Yohani 16:20 - ULufingwi uLupwa

²⁰ Nalyoli nkuvhavhuuzya kuuti, imwe kwe mukuute nu kuloosya, ileelo avhantu avha mu nsi umu kwe vhaseshele. Kwe muswimiililwe ahavhaliilizyo hansi, ileelo uvhuswimiilizu vhwinyu kwe vhugalunkane kuvha luseshelo.

Tesitamenti Umupwa 1965

²⁰ Nalyoli lyoli nkuvavuzyʼine nkuti: Imwe mulikuta, mulilosya, iyenʼinsi nyene yʼiliseshela. Imwe mulisungama, nkandʼulusungamo lwinyu luligalunkana, luliyipelʼukuva luseshelo.

Yohani 16:20 ပူးပေါင်းရင်းမြစ်များ

Matayi 21:38

Ileelo avhalimi ivho lwe vhamulola umwana uyo, vhahapanzanya vhahati, ‘Uno we mupwana uwa mugunda uno. Ishi nzaaji, tumugoje inga umugunda uno wuvhe wiitu.’

Matayi 5:4

Vhalosiitwe avhaswimiilizu, mwe pe uMulungu alivhasuvhaalizya.

Maliko 14:72

Ahavhaliilizyo hanaaho inkanda yihavhilishila ulwa vhuvhili. UPeeteli ahalikumbuha izwi liila lye uYeesu ámuvhuziizye átili, “Lwe inkanda yishiili kuvhilishila luvhili, kuuti uvhe wankaana lutatu.” UPeeteli ahaswimiililwa, ahanda kukuuta nkaani.

Maliko 16:10

Woope uMaliiya ula, ahasogola kuvhavhuuzya vhe vhahavhanga nu Yeesu. Ahavhaliilizyo iho vhahavhanga vhakuloosya nu kukuuta.

uLuuka 22:45

Lwe alaavha, ahimiilila, ahasogola ku vhasundikwa vhaakwe, ahaaga vhakaasite utulo, mwe pe vháamile nu vhuswimiilizu.

uLuuka 22:62

Pe ahafuma panzi nu kukuuta ku vhuswimiilizu nkaani.

uLuuka 23:27

Impuga impiti iya vhantu yihavha yikumulandata uYeesu. Muli ivho, kwáli avhantanda vhe vhahakuutaga nu kuswimiililwa kuzya Yeesu.

uLuuka 24:17

UYeesu ahavhavhuziilizya ahati, “Mukupanga nongwa vhuli izi lwe mukujenda?” Avhantu ivho vhahimiilila, uku vhaswimiliilwe.

uLuuka 24:21

Uyo we twamusuvhilaga kuuti, kwe atutavhule iswe swe Vhaisilayeeli. Ishi, ileelo lisiku lya vhutatu, kufuma pe zyonti izyo zyaavhombesile.

uLuuka 6:21

Mulosiitwe imwe, mwe muli ni nzala ahavhaliilizyo iha, mwe pe muliyiikuta. Mulosiitwe imwe, mwe mukukuuta ahavhaliilizyo iha, mwe pe muliseshela.

Yohani 16:33

Navhavhuuzya izi, inga muvhe nu vhutehamu, mwe pe muli muhati yaane. Mu nsi umu muli na mayimba, ileelo mugomaje amooyo, mwe pe ine njipoosite insi.”

Yohani 16:6

Ileelo mwaswimiililwa nkaani, mwe pe navhavhuuzya nati nkusogola kwa Taata.

Yohani 20:20

Lwe avhalamuha vhwevhulo, ahavhalolesya amavhamba aga mu nyoovhe ni lya pa luvhazu lwakwe. Lwe avhasundikwa vhaakwe vhamulola uMwene uYeesu, vhahaseshela nkaani.

iMbombo izya Vhatumwa 5:41

Avhatumwa vhoope vhahafuma pa lukuvhato ulwa vhalongozi, uku vhakuseshela, mwe pe uMulungu ávhwenyi kuuti vhahondeeye kusaamulwa kuzya izina ilya Yeesu.

VaLoma 5:11

Havhili, te lye liniilyo lyeka vhweleele, pooka niilyo uMulungu atuvhiisile kuuti tuseshele nkaani ku ziila zye atuvhombeeye, mwe pe kwi idala ilya Mwene uYeesu Chilisiti, tukundiine nu Mulungu.

2 VaKolinti 6:10

Havhili tukuloleha ngati tuswimiliilwe, ileelo ahavhaliilizyo honti tuli nu luseshelo, tukuloleha twe vhapiina, ileelo tuvhapiiye avhinji uvhudumbwe, tukuloleha tuli nyoovhe zyeka, ileelo tuli ni vintu vwonti.

VaGalati 5:22

Ileelo inga tukulongolwa nu Mupepo uMufinjile, tukuvha na mantonongwa iga: ishikunzi nu luseshelo nu vhutehamu nu vhujimbiilizu nu vhwinza nu vhutesi nu vhutungamu

1 VaTesaloniki 1:6

Pooka nu kuuti mwámile mu mayimba kuzya lwitiho lwinyu, ileelo mwáposheleeye Izwi ilyo ku luseshelo lwe lukufuma kwa Mupepo uMufinjile. Vwe mwávhomvile vhwevhulo, mwálandasite ishiholanyo shiitu ni shiholanyo isha Mwene uYeesu.

Yakobu 1:2

Mwe vhamwitu, museshelaje lwe indingo izya mavhiila mu mavhiila zikuvhaaga,

uYuuda 1:24

UMulungu akuvhwezya kuvhuvhatila imwe, inga mutahapunule, havhili akuvhimiilisya ishisita ulukwinkwino pilongolela ilya vhushindamu vhwakwe, she muli nu luseshelo ulupiti.

Ishitushizya 11:10

Avhantu vhonti vhe vhakutendama pa nsi, vhaliseshela nu kudovhela nu kufumwizanya ivipeelwa ku mfwa izya vhahoome ivho vhavhili. Vhalivhomba isho, mwe pe avhakuvhwi ivho vhávhayimvwizye vhe vhakutendama pa nsi ipa.

Ishitushizya 18:7

Mumuyimvwe nu kumuvhavwa kufumiilana nu kuyitumvwa kwakwe, kufumiilana ni mpapilo zyakwe. Akuyitumvwa mu mwoyo waakwe kuuti, ‘Ine nkutendama pa shitengo shaane nu kukonzya fwe ne samwene. Ine te ne muziishe, havhili ntaliswimiililwa naalumo!’