Yohani 16:19 - ULufingwi uLupwa

¹⁹ UYeesu ahamanya kuuti vhakwanza kumuvhuziilizya zye ayanga, pe ahavhavhuziilizya ahati, “Vhuli, mukuvhuzilizanya zye nayanga kuuti, ‘Hasyaye ahavhaliilizyo hansi te mundole, havhili hasyaye ahavhaliilizyo hansi kwe mundole’?

Tesitamenti Umupwa 1965

¹⁹ UwenʼuYesu ahamanya ukuti vakasimʼukumuvuzilizya, pʼahavavuzya ahati: Zye mukuvuzilizanya zye ntili: Pasyaye pansi pe mutakundola, havili pasyaye pansi pe mukundola?

Yohani 16:19 ပူးပေါင်းရင်းမြစ်များ

Matayi 6:8

Mutalaavhaje inza vwe avheene vhakulaavha, mwe pe uTaata wiitu amanyile vwe musovheliilwe, poosye she mushiili kumulaavha.

Matayi 9:4

Ileelo uYeesu ahamanya insiivho zyavho, pe ahavhapilila ahati, “Shooni she mukusiivha imbiivhi mu mooyo giinyu?

Maliko 9:32

Avhasundikwa vhaakwe vhatályagiinye izwi ilyo, ileelo vhahoogopa kumuvhuziilizya.

Yohani 13:33

Mwe vhaana vhaane, kwe mbe niimwe ahavhaliilizyo hansi vhweleele. Inza vwe naavhavhuziizye avhalongozi avha Vhayuuda, niishi vhweleele nkuvhavhuuzya niimwe kuuti kwe mundondole, ileelo imwe mutanginza kwe nkusogola.

Yohani 14:19

Hasyala ahavhaliilizyo hansi te nkaloleshe mu nsi umu. Ileelo imwe mulindola, mwe pe ine ndiivha ne mulanzi, niimwe muliivha mwe vhalanzi.

Yohani 16:16

UYeesu ahajendeelela kuvhavhuuzya avhasundikwa vhaakwe ahati, “Hasyaye ahavhaliilizyo hansi te mundole, havhili hasyaye ahavhaliilizyo hansi kwe mundole.”

Yohani 16:18

Vhahajendeelela kuvhuzilizanya vhahati, “Vhuli, kwe kuuti vhuli, kuuti, ‘Ahavhaliilizyo hansi’? Iswe tutakumanyinsanya zye akuyanga.”

Yohani 16:23

Havhili lwe ahavhaliilizyo iho haafiha, te muhandaavhe naashimo. Nalyoli nkuvhavhuuzya kuuti, zyonti zye mukumulaavha uTaata uMulungu kwi izina lyane, aliivhapa.

Yohani 16:26

Ahavhaliilizyo iho, mulilaavhaga kwi izina lyane. Ntakuti ine ndivhalavhilaga kwa Taata.

Yohani 16:30

Pe ishi, twamanya kuuti iwe umanyile zyonti, havhili utakwanza umuntu kukuvhuziilizya shimo. Izyo zye zikutuvhiiha kwitiha kuuti ufumile kwa Mulungu.”

Yohani 21:17

Ahamuvhuziilizya ulwa vhutatu ahati, “We Siimoni mwana wa Yoohani, vhuli, unkunzite?” Pe uPeeteli ahaswimiililwa, mwe pe amuvhuziilizya ulwa vhutatu kuuti, “Vhuli, unkunzite?” Ahamwamula ahati, “We Mwene, iwe umanyile zyonti. Umanyile kuuti, nkukunzite.” UYeesu ahamuvhuuzya ahati, “Udiimaje ingʼonzi zyane.

Yohani 6:61

Lwe uYeesu aamanya kuuti avhasundikwa vhaakwe vhakukwinkwina ku ziila zye áyanzile, ahavhavhuziilizya ahati, “Vhuli, amazwi iga gavhapunuzya?

Yohani 7:33

Pe uYeesu ahavhavhuuzya avhantu ivho ahati, “Kwe mbe niimwe ahavhaliilizyo hansi vhweleele lwe nshiili kugaluha ku kwakwe we ansonteleziizye.

VaHebuli 4:13

Shitaliipo ishipelwa she shizyihiime pilongolela ilya Mulungu. Ivintu vwonti vili apazelu pilongolela lyakwe, uweene we niiswe tulilondovhola imbombo zyitu zyonti zye tukuzivhomba.

Ishitushizya 2:23

Havhili ndivhagoga avhalandati vhaakwe. Pe ivivhanza vwonti viliimanya kuuti ine ne nkwenyeelezya insiivho na mooyo. Niine ndiimupa umuntu wonti muli imwe kulandatana na zye akuzivhomba.