Yohani 16:2 - ULufingwi uLupwa

² Yeenya, vhalivhashimbizyaga imwe mu masinagoogi. Havhili, ahavhaliilizyo hakwinza he inga umuntu amugoga wumo muli imwe, alisiivhaga kuuti akuvhomba mbombo ya Mulungu.

Tesitamenti Umupwa 1965

² Valivafumwa namumasinagogi gavo. Havili hakwinzʼahavalilizyo, pe vontʼava ve vakuvagogʼimwe valisiva ukuti: TukumuvombelʼuMulungu imbombo.

Yohani 16:2 ပူးပေါင်းရင်းမြစ်များ

Matayi 10:28

Mutavhogopaje vhe vhakugoga we muvhili vhweleele, nkandi mumwogopaje uMulungu we akulovwa nziila mwi ipalaazya ilya mwoto!

Matayi 24:9

“Ahavhaliilizyo iho, avhantu avha mu nsi zyonti vhalivhavitilwaga, vhalivhalemaga nu kuvhayimvwa nu kuvhagoga, mwe pe mukundandata ine.

uLuuka 6:22

“Mulosiitwe imwe, inga avhantu vhakuvhaviitilwa nu kuvhazila nu kuvhaliga nu kuvhayanga havhiivhi, mwe pe mukuniitiha ine, ne Mwana wa Aadamu.

Yohani 12:42

Poosye vhwevhulo, avhinji mu vhapiti avha Vhayuuda vhámwitisile uYeesu, ileelo vhatahayangaga apazelu kuuti vhamwitisile, mwe pe vhahogopaga kuuti aVhafalisaayi vhatahavhashimbizye mwi isinagoogi.

Yohani 16:25

UYeesu havhili ahati, “Navhavhuuzya zyonti izi ku viholanyo. Ileelo ahavhaliilizyo hakwinza he te nkayangaje niimwe havhili ku viholanyo, ndivhavhuzyaga apazelu izya Taata.

Yohani 16:32

Yeenyi, ahavhaliilizyo hapalamiiye, havhili hali papiipi nkaani, he mwenti kwe musataane. Mwenti kwe musogole ukwinyu nu kundeha neeka. Ileelo ine ntali neeka, mwe pe uTaata ali pooka niine.

Yohani 4:21

UYeesu ahamwamula ahati, “We maayi, yitiiha zye nkuyanga kuuti zya nalyoli, ahavhaliilizyo hakwinza he te muhamupuutaje uTaata mwi igamba ili, poosye ku Nyumba iMfinjile iya ku Yelusaleemu.

Yohani 4:23

Ahavhaliilizyo hakwinza, havhili hafisile he avhantu vhe vhakumupuuta uMulungu mu vhwanalyoli, vhalimupuutaga uTaata inza vwe uMupepo waakwe akuvhalongola kumupuuta uweene inza vwe wa nalyoli. UTaata uMulungu akuvhalondola avhantu vhe vhakumupuuta kwi idala ilyo.

Yohani 9:22

Avhapaafi vhaakwe vháyanzile vhwevhulo, mwe pe vhávhogofile avhalongozi avha Vhayuuda, mwe pe avheene vhítinkiine kuuti, umuntu wonti we akwitiha kuuti uYeesu wu Chilisiti, vhakumushimbizya mwi isinagoogi.

Yohani 9:34

Avheene vhahamwamula vhahati, “Iwe uhapaapwa mu vhutalamalandu. Pe ungatusambiilizya vhuli iswe?” Pe vhahamushimbizya mwi isinagoogi.

iMbombo izya Vhatumwa 5:33

Avhapiti vhaala lwe vhiivwa izyo, zihaavhasya amooyo gaavho, vhahanzaga kuvhagoga.

iMbombo izya Vhatumwa 7:56

Pe ahayanga ahati, “Yeenyi, naalola ku mwanya kwigusile, uMwana wa Aadamu ayimiliiye ku luvhazu ulwa kundiilo ulwa Mulungu pa vhushindamu uvhupiti nkaani!”

1 VaKolinti 4:13

inga vhakutuyanga havhiivhi, tukuvhaamula ahinza. Poosye ishi, tukuloleha fwe twe nswaswa izya mu nsi umu, havhili fwe twe makooko.

Filipi 3:6

Lwe náshiili kupinduha, náali nu mute nkaani kushiyimvwa ishivhanza. Inga vhugolosu vhwe vhukufumiilana nu kuzilandata indajizyo izya Moose, ntáamile nu vhunanzi.

Ishitushizya 6:9

Pe lwe aHagonzi aha MWENE uMulungu havunza ishilemezanyo isha vhusaano, nkalola impepo izya vhantu zili pansi pa shifinjilo. Avhantu ivho vhe vhávholiilwe kuzya kulyitiha izwi ilya Mulungu na kuzya vhwahoome vhwe vhahafumwaga.