Yohani 15:11 - ULufingwi uLupwa

¹¹ “Navhavhuuzya zyonti izyo, inga muvhe nu luseshelo inza ine, havhili museshelaje nkaani.

Tesitamenti Umupwa 1965

¹¹ Zinizi mbavuzizye ukuti muhati zyinyu muvanje nuluseshelo lwe nkuseshela nane, pʼuluseshelo lwinyu ulu luyipelaje ukuva lwa vwila.

Yohani 15:11 ပူးပေါင်းရင်းမြစ်များ

uLuuka 15:23

Nyatuuli ingʼombe ingida yiila, vhooli, tulye nu kuseshela,

uLuuka 15:32

Ishi, tukwanzilwa kuseshela nu kudovhela, mwe pe umunine waaho aamile ngati afuuye, ishi mupuuma, havhili aateezile, ishi aloleha!’”

uLuuka 15:5

Inga ayaaga, akuyivhegala ku luseshelo,

uLuuka 15:9

Inga ayaaga, akuvhiita avhamanyani na vhapalamani vhaakwe, nu kuvhavhuuzya kuuti, ‘Seshelaaji pooka niine, mwe pe insavhaazya yaane ye yaateezile, nayaaga!’

Yohani 16:24

Kufishila ishi mutalaavile naashimo kwi izina lyane. Mumulaavhaje uMulungu, pe woope kwe avhapanje. Kwi idala ilyo, kwe mujendeelele kuvha nu luseshelo nkaani mu mooyo giinyu.”

Yohani 16:33

Navhavhuuzya izi, inga muvhe nu vhutehamu, mwe pe muli muhati yaane. Mu nsi umu muli na mayimba, ileelo mugomaje amooyo, mwe pe ine njipoosite insi.”

Yohani 17:13

“We Taata, ishi indi mwi idala nkwinza kuli iwe. Nkuvhavhuuzya avhasundikwa vhaane zyonti izi she indi mu nsi, inga vhavhe nu luseshelo nkaani muhati zyavho, inza vwe niine indi nu luseshelo.

Yohani 3:29

Umulindu we akwimalwa akwanzilwa kusogola kwa mulume waakwe. Ine indi inza umumanyani uwa mulume we akumwimala umulindu uyo, nkwimiilila pa luvhazu pa we akwimala, nkuseshela lwe nkwivwa izwi lyakwe.

VaLoma 15:13

Pe ishi, nkulaavha kuuti uMulungu we akuutupa ulusuuvhilo, avhiizuzye uluseshelo lwonti nu vhutehamu mu lwitiho lwinyu, inga ulusuuvhilo lwinyu lwonjele ku maha aga Mupepo uMufinjile.

2 VaKolinti 1:24

Te kuuti iswe tukwanza kuvhavijiilizya zye mukwanzilwa kuvhomba mu lwitiho lwinyu, mwe pe imwe mugomile mu lwitiho. She shikwanzilwa kuli iswe, kwe kuvhomba imbombo pooka niimwe, inga museshele.

VaEfeso 5:18

Havhili mutaholwaje, mwe pe uvhwashimwela vhukunanganya uvhulanzi uvhwa muntu. Ileelo mukwanzilwa mwizule uMupepo uwa Mulungu.

Filipi 1:25

Mwe pe nkomesheziizye izyo, imanyile kuuti kwe njendeelele kuvha pooka niimwe mwenti, inga mujendeelele kukula nu kuvha nu luseshelo mu lwitiho lwinyu.

1 VaTesaloniki 5:16

Muvhanje nu luseshelo amanda gonti,

1 Peteli 1:8

Imwe mumukunzite uYeesu, poosye she mutamuvhwenyi, havhili mukumwitiha, poosye she mutamuvhwenyi. Kuli izyo, muli nu luseshelo ulupiti havhili ulwa kusukumizya lwe lutangalondovholwa,

1 Yohani 1:4

Tukuvhasimbila izi, inga uluseshelo lwitu luvhe lupiti.

2 Yohani 1:12

Indi na mazwi aminji ge nanzaga kukusimbila. Ileelo ntakwanza kusimba genego ni italataasi nu wiino, nkandi nkusuuvhila kwinza kuli imwe kuvhavuula, inga tuhayanje lwe twalolana, pe tuliseshela nkaani.