Yohani 14:4 - ULufingwi uLupwa

⁴ Imwe mulimanyile idala lye likufiha kwe nkusogola.”

Tesitamenti Umupwa 1965

⁴ Pope napupo pe nkuvala mulimanyilʼidala.

Yohani 14:4 ပူးပေါင်းရင်းမြစ်များ

uLuuka 24:26

Vhuli, uChilisiti atanzilwaga kutuushila mu mayimba igo gonti, pe pisinda ayinjile mu vhushindamu vhwakwe?”

Yohani 10:9

Ine indi inza umulyango uwo. Umuntu wonti we akwinjila mwi ivhiji kutuushila ku kwane akupokwa, havhili akuvha musatushe kwinjila nu kufuma, kusogola kwi isole ilyinza.

Yohani 12:26

Umuntu wonti we akumbombela ine, akwanzilwa andandate. Yeenya, ponti pe indi, nu muvhomvi waane kwe avhanje. Havhili uTaata alimushindiha umuntu wonti we akumbombela ine.

Yohani 13:3

UYeesu ámanyile kuuti uTaata ámupiiye amaha aga kuvikonzya ivintu vwonti, havhili ámanyile kuuti áfumile kwa Mulungu, nu kuuti aligaluha kwa Mulungu.

Yohani 14:2

Mu nyumba iya Taata waane muli uvhuzilo uvhupiti. Zitavhanje vhwevhulo, nkandi mbavhuziizye. Ishi nasogola kuvhasenganizyanya uvhuzilo. Zitavhanje vhwevhulo, nkandi mbavhuziizye. Ishi nasogola kuvhasenganizyanya uvhuzilo.

Yohani 14:28

Mwivuuye vwe nkuvhavhuuzya kuuti, ‘Nasogola, ileelo kwe ninze kuli imwe.’ Inga nalyoli munkunzite, nkandi mukuseshela lwe mukwivwa kuuti nkusogola kwa Taata, mwe pe uTaata mupiti kunduusya ine.

Yohani 14:3

Lwe nasogola nu kuvhasenganizanya uvhuzilo, ndigaluha havhili kuvhanyatula, inga pe navha, niimwe muvhe pooka niine.

Yohani 14:5

Pe uToomasi ahamuvhuziilizya uYeesu ahati, “We Mwene, iswe tutamanyile kwe ukusogola. Pe tungalimanya idala inza vhuli?”

Yohani 16:28

Nínzile mu nsi kufuma kwa Taata, havhili ishi nkwepa mu nsi, nkusogola kwa Taata.”

Yohani 3:36

Umuntu wonti we akumwitiha uMwana wa Mulungu, ali nu vhulanzi uvhwa shiima, ileelo umuntu wonti we akumuhaana, atali nu vhulanzi uvhwa shiima, mwe pe uvhuhalazu uvhwa Mulungu vhukuvha kwa muntu uyo shiima.

Yohani 6:40

Kwe kuuti ulukasamo ulwa Taata waane lwa kuuti umuntu wonti we amanyile kuuti ine ne Mwana wa Mulungu nu kuniitiha, avhe nu vhulanzi uvhwa shiima. Niine ndimuzyusya isiku ilya vhusililishilo.”