Yohani 16:17 - ULufingwi uLupwa

¹⁷ Pe avhasundikwa vhaakwe vhamo vhahavhuzilizanya vhuuvho vheeka vhahati, “Vhuli, kwe kuuti vhuli izi zye akuyanga akuti, ‘Hasyaye ahavhaliilizyo hansi te mundole, havhili hasyaye ahavhaliilizyo hansi kwe mundole,’ nu kuuti, ‘Nkusogola kwa Taata’?”

Tesitamenti Umupwa 1965

¹⁷ Pe vamʼavasundikwa vakwe vahavuzilizanya vahati: She shonu shʼakutuvuzya ukuti: Pasyaye pansi pe mutakundola, havili pasyaye pansi pe mukundola? Nalyʼukuti: She mbusilʼukuvala kwa Tata?

Yohani 16:17 ပူးပေါင်းရင်းမြစ်များ

Maliko 9:10

Vhahalilema izwi liila, vhahanda kuvhuzilizyanya vheeka kuuti, “Kuzyuha she shooni?”

Maliko 9:32

Avhasundikwa vhaakwe vhatályagiinye izwi ilyo, ileelo vhahoogopa kumuvhuziilizya.

uLuuka 18:34

Avhasundikwa vhaakwe vhatázimanyinsiinye inga hansi zye ahavhavhuzyaga, mwe pe zyázyisiilwe kuuti kwe kuuti vhuli. Vhatámanyile kuuti akuyanga shintu vhuli.

uLuuka 9:45

Ileelo avheene vhatahazimanyinsanyaaga zye uYeesu ahayangaga, mwe pe zyázyisiilwe, inga vhatazimanyinsanyaaje, vhoope vhahoogopa kumuvhuziilizya.

Yohani 12:16

Ahavhaliilizyo iho, avhasundikwa avha Yeesu vhatámanyile izyo. Ileelo lwe uMulungu alolesya apazelu uvhushindamu uvhwa Yeesu, pe vhahakumbuha kuuti izyo zyásimviilwe mu Vhusimbe uVhufinjile ku zyakwe na vwe avhantu vhámuvhombeeye.

Yohani 14:22

Pe umusundikwa wumo we izina lyakwe vhahatinji uYuuda we te wa ku Kaalyoti, ahamuvhuziilizya uYeesu ahati, “We Mwene, yingavha inza vhuli kuyilolesya kuli iswe, ileelo utahayilolesye ku vhantu avhanji vhonti?”

Yohani 14:5

Pe uToomasi ahamuvhuziilizya uYeesu ahati, “We Mwene, iswe tutamanyile kwe ukusogola. Pe tungalimanya idala inza vhuli?”

Yohani 16:1

UYeesu ahajendeelela kuyanga na vhasundikwa vhaakwe ahati, “Navhavhuuzya zyonti izi, inga mutahaaleshe kuniitiha.

Yohani 16:16

UYeesu ahajendeelela kuvhavhuuzya avhasundikwa vhaakwe ahati, “Hasyaye ahavhaliilizyo hansi te mundole, havhili hasyaye ahavhaliilizyo hansi kwe mundole.”

Yohani 16:18

Vhahajendeelela kuvhuzilizanya vhahati, “Vhuli, kwe kuuti vhuli, kuuti, ‘Ahavhaliilizyo hansi’? Iswe tutakumanyinsanya zye akuyanga.”

Yohani 16:19

UYeesu ahamanya kuuti vhakwanza kumuvhuziilizya zye ayanga, pe ahavhavhuziilizya ahati, “Vhuli, mukuvhuzilizanya zye nayanga kuuti, ‘Hasyaye ahavhaliilizyo hansi te mundole, havhili hasyaye ahavhaliilizyo hansi kwe mundole’?

Yohani 16:5

“Ishi nkusogola kwa Taata we ansonteleziizye kuli imwe. Ileelo nuumo muli imwe we akumbuziilizya kuuti, ‘Vhuli, wasogola kwoshi?’