Yohani 15:2 - ULufingwi uLupwa

² Ulusamba lwonti lwe luli muli ine lwe lutakuhoma amantonongwa, uTaata akuludiba. Ileelo ulusamba lwe lukuhoma amantonongwa, uTaata akulupalulila, inga luhomaje ahinza.

Tesitamenti Umupwa 1965

² Zyontʼinsamba izya papane zye zitakuhomʼinsanga, zyʼakwefwa, izyene zyonti zye zikuhomʼinsanga, zyʼakupalulila ukuti zyonjezyaje ukuhomʼinsanga.

Yohani 15:2 ပူးပေါင်းရင်းမြစ်များ

Matayi 13:12

Nkuyanga vhwevhulo, mwe pe umuntu wonti we azimanyile hansi inongwa izya vhumwene uvhwa Mulungu, uMulungu aliimupa kuzimanya nkaani. Ileelo umuntu we atazimanyile, uMulungu aliyeefwa poosye kumanya kwakwe ukunsi kwe ali nakwo.

Matayi 13:33

UYeesu ahayanga ishiholanyo ishamwavho ahati, “Uvhumwene uvhwa Mulungu vhuholiine nu mulembo uwa kuluzizya we umwantanda wumo áwunyatuuye nu kuwusangaanya nu vhusu uvhwa ngana ivitundu vitatu. Lwe aahanya, umunya wonti wuhalula.”

Matayi 15:13

UYeesu ahaamula ahati, “UTaata waane uwa ku mwanya alivhalovwa avhasambiilizi vhonti vhe vhakusambiilizya zye uweene atálajiziizye, inza vwe umuntu akunyunkulanya imbeyu zye uweene atávhwaye.

Matayi 21:19

Ahalilola ikwi ilya itiini pa luvhazu pi idala, ahapalamila papiipi, ahaaga litali na mantonongwa naagamo, lili na ge matundu geeka vhweleele. Pe ahalivhuuzya ikwi ilyo ahati, “Kufuma ileelo na shiima utahaahome amantonongwa naalumo!” Ikwi ilyo lihuuma panaapo.

Matayi 25:29

“Umuntu wonti we akuvhombela imbombo she apeliilwe, aliyonjezelwa ishamwavho, woope aliivha navwo ivwinji. Ileelo we atakuvhombela imbombo she apeliilwe, poosye ishinsi she ali nasho alifwulwa.

Matayi 3:10

Ishi, isunde ilya Mulungu lifisile inza umuntu we alemile intemo nu kuyisengaanya kudiba amakwi. Ikwi lyonti lye litakuhoma amantonongwa aminza, likudibwa nu kusumbwa mu mwoto.

Matayi 3:12

Uweene ayisengiinye kuvhasavhulanya avhagolosu na vhatalamalandu inza umuntu we alemile ulupe, inga apemente ingana pa luvhuga. Kuluzelufwa uluvhuga, aliyivhungaaniha ingana yaakwe nu kuyivhiiha mu shanga, ileelo ilyelelo na mahambili alivipemba mu mwoto we wutakuzima.”

Matayi 7:19

Ikwi lyonti lye litakuhoma amantonongwa aminza, likudibwa nu kusumbwa mu mwoto.

Maliko 4:20

Imbeyu zye zyágwiliiye pa nsi inyinza, shiholanyo isha vhantu vhe vhakulitejeelezya izwi nu kuliposheela. Avhantu ivho vhe vhamo vhakupaapa amantonongwa 30, avhamwavho 60, na vhamwavho vhakupaapa amantonongwa 100.”

uLuuka 8:13

Imbeyu zye zyágwiliiye pansi pi iyalaawe, shiholanyo isha vhantu vhe vhakwivwa izwi ilya Mulungu nu kuliposheela ku luseshelo. Ileelo vhakupootwa kusimpa, vhakuvha inza ikwi lye litisiizye amazi pansi. Pe vhakwitiha ku havhaliilizyo hansi vhweleele, inga vhalingwa vhakululeha ulwitiho.

Yohani 15:1

Pe uYeesu ahajendeelela kuvhasambiilizya avhasundikwa vhaakwe kuuti, “Ine indi inza ikwi ilya impensya ilya nalyoli, uTaata waane ali inza umulimi.

Yohani 15:16

Te mwemwe mwánsavhuuye ine, ine ne návhasavhuuye imwe kuvha mwe vhasundikwa vhaane. Návhasavhuuye, inga mupaapaje amantonongwa ge gatakusila naalumo. Pe zyonti zye mukumulaavha uTaata uMulungu kwi izina lyane, aliivhapa.

Yohani 15:3

Imwe mupaluliliilwe, kwe kuuti mwe vhazelu, mwe pe muzyitisile insambiilizyo zyane.

Yohani 15:6

Umuntu wonti we atali muhati yaane, alisumbwa panzi inza vwe ulusamba lukusumbwa nu kwuma. Pe avhantu vhakulusevha nu kulusumba mu mwoto lukupwa.

Yohani 15:8

Inga mukuhoma amantonongwa aminji, nu kuvha mwe vhasundikwa vhaane avha nalyoli, kwe mulolesyaje apazelu uvhushindamu uvhwa Taata waane.

Yohani 17:12

Lwe indi pooka navho, navhagulilaga kwi izina lyaho lye umpiiye. Navhagulilaga ahinza, ataliipo we ateezile, nkandi wewuula weeka we akwanzilwa kuteega, inga zilunjishe zye zisimviilwe mu Vhusimbe uVhufinjile.

VaLoma 11:17

Ishi insamba zimo zyádiviilwe, niimwe mwe muli ngati nsamba izya ikwi ilya izayituuni ilya mwi ilaala, musopeliilwe kuliilana pooka ni nsamba zye zisyaye izya izayituuni ilya kuvhwalwa. Mukuposheela pooka uvhuloote vhwe vhukufuma mu mazi aga izayituuni ilyo lye livhwaliilwe.

VaLoma 11:22

Yeenya, uMulungu vwe ali uvhutonsu havhili vwe ali uvhuhali. Uweene muhali ku vhaala vhe vhatakumushindiha, ileelo kuli iwe, mutonsu inga ukujendeelela kumushindiha. Ileelo poosye niiwe inga waaleha kuvhomba vhwevhulo, uliidibwa.

VaLoma 8:28

Tumanyile kuuti, muli zyonti uMulungu akuvhavhombela inyinza avhantu vhe vhamukunzite, vhaala vhe avhiisite inza vwe avhalulumiiye.

1 VaKolinti 13:1

Poosye inga indi ni shikunjilwa isha kuyanga injango zyonti izya vhantu ni zya vhahavhizya, ileelo inga ntali ni shikunzi, injango izyo zitangaavwa naashimo, nkuvha inza ibegeeti, poosye inza ipenga lye likuzuma ahalanga.

uTiiti 2:14

UYeesu we áyifumwizye ku zyitu, inga atutavhule kufuma mu vhutalamalandu vhwonti nu kutuzelufwa tuvhe swe vhantu vhaakwe vhe vhakuyifumwa ku mute kuvhomba inyinza.

VaHebuli 12:15

Muvhanje minso, atahaavhe umuntu inga wooka uwa kusovhelwa uvhwila uvhwa Mulungu. Atahaavhe umuntu we ali ngati lizi ihali. Umuntu inza uyo akutamwa nu kugahandamanya amooyo aga vhantu avhinji.

1 Yohani 2:19

Avhalugu ivho vhafumile kuli iswe, ileelo vhataamile nu vhuliilani uvhwa nalyoli niiswe. Mwe pe inga vhavhanje nu vhuliilani uvhwa nalyoli niiswe, nkandi vhasyaye kuli iswe. Ishi vheefile, inga yiloleshe apazelu kuuti vhataamile nu vhuliilani uvhwa nalyoli niiswe.

Ishitushizya 3:19

Vhonti vhe mbakunzite, nkuvhapilila nu kuvhasunda, pe uvhe nu mute kutonta.