Yohani 15:24 - ULufingwi uLupwa

²⁴ Mbomvile imbombo impiti zye umuntu inga wooka atahavhomba. Inga apele vhatazilolaje, nkandi vhatali nu vhutalamalandu. Ileelo ishi vhazivhwenyi zyonti zye mbomvile, ileelo poosye vhwevhulo vhali she vhakumviitilwa ine nu Taata waane.

Tesitamenti Umupwa 1965

²⁴ Impele ntavomṿilʼimbombo zye numʼatavomṿile nalumo, pe nkandʼamalandu nagamʼavene, shinishi nyene pe vahatwenya vahatupata swe vavili nuTata nane.

Yohani 15:24 ပူးပေါင်းရင်းမြစ်များ

Matayi 11:5

Avhantonko vhakulola havhili, na vhantendya vhakujenda na vha mambombo vhakuzelupa. Havhili vhoope avhakuutwi vhakwivwa, na vhafwe vhakuzyuha na vhapiina vhakulumbiililwa Izwi iLyinza.

Matayi 21:32

Nkuyanga vhwevhulo, mwe pe uYoohani áyinzile kuli imwe, inga avhalanje idala ilya vhugolosu, imwe mutámwitisile. Ileelo avhasonchezya musonko na vhamalaaya vhámwitisile. Poosye vhwevhulo, imwe lwe mwazilola zyonti izyo, mutátonsite uvhutalamalandu vhwinyu nu kumwitiha.”

Matayi 9:33

UYeesu ahayishimbizya impepo iyo, naluvhiilo, umuntu uyo ahataliha kuyanga. Ivhungaana ilya vhantu vhe vháamile paala vhahasukumila nkaani, vhahati, “Mu nsi yonti iya Isilayeeli zitahafumila naalumo inza izi!”

Maliko 2:12

Pepaala ahimiilila, ahanyatula izagala lyakwe, aheepa she avhantu vhonti vhakumulola. Avhantu vhe vháliipo paala lwe vhaalola vhahasukumila nkaani, vhahamutiima uMulungu, vhahati, “Tutahalola naalumo amafindango inza iga!”

uLuuka 24:19

Woope uYeesu ahati, “Kuli nongwa vhuli?” Vhahamwamula vhahati, “Inongwa zye vhamuvhombeeye uYeesu uwa ku Naazaleeti. Umuntu we aamile mukuvhwi, havhili aamile na maha aminji mu mbombo na mu mazwi gaakwe, havhili uMulungu na vhantu vhamwitihaga.

Yohani 10:32

Ileelo uYeesu ahavhavhuuzya ahati, “Navhalolesya imbombo inyinji inyinza ku maha aga Taata waane. Vhuli, mbombo vhuli zye zikuvhavhiiha imwe kuuti munkome na mavhwe?”

Yohani 10:37

Inga ntakuvhomba imbombo izya Taata waane, pe mutanitihaje.

Yohani 12:10

Pe avhalongozi avha Vhayuuda vhahalondola idala ilya kumugoga uLaazalo woope.

Yohani 12:45

Umuntu wonti we akundola ine, akumulola na we ansonteleziizye.

Yohani 14:9

UYeesu ahamwamula ahati, “We Fiilipo, natendama niimwe ahavhaliilizyo ahatali honti iha, niishi ushiili utamanyile? Umuntu wonti we ambwenyi ine, amuvhwenyi nu Taata. Ishi pe shooni she ukuti, ‘Utulanje uTaata’?

Yohani 15:21

Ileelo vhalivhavhombela zyonti izyo, mwe pe mukulilandata izina lyane, havhili, mwe pe vhatamumanyile we ansonteleziizye.

Yohani 15:22

Inga ntínzile nu kuyanga navho, nkandi vhatali nu vhutalamalandu. Ileelo ishi vhatangayiyanjila kuuti vhatali nu vhutalamalandu.

Yohani 15:23

Umuntu wonti we akumviitilwa ine, akumuviitilwa nu Taata waane.

Yohani 16:9

Alivhalolesyaga kuuti vhatalamalandu, mwe pe vhatakuniitiha ine.

Yohani 3:2

Isiku limo uvhusiku, uNikodeemo ahasogola kwa Yeesu, ahamuvhuuzya ahati, “We Musambiilizi, tumanyile kuuti iwe we Musambiilizi we uMulungu akusonteleziizye, mwe pe ataliipo umuntu we angavhomba ivilolesyo vwe ukuvhomba inga uMulungu atali pooka nawo.”

Yohani 5:36

“Ileelo imbombo zye nkuvhomba zikuhomeshezya ahinza vwe ne wa nalyoli, havhili zilusiizye nkaani zye uYoohani aayanzile. Nkuyanga vhwevhulo, mwe pe imbombo zye uTaata waane ampiiye kuuti mbombaje zye zikulolesya kuuti uTaata uMulungu we ansonteleziizye.

Yohani 6:36

Ileelo ine nkuvhavhuuzya kuuti, pooka nu kuuti mumbwenyi, muli she mutakuniitiha.

Yohani 7:31

Ileelo avhantu avhinji mwi ivhungaana lye lyáli paala, vhahamwitiha uYeesu, vhahayangaga vhahatinji, “Inga uChilisiti ayinza, vhuli, alivhomba ivilolesyo ivwinji kuluusya vwe umuntu uno avhomvile?”

Yohani 9:32

Kufuma pe uMulungu ápezile insi, tutahiivwa naalumo kuuti aliipo umuntu we ahamuponia aminso we apafwilwe wu ntonko.

Yohani 9:41

UYeesu ahavhaamula ahati, “Inga mwaamile mwe vhantonko, nkandi mutali nu vhutalamalandu. Ileelo ishi muli nu vhutalamalandu, mwe pe mukuti mukulola.”

iMbombo izya Vhatumwa 10:38

Kwe kuuti mumanyile vwe uMulungu ámusavhuuye uYeesu uwa ku Naazaleeti kwi idala ilya kuumupa uMupepo uMufinjile na maha. Ahavha pooka nawo, ahamuvhiiha kuuti avhombaje inyinza mu vhantu ponti, ahaponia vhonti vhe vhahayimvilwaga na maha aga Mukwalanzi.

iMbombo izya Vhatumwa 2:22

UPeeteli ahajendeelela kuyanga kuuti, “Mwe vhanaavuli vha mu Isilayeeli, tejeelezyi amazwi iga! UMulungu avhalolesiizye imwe kuuti akuvhomba imbombo kutuushila kwa Yeesu uwa ku Naazaleeti. Mweneemwe mumanyile ahinza kuuti kwa Yeesu wunuuyo kwe avhomvile amafindango ni zya kusukumizya ni vilolesyo kuli imwe.

VaLoma 1:30

ni ndigo. Vhakumuviisya uMulungu, vhatakuvhasaajila avhamwavho, havhili vhantu vhe vhakuyitumvwa nu kuyitiima. Ahavhaliilizyo honti vhakulondola idala ipwa ilya kuvhomba imbiivhi. Vhatakuvhashindiha avhapaafi vhaavho,

2 Timoti 3:4

Vhaliivha vhantu vhe vhakwaniilila avhamwavho, nu kuvha na mabaado nu kuyitumvwa. Havhili vhaliivha vhantu vhe vhakusungwa nkaani izya kuhondezya amooyo gaavho, kuluusya kumukunda uMulungu.

Yakobu 4:4

Imwe muholiine na vhavhembu, mwe pe mutali nu mushinzi kwa Mulungu! Mutamanyile kuuti we akusungwa izya mu nsi, akuvha mulugu uwa Mulungu? Ishi, wonti we akusungwa izya mu nsi, ayipezile kuvha mulugu uwa Mulungu.