Yohani 15:10 - ULufingwi uLupwa

¹⁰ Inga mukuzilandata indajizyo zyane, pe kwe mujendeelele kuvha mu shikunzi shaane, inza vwe niine nkuzilandata indajizyo izya Taata waane nu kuvha mu shikunzi shaakwe.

Tesitamenti Umupwa 1965

¹⁰ Inkomelezyo zyane inga mukuziviha mumoyo, pe mukusyelemetela mushikunzi shane, inza she nane nkuziviha mumwoyo inkomelezyo zya Tata nukusyelemetela mushikunzi shakwe wuyo.

Yohani 15:10 ပူးပေါင်းရင်းမြစ်များ

Yohani 10:18

Ataliipo umuntu we angamfwula uvhulanzi vhwane. Ine ne nkusaavhula kuvhufumwa uvhulanzi vhwane. Ine indi na maha aga kuvhufumwa uvhulanzi vhwane, havhili indi na maha aga kuvha ne mulanzi havhili. Nkuyanga vhwevhulo, mwe pe uTaata waane we andajiziizye kuvhomba vhwevhulo.”

Yohani 12:49

Nkuyanga vhwevhulo, mwe pe ntayanzile ku maha gaane neene, uTaata we ansonteleziizye, we andajiziizye izya kuyanga na vwe yikwanzilwa kuyanga.

Yohani 14:15

UYeesu ahati, “Inga munkunzite, kwe muzilandataje indajizyo zyane.

Yohani 14:21

Umuntu wonti we azimanyile nu kuzivhombela imbombo zye nkulajizya, uyo we ankunzite. Woope umuntu wonti we ankunzite ine, uTaata akumukunda. Niine nkumukunda havhili ndiyilolesya apazelu ku kwakwe.”

Yohani 14:23

UYeesu ahamwamula ahati, “Umuntu wonti we ankunzite ine, kwe azivhombelaje imbombo zye nkumulajizya. Woope uTaata waane kwe amukundaje umuntu uyo, havhili ine nu Taata waane tuliyinza ku kwakwe nu kutendama pooka nawo.

Yohani 14:31

Zye nkuzivhomba zye uTaata ándajiziizye kuzivhomba, inga avhantu vhonti avha mu nsi umu vhamanye kuuti imukunzite. Ishi yimiliili, twepe ipa.”

Yohani 17:4

Ine ndolesiizye uvhushindamu vhwaho ku vhantu vhonti kutuushila ku mbombo ye wánsonteleziizye kuyivhomba.

Yohani 4:34

UYeesu ahavhaamula ahati, “Ishaakulya shaane ine, kwe kuvhomba ulukasamo ulwa Taata we ansonteleziizye kumaliilizya imbombo yaakwe.

Yohani 8:29

UMulungu we ansonteleziizye ali pooka niine. Atandesiile neeka, mwe pe ahavhaliilizyo honti nkuvhomba zye zikumuhondezya.”

Yohani 8:55

Niishi vhweleele, mushiili mutamumanyile uMulungu, ileelo ine imumanyile. Inga nkuti ntamumanyile uMulungu, pe nkuvha ni ilenga inza imwe. Ileelo ine imumanyile uMulungu havhili nkuzilandata zye akuyanga.

1 VaKolinti 7:19

Kutahiililwa poosye kuvha ishisita kutahiililwa kutali ni ilonka naalimo, nkandi kulema indajizyo izya Mulungu.

1 VaTesaloniki 4:1

Ishi vhamwitu, musambiliiye kufuma kuli iswe vwe yikwanzilwa kulandila, inga kumuhondezya uMulungu. Mwe muumwo vwe mukuvhomba vhwevhulo. Ishi, tukuvhalambiilizya ku maha aga Mwene uYeesu kuuti muvhombaje vhwevhulo nu kuluusya.

VaHebuli 7:26

Umupuuti umupiti inza uyo we akwanzilwa kuli iswe, mwe pe uweene mufinjile, havhili atali nu vhunanzi, poosye uvhuhandamanu. UMulungu ámulehiinye na vhatalamalandu, ahamuzuvwa ku mwanya.

2 Peteli 2:21

Yaamile kwashi ku vhantu ivho inga vhataalimanyile idala igolosu, kuluusya kulimanya idala ilyo nu kuzileha indajizyo imfinjile zye vhaposheleeye.

1 Yohani 2:3

Inga tukuzishindiha indajizyo izya Mulungu, pe tukuvha nu vhwanalyoli kuuti tumumanyile.

1 Yohani 2:5

Ileelo umuntu wonti we akulishindiha izwi ilya Mulungu, uyo nalyoli akumukunda uMulungu. Idala ilya kumanya kuuti tuli nu vhuliilani nu Mulungu, lye lino:

1 Yohani 2:6

Umuntu we akuti ali nu vhuliilani nu Mulungu, akwanzilwa kuuti alandilaje inza vwe uYeesu ahalandilaga.

1 Yohani 5:3

Kumukunda uMulungu, kwe kushindiha indajizyo zyakwe, zyope te ngomu kuzishindiha.

Ishitushizya 22:14

Vhalosiitwe ivho vhe vhakuhanda amenda gaavho, inga vhitishilwe kwinjila mu nkaaya kutuushila mu malyango gaakwe, nu kulya amantonongwa aga makwi ge gakufumwa uvhulanzi.