Yohani 15:26 - ULufingwi uLupwa

²⁶ “Nkumutuma uMutuuli we wu Mupepo uMufinjile uwa kuvhalolesya avhantu vhonti uvhwanalyoli. Akufuma kwa Taata, havhili lwe aafiha kuli imwe, alivhahomeshezya uvhwanalyoli vhwane.

Tesitamenti Umupwa 1965

²⁶ Nkandi lwʼayinzilʼuMwimizi, we nkuvatumila lwe mbazilʼukufiha kwa Tata, we Mupepo wa nalyoli, umufuma kwa Tata, wuyo nyene alinkomeshezyʼine.

Yohani 15:26 ပူးပေါင်းရင်းမြစ်များ

uLuuka 24:49

“Tejeelezyi! Ishi ine kuuti imuleete kuli imwe uMupepo uMufinjile we uTaata waane áfinzile kuuti aliivhapa. Ishi, mutendame mu nkaaya ino iya Yelusaleemu, kufishila pe muliposheela amaha kufuma ku mwanya.”

Yohani 14:26

Ileelo uMutuuli uyo, kwe kuuti uMupepo uMufinjile, we uTaata kwe amutume kuli imwe kwi izina lyane, we alivhasambiilizya nu kuvhakumbusya zyonti zye nkavhavhuzyaga.

Yohani 16:7

Nkuvhavhuuzya zya nalyoli kuuti, lilonka kuli imwe kuuti nsogole kwa Taata, mwe pe inga ntasogola uMutuuli te ayinze kuli imwe. Ileelo inga nasogola, kwe imutume kuli imwe.

Yohani 8:42

UYeesu ahavhavhuuzya ahati, “Inga uMulungu wu Taata wiinyu, nkandi munkunzite. Ine ntinzile ku maha gaane, uMulungu we ansonteleziizye.

iMbombo izya Vhatumwa 1:4

Isiku limo lwe uYeesu ahalyanga pooka navho, ahavhalajizya ahati, “Mutaheepe mu nkaaya iya Yelusaleemu, muguliilile munuumu, kufishila ahavhaliilizyo he muliposheela ishikunjilwa, kwe kuuti uMupepo uMufinjile. Isho she shikunjilwa she uTaata uMulungu áfinzile, ulufingwi ulwo lwe nkavhavhuzyaga.

iMbombo izya Vhatumwa 15:8

UMulungu we amanyile amooyo aga vhantu, ahalolesya kuuti avhitisile, mwe pe vhoope ahaavhapa uMupepo uMufinjile inza iswe.

iMbombo izya Vhatumwa 5:32

Niiswe swe vhahoome avha zyonti izyo, pooka nu Mupepo uMufinjile, we uMulungu avhapiiye vhonti vhe vhakumushindiha.”

1 VaKolinti 1:6

Uvhudumbwe vhwinyu uvhwo, vhukuhomeshezya kuuti, Izwi iLyinza ilya Chilisiti lye twálumbiliiye kuli imwe lya nalyoli.

VaHebuli 2:4

UMulungu woope ávhuhomesheziizye uvhuposhi uvhwo kwi idala ilya kulolesya ivilolesyo ni zya kusukumizya na maha aga mavhiila mu mavhiila, nu kuuvhapa avhantu ivho ivikunjilwa ivwa Mupepo uMufinjile kulandatana nu lukasamo lwakwe.

Ishitushizya 22:1

Pe uhavhizya ahandanga ijenje ilya minzi ge gakufumwa uvhulanzi, amazelu ngati lilooli, gahafumaga ku shitengo isha vhumwene isha Mulungu na Hagonzi aha MWENE uMulungu.