Yohani 15:21 - ULufingwi uLupwa

²¹ Ileelo vhalivhavhombela zyonti izyo, mwe pe mukulilandata izina lyane, havhili, mwe pe vhatamumanyile we ansonteleziizye.

Tesitamenti Umupwa 1965

²¹ Izyene zyonti zinizi valivavombela she muli nizina lyanʼine, she vatamumanyilʼuno wʼantumilʼine.

Yohani 15:21 ပူးပေါင်းရင်းမြစ်များ

Matayi 10:18

Vhalivhatwalaga ku vhamwene na ku vhantu avhanji vhe vhali na maha, mwe pe imwe mwe vhasundikwa vhaane. Ileelo kuli imwe, iho he haliivha havhaliilizyo aha kufumwa uvhwahoome uvhwa lwitiho lwinyu ku kwavho, na ku vhe te Vhayuuda.

Matayi 10:22

Avhantu vhonti vhalivhavitilwaga, mwe pe mukundandata ine. Ileelo we alijimbiilila kufishila ku vhusililishilo we aliipokwa.

Matayi 10:39

Umuntu wonti we akwanza kuvhupoha uvhulanzi vhwakwe, alivhulovwa. Ileelo umuntu wonti we akuvhulovwa uvhulanzi vhwakwe ku zyane, alivhupoha.”

Matayi 24:9

“Ahavhaliilizyo iho, avhantu avha mu nsi zyonti vhalivhavitilwaga, vhalivhalemaga nu kuvhayimvwa nu kuvhagoga, mwe pe mukundandata ine.

Matayi 5:11

“Mulosiitwe imwe, inga avhantu vhakuvhaliga nu kuvhayimvwa nu kuvhayanjila imbiivhi izya mavhiila mu mavhiila ni zya ilenga, mwe pe mukuniitiha ine.

Maliko 13:13

Avhantu vhonti vhalivhavitilwaga, mwe pe mukundandata ine, ileelo we alijimbiilila kufishila ku vhusililishilo we aliipokwa.”

uLuuka 21:12

“Izyo zyonti lwe zishiili kufumila, avhantu vhalivhalema imwe nu kuvhayimvwa. Vhalivhatwalaga kulongwa mu masinagoogi, nu kuvhakunga mu jeela. Havhili vhalivhatwalaga ku vhamwene na ku vhantu avhanji vhe vhali na maha kuuti mulongwe, mwe pe imwe mwe vhasundikwa vhaane.

uLuuka 21:17

Avhantu vhonti, vhalivhavitilwaga, mwe pe mukundandata ine.

uLuuka 6:22

“Mulosiitwe imwe, inga avhantu vhakuvhaviitilwa nu kuvhazila nu kuvhaliga nu kuvhayanga havhiivhi, mwe pe mukuniitiha ine, ne Mwana wa Aadamu.

Yohani 15:24

Mbomvile imbombo impiti zye umuntu inga wooka atahavhomba. Inga apele vhatazilolaje, nkandi vhatali nu vhutalamalandu. Ileelo ishi vhazivhwenyi zyonti zye mbomvile, ileelo poosye vhwevhulo vhali she vhakumviitilwa ine nu Taata waane.

Yohani 16:3

Vhalivhavhombelaga vhwevhulo, mwe pe vhatamumanyile uTaata, havhili niine vhweleele vhatamanyile.

Yohani 17:25

We Taata uMugolosu, avhantu avha mu nsi vhatakumanyile. Ileelo ine nkumanyile, havhili vhoope avhasundikwa vhaane vhamanyile kuuti iwe we unsonteleziizye.

Yohani 8:19

Pe aVhafalisaayi vhahamuvhuziilizya uYeesu vhahati, “Vhuli, uTaata waaho ali kwoshi?” Uweene ahati, “Mutamanyile ine, poosye uTaata waane mutamumanyile. Inga mwaamanyile ine, nu Taata waane, nkandi mumumanyile.”

Yohani 8:54

UYeesu ahavhaamula ahati, “Inga nkuyishindiha neene neeka, uvhushindamu vhwane vhutali ni mbombo naayimo. Ileelo uTaata waane we imwe mukuti wu Mulungu wiinyu, we akunshindiha.

Yohani 8:55

Niishi vhweleele, mushiili mutamumanyile uMulungu, ileelo ine imumanyile. Inga nkuti ntamumanyile uMulungu, pe nkuvha ni ilenga inza imwe. Ileelo ine imumanyile uMulungu havhili nkuzilandata zye akuyanga.

iMbombo izya Vhatumwa 17:23

Lwe nkutuuha mu nkaaya ino, mvivhwenyi iviholanyo vwe mukuvipuuta. Havhili nshivhwenyi ishifinjilo isha kufumwizya impuutile she shisimviilwe amazwi ge gakuti: KWA MULUNGU WE ATAMANYISILE. Ishi, uMulungu uyo, we mukumupuuta ishisita kumumanya, we nkwanza kuvhalumbiilila.

iMbombo izya Vhatumwa 26:9

“Poosye ine neneene nkalolaga kuuti nkwanzilwa kuvhomba lyonti kumudinda uYeesu uwa ku Naazaleeti.

iMbombo izya Vhatumwa 3:17

“Ishi vhamwitu, imanyile kuuti imwe na vhapiti vhiinyu mwávhomvile izyo, mwe pe mutámanyile.

iMbombo izya Vhatumwa 4:17

Ileelo tuvhasoshe kuuti, vhaleshe kuyanga izya Yeesu, inga inongwa izya mafindango iga zitahajendeelele kukumuha.”

iMbombo izya Vhatumwa 5:41

Avhatumwa vhoope vhahafuma pa lukuvhato ulwa vhalongozi, uku vhakuseshela, mwe pe uMulungu ávhwenyi kuuti vhahondeeye kusaamulwa kuzya izina ilya Yeesu.

iMbombo izya Vhatumwa 9:14

Ishi ali ipa, avhapiti avha vhapuuti vhamupiiye amaha aga kuvhakunga vhonti vhe vhakulyitiha izina lyaho.”

iMbombo izya Vhatumwa 9:16

Ine kuuti mulanje vwe yikwanzilwa kuuti ayimbe nkaani kuzya izina lyane.”

VaLoma 1:28

Mwe pe avhantu ivho vháhaanile uvhumanyi uvhwa nalyoli uvhwa nongwa izya Mulungu, woope uMulungu ahavhaleha vhazilandataje insiivho zyavho imbiivhi. Pe vhahavha vhakuvhomba inongwa zye zitakwanzilwa kuvhombwa.

1 VaKolinti 15:34

Muvhanje ni njeele inza vwe yikwanzilwa, havhili musiivhaje ahinza, muleshe kuvhomba uvhutalamalandu, mwe pe vhamo muli imwe, vhatamumanyile uMulungu. Nkuyanga vhwevhulo, inga mbasuupizye.

1 VaKolinti 2:8

Havhili ataliipo inga wooka mu vhapiti avha mu nsi umu we avhumanyile uvhushindamu uvhwa njeele uvhwo, mwe pe inga vhavhumanyaje, nkandi vhatámuhomeleeye pa shihovhenkanyo uMwene uwa Vhushindamu.

2 VaTesaloniki 1:8

Uweene we alivhasunda vhonti vhe vhakumuhaana uMulungu, na vhe vhatakulishindiha Izwi iLyinza ilya Mwene wiitu uYeesu.

1 Yohani 3:1

Yeenyi vwe uTaata uMulungu atukunzite nkaani. Akutwita kuuti swe vhaana vhaakwe! Mwe muumwo, nalyoli vwe tuli. Ileelo avhantu vhe vhatakumushindiha uMulungu, vhatatumanyile, mwe pe vhatamumanyile uweene.

3 Yohani 1:7

Nkulaavha vhwevhulo, mwe pe vhahataliha kushuula kumuvhombela uMwene uYeesu, ishisita kuposheela ishintu shonti isha kuvhaavwa kufuma ku vhantu vhe vhatitisile.

Ishitushizya 2:3

Havhili uhagulililaga nu kujimbiilila kuzya izina lyane shisita kulita.