Yohani 14:6 - ULufingwi uLupwa

⁶ UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

Tesitamenti Umupwa 1965

⁶ PʼuYesu ahamuvuzya ahati: Nene ne lidala nenene, ne vwanalyoli nenene, ne vulanzi nenene. Numo atakufiha kwa Tata, wengʼatakujenda mumwanʼine.

Yohani 14:6 ပူးပေါင်းရင်းမြစ်များ

Matayi 11:27

“UTaata waane ampiiye ivintu vwonti. Ataliipo we amumanyile uMwana, nkandi we Taata weeka. Havhili, ataliipo we amumanyile uTaata, nkandi we Mwana weeka, nu muntu wonti we uMwana asungwilwe kumulolesezya.

Yohani 1:14

UIzwi uyo áyinzile avha muntu, ahatendama pooka niiswe. Tuhavhulola uvhushindamu vhwakwe, uvhushindamu vhwe vhukulolesya kuuti Mwana imozi we afumile kwa Taata, ali nu vhwila nu vhwanalyoli nkaani.

Yohani 1:17

Nkuyanga vhwevhulo, mwe pe uMulungu áfumwizye indajizyo zyakwe kwi idala ilya Moose, ileelo uvhwila nu vhwanalyoli atupiiye kwi idala ilya Yeesu Chilisiti.

Yohani 1:4

UIzwi uyo áali vhwandilo uvhwa vhulanzi. Vhwope uvhulanzi uvhwo vhwáli vhuzelu vhwa vhantu.

Yohani 10:28

Ine nkuuzipa uvhulanzi uvhwa shiima, te zihateeje naalumo. Havhili ataliipo umuntu we angazifwula ku maha kufuma mu nyoovhe zyane.

Yohani 10:7

Pe uYeesu ahayanga havhili ahati, “Nalyoli nkuvhavhuuzya kuuti, ine indi inza umulyango uwo, we ingʼonzi zikwinjiilila mwi ivhiji.

Yohani 10:9

Ine indi inza umulyango uwo. Umuntu wonti we akwinjila mwi ivhiji kutuushila ku kwane akupokwa, havhili akuvha musatushe kwinjila nu kufuma, kusogola kwi isole ilyinza.

Yohani 14:19

Hasyala ahavhaliilizyo hansi te nkaloleshe mu nsi umu. Ileelo imwe mulindola, mwe pe ine ndiivha ne mulanzi, niimwe muliivha mwe vhalanzi.

Yohani 15:1

Pe uYeesu ahajendeelela kuvhasambiilizya avhasundikwa vhaakwe kuuti, “Ine indi inza ikwi ilya impensya ilya nalyoli, uTaata waane ali inza umulimi.

Yohani 18:37

Pe uPilaato ahamuvhuziilizya ahati, “Vhuli, ishi zya nalyoli kuuti iwe we mwene?” UYeesu ahamwamula ahati, “Iwe we wayanga kuuti ine ne mwene. Ine nápafwilwe mu nsi umu, havhili nínzile, inga mbasambiilizye avhantu uvhwanalyoli. Umuntu wonti we akuvhulandata uvhwanalyoli, akugatejeelezya amazwi gaane.”

Yohani 5:21

Inza vwe uTaata waane akuvhazyusya avhantu, nu kuuvhapa uvhulanzi uvhwa shiima, niine nkuuvhapa uvhulanzi avhantu vhe nkwanza kuuvhapa.

Yohani 6:33

Nkuyanga vhwevhulo, mwe pe ishaakulya isha Mulungu, neene ne uMulungu ansonteleziizye kufuma ku mwanya, inga mbape uvhulanzi uvhwa shiima avhantu vhonti vhe vhali mu nsi umu.”

Yohani 6:51

Ine ne shaakulya she shifumile ku mwanya, she shikuuvhapa avhantu uvhulanzi. Umuntu wonti we akulya ishaakulya ishi akuvha nu vhulanzi uvhwa shiima. Ishaakulya ishi muvhili waane we kwe mbufumwe ku vhantu vhonti, inga vhavhe nu vhulanzi uvhwa shiima.”

Yohani 6:57

“Inza vwe uTaata we ansonteleziizye ine mulanzi, niine nkuvhwaga uvhulanzi kufuma ku kwakwe. Vhwevhulo, umuntu wonti we akundya ine, akuvhwaga uvhulanzi kufuma ku kwane.

Yohani 6:68

USiimoni uPeeteli ahamwamula ahati, “We Mwene, vhuli, wu naanu uwamwavho we tungasogola ku kwakwe? Iwe uli na mazwi ge gakuutupa uvhulanzi uvhwa shiima.

Yohani 8:32

Havhili kwe muvhumanye uvhwanalyoli. Kwi idala ilya vhwanalyoli uvhwo, uMulungu kwe avhavhiishe kuvha mwe vhasatushe.”

Yohani 8:51

Nalyoli kuvhavhuuzya kuuti, umuntu wonti we akuzilandata zye nkusambiilizya, te ahaafwe naalumo.”

iMbombo izya Vhatumwa 3:15

Muhamugoga uweene we áali vhwandilo uvhwa vhulanzi, ileelo uMulungu ahamuzyusya. Iswe tuhomesheziizye izyo.

iMbombo izya Vhatumwa 4:12

Kwe kuuti, naawumo uwunji wonti we angatupoha, mwe pe ataliipo umuntu uwunji we avhantu vhahapeelwa pansi ipa, we angatupoha iswe mu vhutalamalandu.”

iMbombo izya Vhatumwa 9:2

ahamulaavha kuuti aamupe avhakalaata avha kumumanyisya ku vhasongo avha masinagoogi mu nkaaya iya Damaasiki. Avhakalaata ivho vhahamwitishilaga kuuti, inga avhaaga avhalandati avha Idala ilya Mwene uYeesu, avhanaavuli poosye avhantanda, avhakunje nu kuvhaleeta ku Yelusaleemu.

VaLoma 15:16

kuuti mbe ne muvhomvi uwa Chilisiti uYeesu ku vhantu vhe te Vhayuuda. Nkuvhalumbiilila Izwi iLyinza, inga mbe inza umupuuti we akuvhafumwa imwe kwa Mulungu, inza impuutile iya kumuhondezya uMulungu, havhili ye uMupepo uMufinjile ayizelufwizye.

VaLoma 5:2

Kwi idala ilya kumwitiha uYeesu, uMulungu átufwiliiye uvhwila, havhili poosye ishi atufwiliiye uvhwila. Ipo tukuseshela nkaani, mwe pe tukusuuvhila kuuti tuliivha pooka nu Mulungu mu vhutendamo vhwakwe uvhushindamu.

VaLoma 5:21

Pe ishi, inza vwe uvhutalamalandu vhwámile na maha aga kuvhakonzya avhantu nu kuvhapelela uvhufwe, vhwevhulo kwi idala ilya kuvhavhaazya kuuti vhagolosu, uvhwila uvhwa Mulungu vhukuvhakonzya avhantu nu kuvhapelela uvhulanzi uvhwa shiima kwi idala ilya Yeesu Chilisiti uMwene wiitu.

1 VaKolinti 15:45

Mu Vhusimbe uVhufinjile yisimviilwe kuuti, “Umuntu uwa kwanda uAadamu, ápeziilwe, ahavha mulanzi.” Ileelo uAadamu uwa vhusililishilo uChilisiti, wu Mupepo we akuuvhapa avhantu uvhulanzi.

VaEfeso 2:18

Izyo zye twávhombeliilwe nu Chilisiti, zikutuvhiiha iswe swe Vhayuuda niimwe mwe te mwe Vhayuuda kumupalamila uTaata kwi idala ilya Mupepo wooka wewuula.

Kolosi 2:17

Amiiho igo, shiholanyo isha zye aVhayuuda vhásuvhiiye kuuti zikwinza. Ileelo izya nalyoli zikuloleha mwa Chilisiti.

Kolosi 2:9

Mutahiitishe umuntu kuvhahopenkanya, mwe pe uvhulunjisu uvhwa Mulungu vhuli mu muvhili uwa Chilisiti.

Kolosi 3:4

Uvhulanzi vhwinyu vhukufumiilana nu Chilisiti. Ahavhaliilizyo he uweene aliloleha, he niimwe muliloleha pooka nawo na mavhili aga vhushindamu.

VaHebuli 7:25

Kuli izyo, uweene ali na maha aga kuvhapoha nziila vhaala vhe vhakusogola kwa Mulungu kutuushila ku kwakwe. Havhili, mwe pe uweene mulanzi shiima, akuvhalaavhila ahavhaliilizyo honti.

VaHebuli 9:8

Kulandatana ni mbaatiho izyo, uMupepo uMufinjile akutulolesya apazelu kuuti Iheema ilyo ilya hali lwe likuvhomba imbombo, idala ilya kwinjila aPafinjile pa Pafinjile litíguliilwe ku vhantu vhonti.

1 Peteli 1:21

Kwi idala lyakwe mumwitishe uMulungu we ámuzyusiizye nu kuumupa uvhushindamu. Ye nongwa mukwitiha nu kumusuuvhila uMulungu.

1 Peteli 2:4

UYeesu we livhwe ilanzi ilya kuzenjela. Ivhwe ilyo avhantu vhálihaanile, ileelo uMulungu álisavhuuye, havhili lya nsavho pilongolela lyakwe. Ishi mupalamilaje kwa Yeesu.

1 Peteli 3:18

Yeenya, woope uChilisiti áyimviliilwe nu kufwa lwoka vhweleele, kuzya vhutalamalandu vhwitu. Uweene áali mugolosu, ahafwa kuzya vhe te vhagolosu, inga atukundanye nu Mulungu. Vhámugozile lwe ali nu muvhili uwa vhuntu. Ku maha aga Mupepo uMufinjile, ahasogola kukumusya Izwi iLyinza ku vhafwe vhe vhákunziilwe. Pe uMupepo uwa Mulungu ahamuzyusya.

1 Yohani 1:8

Inga tukuti tutali nu vhutalamalandu, tukuyihopenkanya sweneeswe, havhili tutali nu vhwanalyoli mu mooyo giitu.

1 Yohani 2:23

Wonti we akumuhaana uMwana, akumuhaana nu Taata uMulungu. Ileelo wonti we akumwitiha uMwana pilongolela lya vhantu, ali nu vhuliilani nu Taata uMulungu vhweleele.

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.

1 Yohani 5:6

UYeesu Chilisiti álolesile kuuti Mwana wa Mulungu kwi idala ilya lwozyo ulwa minzi ni lya mavhanda aga kufwa kwakwe. Atálolesile ku minzi vhweleele, nkandi ku minzi na ku mavhanda.

2 Yohani 1:9

Umuntu wonti we akupindula insambiilizyo izya Chilisiti, havhili atakujendeelela kulema izyo zye vhamusambiliziizye, uyo atali nu vhuliilani nu Mulungu. Ileelo wonti we akujendeelela kulema insambiilizyo, ali nu vhuliilani nu Taata uMulungu, nu Mwana waakwe.

Ishitushizya 1:5

havhili vhwe vhukufuma kwa Yeesu Chilisiti. Uweene we wu hoome uwa nalyoli, we mutanzi kuzyuha, havhili we mupiti uwa vhamwene vhonti avha mu nsi. UYeesu Chilisiti we atukunzite, havhili atusatuuye mu vhutalamalandu vhwitu, kutuushila mu mavhanda gaakwe.

Ishitushizya 19:11

Pisinda, nkalola ku mwanya kwigusile, ukwo nkalola imfwalaasi inzelu, na we akuyilimbila vhahatinji, “UMutungamu” nu “Wa Nalyoli.” Uyo akulongaga nu kulwa ku vhugolosu.

Ishitushizya 20:15

Umuntu wonti we izina lyakwe litálolesile mwi ikalaata ilya vhulanzi, ahasumbilwa mwa sumbi we akwaha umwoto.

Ishitushizya 22:1

Pe uhavhizya ahandanga ijenje ilya minzi ge gakufumwa uvhulanzi, amazelu ngati lilooli, gahafumaga ku shitengo isha vhumwene isha Mulungu na Hagonzi aha MWENE uMulungu.

Ishitushizya 22:17

UMupepo uMufinjile na we akunyatulwa vhakuti, “Nzaaga!” Woope we akwivwa ati, “Nzaaga!” Woope we ali ni shinyooto ayinze, we akwanza, anyatule aminzi ge gakufumwa uvhulanzi pa vhweleele.

Ishitushizya 3:14

“Uhavhizya uwa shivhanza isha ku Lawodikiya, musimbile uti: Iga mazwi kufuma kuli ine ne Yeesu. Ine ne Amina, havhili ne hoome umutungamu nu wa nalyoli. Nkuvikonzya ivintu vwonti vwe uMulungu ápezile.

Ishitushizya 3:7

“Uhavhizya uwa shivhanza isha ku Filadelufiya, musimbile uti: Iga mazwi kufuma kwa Yeesu, ula we mufinjile, havhili uwa nalyoli, we ali ni shigulilo isha maha isha mwene uDaavhudi. Uweene we inga ayiigula nuumo uwa kwigalila, havhili inga agalila nuumo uwa kwigula: