikunzi isha Chilisiti shikutulongola iswe, mwe pe tumanyile kuuti umuntu wooka áfuuye kuzya vhantu vhonti, kuli izyo, avhantu vhonti vháfuuye.

VaGalati 4:4

Ileelo ahavhaliilizyo he hávhisiilwe lwe haafiha, uMulungu ahamusonteelezya uMwana waakwe mu nsi, ahavha muntu inza iswe, ahanda kulongolwa ni ndajizyo.

VaEfeso 6:24

UMulungu avhafwile uvhwila vhonti vhe vhakumukunda uMwene wiitu uYeesu Chilisiti ku shikunzi she shitali nu vhusililishilo.

1 Timoti 1:15

Kuli izwi ilya nalyoli lye likwanzilwa kulyitiha ku mwoyo wonti, kuuti, “UChilisiti uYeesu áyinzile mu nsi umu kuvhapoha avhatalamalandu.” Niine ne mutalamalandu kuluusya avhanji vhonti.

VaHebuli 12:6

UMWENE uMulungu akuumupa isunde umuntu wonti we amukunzite. Havhili akuumupa isunde umuntu wonti we akumwitiha kuuti mwana waakwe.”

1 Peteli 1:8

Imwe mumukunzite uYeesu, poosye she mutamuvhwenyi, havhili mukumwitiha, poosye she mutamuvhwenyi. Kuli izyo, muli nu luseshelo ulupiti havhili ulwa kusukumizya lwe lutangalondovholwa,

1 Yohani 4:19

Iswe tuli ni shikunzi, mwe pe uweene we átalisile kutukunda.

Ishitushizya 3:19

Vhonti vhe mbakunzite, nkuvhapilila nu kuvhasunda, pe uvhe nu mute kutonta.

Ishitushizya 3:9

Yeenyi, ndivhaleetela imwe avha mwi isinagoogi ilya Seetano vhe vhakuyitaha kuuti Vhayuuda, ileelo lilenga. Ndivhapela vhinze kukusugamilila nu kumanya kuuti nkukunzite.