Yohani 16:22 - ULufingwi uLupwa

²² Vhwevhulo, niimwe muli nu vhuswimiilizu ahavhaliilizyo iha, ileelo kwe ninze havhili kuli imwe, pe kwe muvhe nu luseshelo mu mooyo giinyu. Ataliipo we aliyeefwa uluseshelo ulwo mu mooyo giinyu.

Tesitamenti Umupwa 1965

²² Namwe shinishi she muhonzizye vovulo mukusungama, nkandi mulindola nohavili, pʼamoyo ginyu galiseshela, ilelʼulwenʼuluseshelo lwinyu lunulu lwe numo atalisompola kumwinyu.

Yohani 16:22 ပူးပေါင်းရင်းမြစ်များ

Matayi 28:8

Pe avhantanda vhaala vhaheepa naluvhiilo pa mbiipa kwi lyoga nu luseshelo ulupiti. Vhahashimbila kusogola kuvhavhuuzya avhasundikwa avha Yeesu inza vwe uhavhizya uyo ávhavhuziizye.

uLuuka 10:42

Ileelo shikwanzilwa ishintu shooka vhweleele she shinza, isho she uMaliiya asavhuuye, naawumo we angasheefwa ku kwakwe.”

uLuuka 16:25

“Ileelo uAabulahamu ahamwamula ahati, ‘Mwana waane, ukumbushe kuuti ahavhaliilizyo he wáamile we mupuuma, wáamile ni vintu ivwinza vwe uhavisuvhilaga, ileelo uLaazalo áamile mu mayimba. Ishi, uweene akusuvhalizilwa ipa, iwe ukuyimba.

uLuuka 19:26

“Ahati, ‘Nkuvhavhuuzya kuuti, umuntu wonti we akusaajila she ali nasho, vhalimwonjezya ivwamwavho. Ileelo we atakusaajila she ali nasho, shoope isho alifwulwa.

uLuuka 24:41

Pe avhasundikwa vhaakwe vhahaseshela nkaani, uku vhakusukumila, vhahafishila kusiivha kuuti pamo nalyoli te wuuyo! Lwe vhakujendeelela kuseshela nu kusukumila, uYeesu ahavhavhuziilizya ahati, “Muli ni shaakulya shimo ipa?”

Yohani 14:1

Pe uYeesu ahajendeelela kuvhavhuuzya avhasundikwa vhaakwe kuuti, “Mutaswimililwaje mu mooyo giinyu. Mumumwitihaje uMulungu, munitihaje niine.

Yohani 14:19

Hasyala ahavhaliilizyo hansi te nkaloleshe mu nsi umu. Ileelo imwe mulindola, mwe pe ine ndiivha ne mulanzi, niimwe muliivha mwe vhalanzi.

Yohani 14:27

Lwe nkwepa, nkuvhaleshela uvhutehamu vhwane. Nkuvhaleshela uvhutehamu vhwe vhutali inza vhwe vhukufuma ku vhantu vhe vhakumuhaana uMulungu. Mutaswimililwaje mu mooyo giinyu, havhili mutogopaje.

Yohani 16:16

UYeesu ahajendeelela kuvhavhuuzya avhasundikwa vhaakwe ahati, “Hasyaye ahavhaliilizyo hansi te mundole, havhili hasyaye ahavhaliilizyo hansi kwe mundole.”

Yohani 16:20

Nalyoli nkuvhavhuuzya kuuti, imwe kwe mukuute nu kuloosya, ileelo avhantu avha mu nsi umu kwe vhaseshele. Kwe muswimiililwe ahavhaliilizyo hansi, ileelo uvhuswimiilizu vhwinyu kwe vhugalunkane kuvha luseshelo.

Yohani 16:6

Ileelo mwaswimiililwa nkaani, mwe pe navhavhuuzya nati nkusogola kwa Taata.

Yohani 21:7

Umusundikwa ula we uYeesu ámukunzite, ahamuvhuuzya uPeeteli ahati, “Uno wu Mwene!” Lwe uSiimoni uPeeteli ayiivwa kuuti wu Mwene, ahazwala amenda gaakwe ge ázuuye lwe aakuvuvha inswi, ahayigwilizya mwa sumbi.

Yohani 4:14

Ileelo umuntu we akumwela aminzi ge ine nkuumupa, te ahuumilwe ishinyooto havhili. Aminzi ge ine nkuumupa, galiivha inza ishiduda isha minzi muhati yaakwe she shitakwuma naalumo nu kuumupa uvhulanzi uvhwa shiima.”

iMbombo izya Vhatumwa 13:52

Ileelo avhalandati avha Yeesu avha pa Antiyookiya vhahaseshelaga nkaani, nu kwizula uMupepo uMufinjile.

iMbombo izya Vhatumwa 16:25

Lwe yaafiha pa vhusiku pahati, avha Paavhuli nu Siila vhahamulaavhaga uMulungu, nu kwimba inyimbo izya kumutiima. Vhoope avhakungwa avhamwavho vhahatejelezyaga.

iMbombo izya Vhatumwa 2:46

Vhahavhungaanaga pa Nyumba iMfinjile insiku zyonti. Havhili vhahavhungaanaga mu nyumba zyavho kumensulana ikaati nu kulya ishaakulya shaavho pooka ku mwoyo umwinza nu luseshelo.

iMbombo izya Vhatumwa 5:41

Avhatumwa vhoope vhahafuma pa lukuvhato ulwa vhalongozi, uku vhakuseshela, mwe pe uMulungu ávhwenyi kuuti vhahondeeye kusaamulwa kuzya izina ilya Yeesu.

2 VaKolinti 6:10

Havhili tukuloleha ngati tuswimiliilwe, ileelo ahavhaliilizyo honti tuli nu luseshelo, tukuloleha twe vhapiina, ileelo tuvhapiiye avhinji uvhudumbwe, tukuloleha tuli nyoovhe zyeka, ileelo tuli ni vintu vwonti.

2 VaTesaloniki 2:16

UTaata wiitu uMulungu atukunzite, na ku vhwila vhwakwe akutusuvhaalizya shiima nu kuutupa ulusuuvhilo ulwinza. Tukumulaavha uMwene wiitu uYeesu Chilisiti pooka nu weene, kuuti

VaHebuli 10:34

Havhili muhavhafwilaga uvhwila avhamwinyu vhe vhákunziilwe mu jeela. Havhili lwe vhavhafwula ivwuma vwinyu, muhaseshelaga mu mooyo giinyu, mwe pe mwámanyile kuuti muli ni vintu ivwinza nkaani vwe vitakusila naalumo.

VaHebuli 6:18

Inga uMulungu afinga nu kulapa, atakwandula naalumo, mwe pe uweene atakuluma ilenga. Uweene ávhomvile ivintu ivi vivhili, kufinga nu kulapa, inga aatupe umwoyo iswe twe tushimbiliiye kuzilema nkaani ziila zye tukuzisuuvhila.

1 Peteli 1:8

Imwe mumukunzite uYeesu, poosye she mutamuvhwenyi, havhili mukumwitiha, poosye she mutamuvhwenyi. Kuli izyo, muli nu luseshelo ulupiti havhili ulwa kusukumizya lwe lutangalondovholwa,