Yohani 15:15 - ULufingwi uLupwa

¹⁵ Kwandila ishi, te mbiitaje havhili kuuti mwe vhazya vhaane, mwe pe umuzya atakumanya zye umwene waakwe akuvhomba. Ileelo imwe kwe mbiitaje kuuti mwe vhamanyani vhaane, mwe pe navhamanyisya zyonti zye nivuuye kufuma kwa Taata waane.

Tesitamenti Umupwa 1965

¹⁵ Shinishi pe ndesilʼukuvataha ilya vuzya, shʼumuzya atamanyile yʼakuvombʼumwene wakwe. Imwe nyene mbapiye ilya kuva mwe vajenzi vane, she zyontʼizi zye niṿuye kwa Tata zye mbavuzizyʼimwe.

Yohani 15:15 ပူးပေါင်းရင်းမြစ်များ

Matayi 13:11

Uweene ahavhaamula ahati, “Imwe uMulungu avhapiiye kuzimanya izya kukwilu izya vhumwene vhwakwe. Ileelo avheene atavhapiiye kuzimanya zyonti izyo.

uLuuka 10:23

Pe uYeesu ahagalunkana, ahavheenya avhasundikwa vhaakwe, ahavhavhuuzya ahati, “Mulosiitwe imwe mwe mukuzilola izi!

Yohani 12:26

Umuntu wonti we akumbombela ine, akwanzilwa andandate. Yeenya, ponti pe indi, nu muvhomvi waane kwe avhanje. Havhili uTaata alimushindiha umuntu wonti we akumbombela ine.

Yohani 13:16

Nalyoli nkuvhavhuuzya kuuti, umuzya te mupiti kuluusya umwene waakwe, havhili we akutumwa te mupiti kuluusya we akumutuma.

Yohani 15:20

Mukumbuhaje zye návhavhuziizye kuuti, ‘Umuzya te mupiti kuluusya umwene waakwe.’ Inga vhánjimvwizye ine, pe niimwe vhalivhayimvwa. Havhili inga vhakuzyitiha insambiilizyo zyane, pe ni zyinyu vhalizyitiha.

Yohani 16:12

“Indi she indi nazyo inyinji izya kuvhavhuuzya, ileelo ahavhaliilizyo iha mutangazijimbiilila.

Yohani 17:26

Mbamanyisiizye izina lyaho, havhili kwe njendeelele kuvhomba vhwevhulo, inga vhakundane inza vwe unkunzite ine, havhili niine imbe muhati zyavho.”

Yohani 20:17

UYeesu ahamuvhuuzya uMaliiya ahati, “Utahandeme, mwe pe nshiili kusogola ku mwanya kwa Taata. Ileelo sogoola uvhavhuuzye avhamwitu, kuuti nkuzuvha ku mwanya kwa Taata waane we wu Taata wiinyu, havhili kwa Mulungu waane we wu Mulungu wiinyu.”

Yohani 4:19

Umwantanda uyo ahamwamula uYeesu ahati, “We mwene, ishi naamanya kuuti iwe we mukuvhwi.

Yohani 8:26

Indi nazyo inyinji izya kuyanga ku zyinyu ni zya kuvhalonga imwe, ileelo ntakuvhomba vhwevhulo. Ine nkuvhavhuuzya avhantu vhonti zye nkwivwa kufuma kwa Taata waane. Uweene we ansonteleziizye, havhili akuyanga izya nalyoli.”

iMbombo izya Vhatumwa 20:27

Ntázyisile inga hansi kuvhalumbiilila zyonti zye uMulungu akasiime.

VaLoma 7:15

Yeenya, ntakumanya zye nkuzivhomba. Ilyinza liila lye nkwanza kulivhomba ntakulivhomba, nkandi liila lye nkuliviitilwa lye nkulivhomba.

1 VaKolinti 2:16

“Ataliipo umuntu we angazimanya zye uMWENE uMulungu akusiivha, havhili naawumo uwa kumwavwa insiivho.” Ileelo iswe twe vhiitisi tuli ni nsiivho zye zikufuma kwa Chilisiti.

VaGalati 4:6

Ishi, mwe pe twe vhaana vhaakwe, uMulungu amusonteleziizye uMupepo uwa Mwana waakwe mu mooyo giitu, uMupepo we akutuvhiiha kuuti tumwitaje uMulungu tutinji, “Aba,” kwe kuuti, “Taata.”

VaEfeso 1:9

Ahatumanyisya ulukasamo lwakwe ulwa vhuzigizigi, lwe ákasiime kulandatana na vwe yikumuhondezya. Ulukasamo ulwo ásivhiliiye kululolesya kutuushila kwa Mwana waakwe uyo,

VaEfeso 3:5

Amanda gonti aga hali, uMulungu atávhamanyisiizye avhantu uvhuzigizigi uvhwo. Ileelo pisinda ahavhamanyisya avhafinjile vhaakwe avhatumwa na vhakuvhwi, kwi idala ilya Mupepo waakwe.

Kolosi 1:26

Izwi ilyo lya vhuzigizigi vhwe uMulungu ávhuzyisile amanda gonti aga hali ku vhantu vhonti, ishi avhuvumbuuye ku vhafinjile vhaakwe.

Filemoni 1:16

Te avhe muzya waaho vhweleele, nkandi kwe avhe wamwitu unkundwa mwa Yeesu Chilisiti. Ine imunkunzite nkaani, niiwe umukunde nkaani, inza umunine waaho, havhili inza uwamwitu mwa Mwene uYeesu.

Yakobu 1:1

Ukalaata uno nsimvile neene ne Yaakobu, ne muvhomvi uwa Mulungu nu wa Mwene uYeesu Chilisiti. Nkuvhalamuha imwe mwe Vhayuuda mwenti mwe vha nkolo 12, mwe musaasite mu nsi izya mavhiila mu mavhiila.

Yakobu 2:23

Izyo zyávhombesile inza vwe yisimviilwe mu Vhusimbe uVhufinjile kuuti, “UAabulahamu ámwitisile uMulungu, pe uMulungu ahamuvhaazya kuuti mugolosu,” ahavha mumanyani wa Mulungu.

1 Peteli 1:11

UMupepo uwa Chilisiti we áali muhati yaavho, ákuvile izya mayimba aga Chilisiti, nu vhushindamu vhwe vhulilandata pisinda. Avhakuvhwi ivho vhálondooye nkaani, inga vhamanye kuuti inongwa izyo zilifumila lii.

2 Peteli 1:1

Ukalaata uno nsimvile neene ne Peeteli, ne muvhomvi, havhili ne mutumwa uwa Yeesu Chilisiti. Nkuvhasimbila imwe mwe muposheleeye ulwitiho luula ulwa nsavho, lwe niiswe tuluposheleeye. Muluposheleeye ulwitiho ulwo kwi idala ilya vhugolosu uvhwa Mulungu wiitu uMuposhi uYeesu Chilisiti.

uYuuda 1:1

Ukalaata uno nsimvile neene ne Yuuda. Ine ne muvhomvi uwa Yeesu Chilisiti, havhili ne munine uwa Yaakobu. Nkuvhasimbila imwe mwe uTaata uMulungu ahavhiita nu kuvhakunda, havhili uYeesu Chilisiti akuvhasunjiilila.

Ishitushizya 1:1

Ishi, shitushizya isha Yeesu Chilisiti. UMulungu ámupiiye ishenesho, inga avhalolesye avhavhomvi vhaakwe zye kuuti zivhombeshe ishisita kuhaavha. UYeesu ahamulolesya uYoohani umuvhomvi waakwe kutuushila kwa havhizya waakwe.