Yohani 14:3 - ULufingwi uLupwa

³ Lwe nasogola nu kuvhasenganizanya uvhuzilo, ndigaluha havhili kuvhanyatula, inga pe navha, niimwe muvhe pooka niine.

Tesitamenti Umupwa 1965

³ Ilelo lwe mbazilʼukuvayananizya pavuyo imwe, ndiyinza havili ukuvasendʼimwe, ukuti muvanje kukwane, namwe ukuti muve pupo pe ndi ine.

Yohani 14:3 ပူးပေါင်းရင်းမြစ်များ

Yohani 12:26

Umuntu wonti we akumbombela ine, akwanzilwa andandate. Yeenya, ponti pe indi, nu muvhomvi waane kwe avhanje. Havhili uTaata alimushindiha umuntu wonti we akumbombela ine.

Yohani 14:28

Mwivuuye vwe nkuvhavhuuzya kuuti, ‘Nasogola, ileelo kwe ninze kuli imwe.’ Inga nalyoli munkunzite, nkandi mukuseshela lwe mukwivwa kuuti nkusogola kwa Taata, mwe pe uTaata mupiti kunduusya ine.

Yohani 14:4

Imwe mulimanyile idala lye likufiha kwe nkusogola.”

Yohani 17:24

“We Taata, nkwanza kuuti vhe umpiiye, vhavhanje pooka niine pe nkuvha, inga vhavhulolaje uvhushindamu vhwe umpiiye, mwe pe wánkunzite kufuma lwe ni nsi yishiili kupelwa.

iMbombo izya Vhatumwa 1:11

Vhahati, “Mwe vhanaavuli vha mu Galilaaya, shooni she mwimiliiye ipa nu kutontomela ku mwanya? UYeesu uno we anyatulwa kufuma kuli imwe, aligaluha havhili vhwevhulo inza vwe mwamulola akusogola ku mwanya.”

VaLoma 8:17

Ishi, inga swe vhaana vha Mulungu, pe nalyoli swe vhapwana avha Mulungu, swe vhapwana pooka nu Chilisiti. Nalyoli inga tukwitiha kuyimba inza uChilisiti, pe tuliposheela uvhushindamu pooka nawo.

Filipi 1:23

Ivintu vivhili vikundunzaanya. Lumo nkusiivha kwepa ipa, insogole imbe pooka nu Chilisiti. Ili lye lihondeeye nkaani.

2 VaTesaloniki 1:12

Tukulaavha vhwevhulo, inga izina ilya Mwene wiitu uYeesu lishindikwaje ku zyinyu. Havhili niimwe mushindikwaje ku zyakwe, kufumiilana nu vhwila uvhwa Mulungu wiitu, nu vhwa Mwene uYeesu Chilisiti.

2 Timoti 2:12

Inga tukujimbiilila, tulikonzya pooka nawo. Ileelo inga twamuhaana, pe woope alituhaana.

VaHebuli 9:28

vhwevhulo, uMulungu ámufumwizye uChilisiti, inga afwe nu kuvha mpuutile ye yilunjisile lwoka vhweleele, inga uMulungu avhaswile avhantu avhinji uvhutalamalandu vhwavho. Havhili uChilisiti aliyinza ulwa vhuvhili. Te ahinze, inga uMulungu avhaswile avhantu uvhutalamalandu, nkandi aliyinza kuvhapoha avhantu vhe vhakumuguliilila.

Ishitushizya 3:21

Ula we alipoota indingo, ndimwitishila kutendama pooka niine pa shitengo shaane isha vhumwene. Aliyiima inza ine ne nápoosite indingo, nkatendama pooka nu Taata pa shitengo shaakwe isha vhumwene.