Yohani 15:1 - ULufingwi uLupwa

¹ Pe uYeesu ahajendeelela kuvhasambiilizya avhasundikwa vhaakwe kuuti, “Ine indi inza ikwi ilya impensya ilya nalyoli, uTaata waane ali inza umulimi.

Tesitamenti Umupwa 1965

¹ Ine ne bkwi lya mampensya lya nalyoli. UwenʼuTata we muvwalamampensya.

Yohani 15:1 ပူးပေါင်းရင်းမြစ်များ

Matayi 15:13

UYeesu ahaamula ahati, “UTaata waane uwa ku mwanya alivhalovwa avhasambiilizi vhonti vhe vhakusambiilizya zye uweene atálajiziizye, inza vwe umuntu akunyunkulanya imbeyu zye uweene atávhwaye.

Matayi 20:1

“Uvhumwene uvhwa Mulungu vhuholiine nu muhaata mugunda wumo we álavhiiye inzanshi nkaani kulambila avha kuvhomba imbombo mu mugunda waakwe uwa mampensya.

Matayi 21:33

UYeesu ahajendeelela kuyanga ahati, “Tejeelezyi ishiholanyo ishamwavho. Kwáli umuntu wumo we álimile umugunda uwa mampensya, ahagazenjeelela uluvhaga, ahabana inshelenje iya kufinyila amampensya pahati. Ahazenga inganzya intali iya kwimililila umuguulizi. Ahavhavhiiha avhalimi avha kuguulila nu kulimiilila amampensya igo, ahanzaga kuuti inga gaagoma vhahinze vhagavhane nawo, pe ahashuula kusogola ku nsi iya kutali.

Maliko 12:1

UYeesu ahanda kuyanga na vhantu ku viholanyo ivwamwavho ahati, “Umuntu wumo álimile umugunda uwa mampensya, ahagazenjeelela uluvhaga, ahabana inshelenje iya kufinyila amampensya. Ahazenga inganzya intali iya kwimililila umuguulizi, ahavhavhiiha avhalimi avha kuguulila nu kulimiilila amampensya igo, ahanzaga kuuti inga gaagoma vhahinze vhagavhane nawo, pe ahashuula kusogola ku nsi iya kutali.

uLuuka 13:6

Pe uYeesu ahavhavhuuzya avhantu ivho ishiholanyo ishamwavho ahati, “Páali umuntu wumo we ávhwaye ikwi ilya itiini, mu mugunda waakwe uwa mampensya. Ahasogola kutungula amatiini, ileelo atahalilola inga lyoka.

Yohani 1:17

Nkuyanga vhwevhulo, mwe pe uMulungu áfumwizye indajizyo zyakwe kwi idala ilya Moose, ileelo uvhwila nu vhwanalyoli atupiiye kwi idala ilya Yeesu Chilisiti.

Yohani 1:9

Uvhuzelu uvhwo vhwáli vhwa nalyoli, vhuhinza mu nsi umu nu kuvhahozezya avhantu vhonti.

Yohani 15:2

Ulusamba lwonti lwe luli muli ine lwe lutakuhoma amantonongwa, uTaata akuludiba. Ileelo ulusamba lwe lukuhoma amantonongwa, uTaata akulupalulila, inga luhomaje ahinza.

Yohani 6:32

Pe uYeesu ahavhavhuuzya ahati, “Nalyoli nkuvhavhuuzya kuuti, te wu Moose we ávhapiiye avhataata vhiinyu ishaakulya kufuma ku mwanya, nkandi wu Taata waane we poosye ishi akuuvhapa imwe ishaakulya isha nalyoli kufuma ku mwanya.

Yohani 6:55

Yeenya, umuvhili waane she shaakulya isha nalyoli, na mavhanda gaane she shakumwela isha nalyoli.

VaLoma 11:17

Ishi insamba zimo zyádiviilwe, niimwe mwe muli ngati nsamba izya ikwi ilya izayituuni ilya mwi ilaala, musopeliilwe kuliilana pooka ni nsamba zye zisyaye izya izayituuni ilya kuvhwalwa. Mukuposheela pooka uvhuloote vhwe vhukufuma mu mazi aga izayituuni ilyo lye livhwaliilwe.

1 VaKolinti 3:9

Yeenya, imbombo ye tukuvhomba ine nu Apoolo, ya Mulungu. Imwe muli ngati mwe mugunda uwa Mulungu, havhili muli ngati mwe nyumba yaakwe.

1 Yohani 2:8

Ku luvhazu ulwamwavho, ululajizyo ulu lwe nkuvhasimbila, lujeni. Uvhwanalyoli vhwakwe vhukuloleha mu vhulanzi uvhwa Yeesu, na mu vhulanzi vhwinyu vhweleele, mwe pe ukulola ishiisi shikuteezya amaha, nu vhuzelu uvhwa nalyoli vhukutaliha kulama.