Yohani 15:6 - ULufingwi uLupwa

⁶ Umuntu wonti we atali muhati yaane, alisumbwa panzi inza vwe ulusamba lukusumbwa nu kwuma. Pe avhantu vhakulusevha nu kulusumba mu mwoto lukupwa.

Tesitamenti Umupwa 1965

⁶ Umuntu wengʼatakuva mumwanʼine, pʼakutajilwa kunzi fwe nsamba, akwuma. Zyʼavantu vakuzivunganiha, vakuzitaga mumwoto, zikupwa.

Yohani 15:6 ပူးပေါင်းရင်းမြစ်များ

Matayi 13:41

Ne Mwana wa Aadamu ndivhatumiilizya avhahavhizya vhaane, inga vhavhavhungaanishe nu kuvhafumwa mu vhumwene vhwane, avhantu vhonti vhe vhakuvhapuvwa avhamwavho na vhasambusu.

Matayi 27:5

Pe uYuuda ahazisumba insavhaazya izyo pa Nyumba iMfinjile, aheepa, ahasogola ahayinyonga.

Matayi 3:10

Ishi, isunde ilya Mulungu lifisile inza umuntu we alemile intemo nu kuyisengaanya kudiba amakwi. Ikwi lyonti lye litakuhoma amantonongwa aminza, likudibwa nu kusumbwa mu mwoto.

Matayi 7:19

Ikwi lyonti lye litakuhoma amantonongwa aminza, likudibwa nu kusumbwa mu mwoto.

Yohani 15:2

Ulusamba lwonti lwe luli muli ine lwe lutakuhoma amantonongwa, uTaata akuludiba. Ileelo ulusamba lwe lukuhoma amantonongwa, uTaata akulupalulila, inga luhomaje ahinza.

VaHebuli 10:27

Ileelo kukusyala kwe kuguliilila uvhulonzi uvhwa Mulungu vhwe vhukwogofwa nu mwoto we wulivhalovwa avhantu vhonti vhe vhakumuhaana uMulungu.

2 Peteli 2:20

Avhantu vhe vhavhushimbiiye uvhutalamalandu uvhwa mu nsi kwi idala ilya kumumanya uMwene nu Muposhi wiitu uYeesu Chilisiti, inga vhagalushila havhili kuvhomba uvhutalamalandu, uvhulanzi uvhwa kumpeleela uvhwa vhantu ivho vhuliivha vhuvhiivhi nkaani, kuluusya ku vhwandilo.

1 Yohani 2:19

Avhalugu ivho vhafumile kuli iswe, ileelo vhataamile nu vhuliilani uvhwa nalyoli niiswe. Mwe pe inga vhavhanje nu vhuliilani uvhwa nalyoli niiswe, nkandi vhasyaye kuli iswe. Ishi vheefile, inga yiloleshe apazelu kuuti vhataamile nu vhuliilani uvhwa nalyoli niiswe.

Ishitushizya 20:15

Umuntu wonti we izina lyakwe litálolesile mwi ikalaata ilya vhulanzi, ahasumbilwa mwa sumbi we akwaha umwoto.

Ishitushizya 21:8

Ileelo avhantu avha ilyoga na vhe vhatakwitiha na vhapoopo na vhagozi na vhalugusu na vhalozi na vhe vhakupuuta iviholanyo na vha ilenga vhonti, uvhuyo vhwavho vhuliivha mwa sumbi ula we akwaha umwoto ni mbaluuti. Uwo we vhufwe uvhwa vhuvhili.”