Yohani 15:16 - ULufingwi uLupwa

¹⁶ Te mwemwe mwánsavhuuye ine, ine ne návhasavhuuye imwe kuvha mwe vhasundikwa vhaane. Návhasavhuuye, inga mupaapaje amantonongwa ge gatakusila naalumo. Pe zyonti zye mukumulaavha uTaata uMulungu kwi izina lyane, aliivhapa.

Tesitamenti Umupwa 1965

¹⁶ Mutatinji imwe mwe munseṿilʼine ndali, nene ne mbaseṿilʼimwe, havili mbatumile nene ntili muvale muhomʼinsanga, ukuti insanga zyinyu zivanje zya shima, pʼuTata avapanje zyonti zyenga mukulava mwizina lyane.

Yohani 15:16 ပူးပေါင်းရင်းမြစ်များ

Matayi 21:22

Inga muli nu lwitiho, vwonti vwe mukulaavha lwe mukupuuta, muliposheela.”

Matayi 7:7

“Mumulaavhaje uMulungu, pe woope kwe avhapanje, havhili mulondolaje, pe niimwe kwe muvwagaje, havhili muhonyonsyaje, pe niimwe kwe mwigulilwaje.

uLuuka 6:13

Lwe kwasha, ahavhiita avhasundikwa vhaakwe. Muli ivho ahavhasevha 12, ahaavhapa izina ilya vhatumwa.

Yohani 13:18

Pe uYeesu ahajendeelela kuvhavhuuzya avhasundikwa vhaakwe ahati, “Ntakuyanga zyonti izyo kuli imwe mwenti, mwe pe mbamanyile kufuma ku vhwandilo avhantu vhe mbasavhuuye kuvha vhasundikwa vhaane. Ileelo nkuyanga izyo, inga zilunjishe zye zisimviilwe mu Vhusimbe uVhufinjile kuuti, ‘Umumanyani waane we alyanga ishaakulya pooka niine, agalunkana kuvha mulugu waane.’

Yohani 15:19

Inga mwaamile mwe vhantu avha mu nsi umu, nkandi vhavhakunzite inza vwe vhavhakunzite avhantu vhaakwe. Ileelo imwe te mwe vha mu nsi umu, mwe pe mbasavhuuye kufuma mu nsi umu, ye nongwa avhantu avha mu nsi umu vhakuvhaviitilwa.

Yohani 15:5

“Ine indi inza ikwi ilya impensya, imwe mwe nsamba. Umuntu wonti we akuvha muhati yaane, niine nkuvha muhati yaakwe, uyo we akuhoma amantonongwa aminji, mwe pe ishisita ine mutangavhomba naashimo.

Yohani 6:70

Pe uYeesu ahavhavhuuzya ahati, “Návhasavhuuye imwe 12 kuuti muvhe mwe vhasundikwa vhaane, ileelo wooka pahati yiinyu akulongolwa nu Mukwalanzi.”

iMbombo izya Vhatumwa 1:24

Lwe vhavhasaavhula, vhahamulaavha uMulungu vhahati, “We MWENE, iwe umanyile zye zili mu mooyo aga vhantu vhonti. Ishi utulanje ula we umusevile muli ivha,

iMbombo izya Vhatumwa 1:8

Ileelo kwe muposheele amaha, lwe uMupepo uMufinjile akuvhiishila imwe. Pe muliivha mwe vhahoome vhaane mu Yelusaleemu, na mu shigavho isha nsi shonti isha Yudeeya ni sha Samaliya, nu kufishila kumpeleela iya nsi.”

iMbombo izya Vhatumwa 10:41

Atálolesile ku vhantu vhonti, nkandi kuli iswe swe twásavhuliilwe nu Mulungu kuvha swe vhahoome. Iswe swe twáliiye nu kumwela nawo lwe azyuha.

iMbombo izya Vhatumwa 22:14

“Pe ahambuuzya ahati, ‘UMulungu uwa vhataata vhiitu akusavhuuye iwe, inga umanye ulukasamo lwakwe nu kumulola uMuvhomvi waakwe uMugolosu nu kumwivwa lwe akuyanga wuuyo.

iMbombo izya Vhatumwa 9:15

Ileelo uMwene ahamuvhuuzya uAnaniya ahati, “Sogoola vhweleele! Umuntu uyo, musavhuuye kuuti avhe muvhomvi waane, akumusye izina lyane ku vhe te Vhayuuda na ku vhamwene, havhili na ku Vhayuuda vhweleele.

VaLoma 1:13

Mwe vhamwitu, nkwanza mumanye kuuti, ulwinji nkwanza kwinza kuli imwe, ileelo shimo shikundindila poosye ahavhaliilizyo iha. Nkwanza ininze ukwo kwope, imbalumbiilile avhantu vhamwitishe uMwene uYeesu, inza vwe mbomvile apanji.

VaLoma 1:5

Kutuushila ku kwakwe, uMulungu ámfwiliiye uvhwila nu kumbiiha kuvha ne mutumwa. Ávhomvile vhwevhulo, inga mbiitaje avhantu vhonti vhe te Vhayuuda, kuuti vhamwitihaje uMwene uYeesu nu kulandata zye uweene akwanza.

VaLoma 15:4

Zyonti zye zyásimviilwe hali, zyásimviilwe kuvha nsambiilizyo zyitu. UVhusimbe uvhwo vhukutwavwa kujimbiilila nu kutusuvhaalizya, lwe tukuguliilila kuuti zilunjishe zye uMulungu áfinzile.

VaLoma 9:21

Vhuli, uhamata atali na maha kwi ivhumba, kuuti kufuma muli ilyo, limo amatilaje ishiliilo isha mbombo izya mushinzi? Havhili ilyamwavho amatilaje ishiliilo isha mbombo ye yitali nu mushinzi?

1 VaKolinti 10:11

Ishi zyonti izyo zye zyávhaazile avheene, zyásimviilwe, inga shivhe shiholanyo isha kutusoha iswe twe tukulandila ahavhaliilizyo iha aha kumpeleela.

VaGalati 1:15

Ileelo uMulungu ku vhwila vhwakwe, ánsavhuuye lwe nshiili nu kupaapwa, ahaniita kumuvhombela.

VaEfeso 2:10

Iswe swe vipelwa ivipwa ivwa Mulungu. Uweene atupezile vhupwa kwi idala ilya kusopenkana nu Chilisiti uYeesu, inga tuvhombe imbombo inyinza. Imbombo izyo uMulungu ázisengiinye kufuma hali, inga iswe tuzivhombaje.

Kolosi 1:23

Nalyoli muli isho pilongolela lyakwe, inga mukujendeelela kumwitiha uChilisiti, nu kuyigomwa nu kuvha na maha, havhili inga mutakwitiha kuleha ulusuuvhilo lwe mwáposheleeye, lwe mwivwa Izwi iLyinza. Izwi ilyo, lye avhavhomvi avha Mulungu vhakumusiizye ku vhantu vhonti avha mu nsi, havhili lye ine ne Paavhuli, ne muvhomvi uwa kukumusya.

Kolosi 1:6

Izwi ilyo lye lyálumbiliilwe kuli imwe, likumusile mu nsi zyonti. Umwo likuvhagalulanya avhantu inza vwe lyávhagaluliinye imwe, kufuma pe mwályivuuye nu kuvhumanya uvhwila uvhwa Mulungu mu vhwanalyoli vhwonti.

1 Timoti 2:7

Ku vhwahoome uvhwo, mbisiilwe kuvha ne hakumusya havhili ne mutumwa, kuzya kusambiilizya avhantu vhe te Vhayuuda kuuti vhoope vhamwitishe mu vhwanalyoli. Izi zye nkuyanga zya nalyoli, te zya ilenga!

2 Timoti 1:11

Kuzya Izwi iLyinza ilyo uMulungu aniisite ine kuuti mbe ne hakumusya, havhili ne mutumwa nu kuvha ne musambiilizi.

2 Timoti 2:2

Amazwi ge nkagayangaga pilongolela ilya vhahoome avhinji, niiwe wágivuuye. Amazwi igo uvhasambiilizye avhantu avhatungamu vhe vhangavhasambiilizya na vhanji.

uTiiti 1:5

Zye nákulesheeye pa Kileete ipo, zyámile zya kuuti ulingaanye zyonti zye zyásyalilishiiye nu kuvhavhiiha avhasongo mu vivhanza ivwa mu nkaaya zyonti, inza vwe nákulajiziizye.

VaHebuli 11:4

Mwe pe uAabeli ámwitisile uMulungu, ámufumwiziizye uMulungu impuutile inyinza kuluusya umukulu waakwe uKaayini. Kuzya kwitiha kwakwe, uMulungu ámuvhaziizye uAabeli kuuti muntu umugolosu. UMulungu áposheleeye impuutile yaakwe, pooka nu kuuti uAabeli ahafwa, ulwitiho lwakwe lukujendeelela kuvha shiholanyo ishinza isha iswe kushilandata poosye ileelo.

Yakobu 3:18

Avhantu vhe vhakusungwa uvhutehamu, vhakuvha ngati vhakuvhwala imbeyu, pisinda vhaliivuna uvhugolosu.

1 Peteli 3:15

Ileelo mumushindihaje uChilisiti mu mooyo giinyu, mwe pe uweene wu Mwene. Muyisenganyaaje ahavhaliilizyo honti kumwamula wonti we akuvhavhuziilizya izya lusuuvhilo lwinyu. Ileelo muvhombaje vhwevhulo ku vhutonsu nu mushinzi.

1 Peteli 3:2

lwe vhakulola ulujendo lwinyu ulwinza, havhili ulwa kumunyila uMulungu.

1 Yohani 4:10

Ishi she shikunzi, kuuti te sweswe twámukunzite uMulungu, nkandi uweene we átukunzite iswe. Ahamusonteelezya uMwana waakwe, avhe mpuutile iya kuvhoolwa, inga ayeefwe uvhutalamalandu vhwitu, nu kutukundanya nu Mulungu.

1 Yohani 4:19

Iswe tuli ni shikunzi, mwe pe uweene we átalisile kutukunda.