Yohani 16:11 - ULufingwi uLupwa

¹¹ Alivhalolesyaga kuuti uMulungu alivhalonga, mwe pe amulonzile uSeetano we mupiti wa vhatalamalandu mu nsi.

Tesitamenti Umupwa 1965

¹¹ Kukulongwa shʼumuhatansi yinino alonzilwe.

Yohani 16:11 ပူးပေါင်းရင်းမြစ်များ

Matayi 12:18

“Yeenya, uno muvhomvi waane we musavhuuye, uNkundwa waane we umwoyo waane wukuhondezelwa nawo. Ndiimupa uMupepo waane, woope alikumusya uvhwanalyoli ku vhe te Vhayuuda.

Matayi 12:36

Ishi nkuvhavhuuzya kuuti, amazwi gonti aga shaaha ge avhantu vhakuyanga, vhaligalondovhola isiku ilya vhulonzi.

uLuuka 10:18

UYeesu ahavhavhuuzya ahati, “Namulolaga uSeetano akugwa ngati lumesyo ulwa mvula intalala kufuma ku mwanya.

Yohani 12:31

Ishi ahavhaliilizyo haafiha aha Mulungu kuvhalonga avhantu avha mu nsi umu, havhili aha kumusumba kunzi uSeetano we mupiti uwa nsi ino.

Yohani 14:30

Te njanje niimwe ahavhaliilizyo ahatali, mwe pe umupiti uwa nsi, kwe kuuti uSeetano akwinza, ileelo atali na maha kuli ine.

Yohani 16:12

“Indi she indi nazyo inyinji izya kuvhavhuuzya, ileelo ahavhaliilizyo iha mutangazijimbiilila.

iMbombo izya Vhatumwa 10:42

Ahatulajizya kuuti tukumusyaje ku vhantu Izwi iLyinza, nu kufumwa uvhwahoome kuuti uweene we uMulungu amuvhiisile kuuti avhe Mulonzi uwa vhapuuma na vhafwe.

iMbombo izya Vhatumwa 24:25

Ileelo lwe uPaavhuli akujendeelela kuyanga izya vhugolosu nu kuyikonzya ni zya isiku ilya vhulonzi vhwe vhukwinza, uFeeliki ahoogopa, ahati, “Ishi sogolaaga, kwe nkwite havhili inga navha na havhaliilizyo.”

iMbombo izya Vhatumwa 26:18

uvhiigule aminso gaavho, vheepe mu shiisi na mu maha aga Mukwalanzi, vhinjile mu vhuzelu uvhwa Mulungu. Ipo pe vhaliswilwa uvhutalamalandu vhwavho, havhili vhaliivha pooka na vhanji vhonti vhe vhavhisiilwe kuvha vhafinjile kwi idala ilya kuniitiha ine.’”

VaLoma 16:20

Ishi, uMulungu we akuutupa uvhutehamu alimutinzanya uSeetano nu kuuvhapa imwe amaha aga kumupoota. UMwene wiitu uYeesu Chilisiti avhafwilaje uvhwila.

VaLoma 2:16

Vwe ziliivha isiku ilya vhulonzi, lye uMulungu alivhalonga avhantu kwi idala ilya Chilisiti uYeesu, poosye ni nsiivho izya vhuzigizigi. Izwi iLyinza lye nkukumusya vwe likuyanga.

1 VaKolinti 4:5

Ishi mutavhalongaje avhantu she ahavhaliilizyo aha vhulonzi hashiili kufiha, muguliilile kufishila isiku lye uMwene uYeesu aliyinza. Uweene we alizivhiiha apazelu zyonti zye zizyihiime mu shiisi, nu kuzilolesya zye zili mu mooyo aga vhantu. Ahavhaliilizyo iho, uMulungu alivhatiima vhonti vhe vhakwanzilwa kutiimwa.

2 VaKolinti 4:4

Litamanyisile kuli ivho, mwe pe uSeetano we wu mulungu uwa nsi ino, agubishiiye injeele izya vhantu vhe vhatamwitisile uChilisiti, inga vhapotwaje kuvhulola uvhuzelu uvhwa Izwi iLyinza ilya vhushindamu uvhwa Chilisiti, we shiholanyo isha Mulungu.

VaEfeso 2:2

Muhalandataga ulujendo uluvhiivhi inza avhantu avhanji avha mu nsi umu. Havhili muhamushindihaga uMwene uMuvhiivhi, uweene we akuzikonzya impepo inkandamanu kumwanya, na havhaliilizyo iha akuvhomba imbombo muhati izya vhantu vhe vhasambusile kwa Mulungu.

Kolosi 2:15

UMulungu ahazifwula amaha impepo zye zili na maha amasisya na zye zikukonzya. Ahazisuupizya apazelu. Ahazilongozya ngati vhagomwa, lwe akuseshela uvhupooti pa shihovhenkanyo.

VaHebuli 2:14

Mwe pe avhaana ivho vhali na mavhili na mavhanda, woope uYeesu áyinzile nu muvhili na mavhanda inza avheene. Ávhomvile vhwevhulo, inga kwi idala ilya vhufwe vhwakwe agapoote amaha aga Mukwalanzi we ali na maha aga kuleeta uvhufwe.

VaHebuli 6:2

Havhili tutavhuyiilaje kusambiilizya insambiilizyo izya kwozelwa, ni zya kuvhavhiishila avhantu inyoovhe kuvhatemwa pa mbombo, ni zya kuzyuha, ni zya vhulonzi uvhwa shiima.

VaHebuli 9:27

Inza vwe avhantu vhonti vhakufwa lwoka vhweleele, havhili lwe vhaafwa, uMulungu akuvhalonga,

2 Peteli 3:7

Havhili kwi izwi liniilyo, uMulungu azivhiisile imwanya ni nsi iya havhaliilizyo iha, kufishila isiku ilya vhulonzi lye alivipemba vwonti mu mwoto. Isiku ilyo alivhalonga nu kuvhalovwa vhonti vhe vhakuvhomba zye zitakwanzilwa pilongolela lyakwe.

1 Yohani 3:8

Ileelo umuntu we avheleleeye kuvhomba uvhutalamalandu, we mwana wa Mukwalanzi. Nkuyanga vhwevhulo, mwe pe uMukwalanzi avheleleeye kuvhomba uvhutalamalandu kufuma ku vhwandilo uvhwa vintu vwonti. Ye nongwa uMwana wa Mulungu ahinza mu nsi, kuzinanganya imbombo izya Mukwalanzi.

Ishitushizya 1:7

Yeenyi, akwinza na mavhingo! Avhantu vhonti vhalimulola, poosye vhe vhámulasile ni mpalala, na vhantu avha nsi zyonti vhalikuuta nu kuloosya ku zyakwe. Nalyoli! Amina.