Yohani 14:31 - ULufingwi uLupwa

³¹ Zye nkuzivhomba zye uTaata ándajiziizye kuzivhomba, inga avhantu vhonti avha mu nsi umu vhamanye kuuti imukunzite. Ishi yimiliili, twepe ipa.”

Tesitamenti Umupwa 1965

³¹ Nkandʼukuti insi mwʼimanyilʼine ukuti imukunzitʼuTata, ukuti nkuvomba inza shʼuTata andajizizye: Muvushe, tuvale lelo.

Yohani 14:31 ပူးပေါင်းရင်းမြစ်များ

Matayi 26:39

Ahasogola pilongolela hansi, ahagwa ishikupama, ahalaavha ahati, “We Taata, inga zingavhombeha, nkulaavha uyeefwe amayimba iga kuli ine. Ileelo utahavhombe inza vwe nkasiime ine, nkandi vwe ukasiime weneewe.”

Matayi 26:46

Vhuushi, tujendi. Yeenya, we akunaniila apalamiiye!”

uLuuka 12:50

Niine ndi na mayimba ge nkwanzilwa kutuushila, kwe njendeelele kuyimba nkaani mu mwoyo waane, kufishila kuuti galunjishe.

Yohani 10:18

Ataliipo umuntu we angamfwula uvhulanzi vhwane. Ine ne nkusaavhula kuvhufumwa uvhulanzi vhwane. Ine indi na maha aga kuvhufumwa uvhulanzi vhwane, havhili indi na maha aga kuvha ne mulanzi havhili. Nkuyanga vhwevhulo, mwe pe uTaata waane we andajiziizye kuvhomba vhwevhulo.”

Yohani 12:27

“Ishi nanda kuswimiililwa nkaani mu mwoyo waane. Ishi inti vhuli? Vhuli, inti, ‘We Taata, nkukulaavha umposhe mu havhaliilizyo iha aha mayimba’? Ndaali, ntangalaavha inza isho, mwe pe ninzile mu nsi umu kuyimba.

Yohani 12:49

Nkuyanga vhwevhulo, mwe pe ntayanzile ku maha gaane neene, uTaata we ansonteleziizye, we andajiziizye izya kuyanga na vwe yikwanzilwa kuyanga.

Yohani 13:1

Lwe isiku ilya shikulukuulu isha Pasaaka lishiili kufiha, uYeesu ahamanya kuuti ahavhaliilizyo haakwe haafiha aha kwepa mu nsi umu, nu kusogola kwa Taata. Ahavhaliilizyo honti lwe ali mu nsi umu, ávhakunzite avhantu vhaakwe vhe vhámwitisile mu nsi, havhili ájendeleeye kuvhakunda kufishila kumpeleela.

Yohani 15:9

Inza vwe uTaata ankunzite ine, vwe niine mbakunzite imwe. Ishi pe mujendeelele kuvha mu shikunzi shaane.

Yohani 18:11

UYeesu ahamuvhuuzya uPeeteli ahati, “We Peeteli, galusya ipanga mu shipata shaakwe. Vhuli, utamanyile kuuti nkwanzilwa kuyimba inza vwe uTaata akasiime kuuti njimvilwe?”

Yohani 4:34

UYeesu ahavhaamula ahati, “Ishaakulya shaane ine, kwe kuvhomba ulukasamo ulwa Taata we ansonteleziizye kumaliilizya imbombo yaakwe.

Filipi 2:8

Ahayiisya weeka, havhili ámushindisile uTaata, ahiitiha nu kufwa, poosye uvhufwe uvhwa pa shihovhenkanyo.