Yohani 15:7 - ULufingwi uLupwa

⁷ Inga mwavha muhati yaane na mazwi gaane gavha muhati zyinyu, pe mulaavhaje kwa Taata shonti she mukwanza, woope aliivhapa.

Tesitamenti Umupwa 1965

⁷ Inga mukuva mumwanʼine, pe namazwi gane gakuva mumwinyu imwe, pe mulavaje zyonti zyenga mukasimʼukulava, pe zikuvalila.

Yohani 15:7 ပူးပေါင်းရင်းမြစ်များ

Matayi 7:7

“Mumulaavhaje uMulungu, pe woope kwe avhapanje, havhili mulondolaje, pe niimwe kwe muvwagaje, havhili muhonyonsyaje, pe niimwe kwe mwigulilwaje.

Yohani 14:13

Inga mukulaavha ishintu shonti kwi izina lyane, niine kwe mbombaje inza vwe mukulaavha. Kwi idala ilyo, nkulolesya uvhushindamu uvhwa Taata vwe vhuli.

Yohani 15:16

Te mwemwe mwánsavhuuye ine, ine ne návhasavhuuye imwe kuvha mwe vhasundikwa vhaane. Návhasavhuuye, inga mupaapaje amantonongwa ge gatakusila naalumo. Pe zyonti zye mukumulaavha uTaata uMulungu kwi izina lyane, aliivhapa.

Yohani 16:23

Havhili lwe ahavhaliilizyo iho haafiha, te muhandaavhe naashimo. Nalyoli nkuvhavhuuzya kuuti, zyonti zye mukumulaavha uTaata uMulungu kwi izina lyane, aliivhapa.

Yohani 8:31

Pe uYeesu ahavhavhuuzya aVhayuuda vhe vhámwitisile ahati, “Inga mukugalandata amazwi gaane ge nkuvhasambiilizya, pe nalyoli kwe muvhe mwe vhasundikwa vhaane.

Yohani 8:37

Imanyile kuuti imwe mwe vha mu luho ulwa Aabulahamu, ileelo mukulondola idala ilya kungoga, mwe pe mukuhaana kuzyitiha zye nkuvhasambiilizya.

VaGalati 4:2

Ahavhaliilizyo iho honti he mwana, akulongolwa na vhasunzi na vhimiilizi, kufishila ahavhaliilizyo he havhisiilwe nu yise.

VaGalati 5:16

Ishi nkuvhavhuuzya kuuti, ulujendo lwinyu lulongolwaje nu Mupepo uMufinjile, pe te muhalandate havhili impapilo izya vhuntu vhwinyu uvhwa vhutalamalandu.

Kolosi 3:16

Izwi ilya Chilisiti livhe ku vhwinji muhati zyinyu. Musambilizanyaaje nu kusohana mu vhushindamu uvhwa njeele vhwonti. Mumwimbilaje uMulungu izabuuli ni nyimbo izya kumutiima ni nyimbo zye zikufuma kwa Mupepo uMufinjile, pooka nu kumusalifwa ku mwoyo wonti.

1 Yohani 2:14

Nkuvhasimbila imwe vhataata, mwe pe mumumanyile uYeesu Chilisiti, we áliipo kufuma ku vhwandilo uvhwa vintu vwonti. Nkuvhasimbila imwe vhajaaha, mwe pe muli na maha, mulilemile izwi ilya Mulungu, havhili mumupoosite uMuvhiivhi ula, uSeetano.

1 Yohani 2:27

Yeenya, imwe, uChilisiti avhapiiye uMupepo uMufinjile, we akutendama muhati yiinyu. Uyo we akuvhasambiilizya zyonti, havhili insambiilizyo zyakwe zya nalyoli, te zya ilenga. Pe ishi, yitakwanzilwa kuuti umuntu uwunji avhasambiilizye. Inza vwe uMupepo avhasambiliziizye, ishi mujendeelele kuvha nu vhuliilani nu Chilisiti.

1 Yohani 3:22

Havhili tukuposheela kufuma ku kwakwe shonti she tukumulaavha, mwe pe tukuzishindiha indajizyo zyakwe nu kuvhomba zye zikumuhondezya.

1 Yohani 5:14

Uvhwahoome uvhwa vhudandamazu vhwitu pilongolela ilya Mulungu vhwe vhuno: Tumanyile kuuti akutwivwa, inga twamulaavha ishintu shonti ku lukasamo lwakwe.