Yohani 14:26 - ULufingwi uLupwa

²⁶ Ileelo uMutuuli uyo, kwe kuuti uMupepo uMufinjile, we uTaata kwe amutume kuli imwe kwi izina lyane, we alivhasambiilizya nu kuvhakumbusya zyonti zye nkavhavhuzyaga.

Tesitamenti Umupwa 1965

²⁶ Uwene nyenʼuMwimizi, uMupepʼuMufinjile, wʼuTata alimutuma mwizina lyanʼine, wuyo nyene alivasambilizyʼimwe zyonti, wʼalivakumbusya zyonti zye mbavuzizyʼimwe.

Yohani 14:26 ပူးပေါင်းရင်းမြစ်များ

Matayi 1:18

Kupaapwa ukwa Yeesu Chilisiti kwáli ishi. UMaliiya unyina waakwe ázinjiliilwe nu Yoosefu. Ileelo lwe vhashiili kwimalana, uMaliiya álolesile ali pa vhumwamu. Uvhumwamu uvhwo ávhwazile kwi idala ilya Mupepo uMufinjile.

Matayi 1:20

Lwe asiivha izyo, uhavhizya uwa MWENE uMulungu ahamuloleshela mu njozi. Uhavhizya uyo ahamuvhuuzya ahati, “We Yoosefu, mwana wa Daavhudi, utahoogope kumwimala uMaliiya, mwe pe uvhumwamu vhwe ali navhwo avhwazile kwi idala ilya Mupepo uMufinjile.

Matayi 28:19

Ishi musogole ku vhantu avha mu nsi zyonti nu kuvhapela kuvha vhasundikwa vhaane. Muvhombaje isho, kwi idala ilya kuvhoozya kwi izina ilya Taata ni lya Mwana ni lya Mupepo uMufinjile,

Matayi 3:11

“Nalyoli ine nkuvhoozya na minzi kulolesya kuuti mwatonta uvhutalamalandu vhwinyu. Ileelo akwinza mwisinda lyane we ali na maha kunduusya ine, we ine ntahondeeye poosye kuvha ne muvhomvi uwa kuvhuusya ivilyatu vwake. Uyo we kwe avhoozye nu Mupepo uMufinjile nu mwoto.

Maliko 12:36

Umweneesho uDaavhudi ásimvile ku maha aga Mupepo uMufinjile kuuti, ‘UMWENE uMulungu ámuvhuziizye uMwene waane átili, “Tendaama ku luvhazu lwane ulwa kundiilo pa vhushindamu uvhupiti nkaani, kufishila pe navhavhiiha avhalugu vhaaho pansi pa vinama vwaho.”’

Maliko 13:11

Lwe vhavhalema nu kuvhatwala kuvhalonjeelela, mutasiivhaje ilya kuyanga. Lyonti lye mulipelwaga ahavhaliilizyo hehaala lye muhaliyangaje, mwe pe te mwemwe muliyangaga, nkandi uMupepo uMufinjile we alivhapanga izya kuyanga.

uLuuka 1:15

mwe pe uMWENE uMulungu alimuvhiiha kuvha mupiti. Umwana uyo atahamwele idivaayi, poosye ishintu shonti she shikuhola. Amaha aga Mupepo uMufinjile galiivha nawo kufuma ahavhaliilizyo he ali mu lwanda mwa maayi waakwe.

uLuuka 1:35

Uhavhizya ahamwamula ahati, “UMupepo uMufinjile kuuti akwishile, na maha aga Mulungu uMupiti uwa ku Mwanya kuuti gakugwinshile inza ahanzundila. Pe umwana we ulipaapa aliivha mufinjile, havhili avhantu vhalitinji Mwana wa Mulungu.

uLuuka 1:41

UEelizabeeti lwe ayiivwa vwe uMaliiya akumulamuha, umwana ahanyangʼanya muhati yaakwe. Pe uMupepo uMufinjile ahamwishila uEelizabeeti.

uLuuka 1:67

Pe amaha aga Mupepo uMufinjile gahamwishila uZakaliya, utaata uwa mwana, pe ahanda kukuvhwa kuuti,

uLuuka 11:13

Pe ishi, inga imwe mwe vhatalamalandu mumanyile kuuvhapa avhaana vhiinyu ivintu ivwinza, pe uTaata wiitu uwa ku mwanya aliivhapa uMupepo uMufinjile vhaala vhe vhakumulaavha!”

uLuuka 2:25

Ahavhaliilizyo iho ku Yelusaleemu, kwáli umuntu wumo we vhahatinji uSimiyooni. Umuntu uyo áamile mugolosu, havhili ahamushindihaga uMulungu. Ahasuvhilaga kwinza ukwa we alivhapoha aVhaisilayeeli. USimiyooni ahalongolwaga nu Mupepo uMufinjile.

uLuuka 24:49

“Tejeelezyi! Ishi ine kuuti imuleete kuli imwe uMupepo uMufinjile we uTaata waane áfinzile kuuti aliivhapa. Ishi, mutendame mu nkaaya ino iya Yelusaleemu, kufishila pe muliposheela amaha kufuma ku mwanya.”

uLuuka 3:22

UMupepo uMufinjile ahamwishila ku shiholanyo isha nkunda pamwanya yaakwe. Izwi ilya Mulungu lihivwiha kufuma ku mwanya, lihati, “Iwe we Mwana waane unkundwa, nahondezelwa niiwe.”

Yohani 1:33

Ine ntámumanyile, ileelo uMulungu we ánsonteleziizye kwozya avhantu na minzi we ámbuziizye átili, ‘Inga wamulola umuntu we uMupepo waane kufuma ku mwanya akwiha pamwanya yaakwe nu kusyala pooka nawo, we alivhozyaga avhantu nu Mupepo uMufinjile.’”

Yohani 12:16

Ahavhaliilizyo iho, avhasundikwa avha Yeesu vhatámanyile izyo. Ileelo lwe uMulungu alolesya apazelu uvhushindamu uvhwa Yeesu, pe vhahakumbuha kuuti izyo zyásimviilwe mu Vhusimbe uVhufinjile ku zyakwe na vwe avhantu vhámuvhombeeye.

Yohani 14:16

Pe niine kwe imulaavhe uTaata kuuti aavhape uMutuuli uwamwavho, havhili uyo, kuuti avhe pooka niimwe shiima.

Yohani 14:25

“Navhavhuuzya zyonti izyo lwe indi she nkutendama niimwe.

Yohani 15:26

“Nkumutuma uMutuuli we wu Mupepo uMufinjile uwa kuvhalolesya avhantu vhonti uvhwanalyoli. Akufuma kwa Taata, havhili lwe aafiha kuli imwe, alivhahomeshezya uvhwanalyoli vhwane.

Yohani 16:7

Nkuvhavhuuzya zya nalyoli kuuti, lilonka kuli imwe kuuti nsogole kwa Taata, mwe pe inga ntasogola uMutuuli te ayinze kuli imwe. Ileelo inga nasogola, kwe imutume kuli imwe.

Yohani 2:22

Pe lwe uYeesu azyuha, avhasundikwa vhaakwe vhahakumbuha amazwi ge áyanzile. Kwi idala ilyo, vhahalyitiha izwi lye lyásimviilwe mu Vhusimbe uVhufinjile na mazwi ge uYeesu áyanzile.

Yohani 20:22

Pe ahavhapuutila umwuyu, ahavhavhuuzya ahati, “Posheeli uMupepo uMufinjile.

Yohani 6:45

Yeenya, uVhusimbe uVhufinjile uvhwa vhakuvhwi vhukuti, ‘UMulungu alivhasambiilizya avhantu vhonti.’ Pe umuntu wonti we akutejeelezya nu kusambiilila kufuma kwa Taata waane, we akwinza ku kwane.

Yohani 7:39

UYeesu ahayangaga inongwa izya Mupepo uMufinjile we pisinda, avhiitisi vhonti avha Yeesu vhámuposheleeye. Ahavhaliilizyo iho, uMulungu ápezile ashiili kuvhatumila uMupepo uMufinjile, mwe pe uMulungu ápezile ashiili kulolesya apazelu uvhushindamu uvhwa Yeesu.

iMbombo izya Vhatumwa 1:2

kufishila isiku lye ányatuliilwe kusogola ku mwanya. Lwe ashiili kunyatulwa, uMupepo uMufinjile ahamulongola kuvhalajizya avhatumwa vhaakwe vhe ávhasavhuuye, vwe yikwanzilwa vhavhombaje imbombo.

iMbombo izya Vhatumwa 1:4

Isiku limo lwe uYeesu ahalyanga pooka navho, ahavhalajizya ahati, “Mutaheepe mu nkaaya iya Yelusaleemu, muguliilile munuumu, kufishila ahavhaliilizyo he muliposheela ishikunjilwa, kwe kuuti uMupepo uMufinjile. Isho she shikunjilwa she uTaata uMulungu áfinzile, ulufingwi ulwo lwe nkavhavhuzyaga.

iMbombo izya Vhatumwa 1:8

Ileelo kwe muposheele amaha, lwe uMupepo uMufinjile akuvhiishila imwe. Pe muliivha mwe vhahoome vhaane mu Yelusaleemu, na mu shigavho isha nsi shonti isha Yudeeya ni sha Samaliya, nu kufishila kumpeleela iya nsi.”

iMbombo izya Vhatumwa 11:16

Nkakumbuha izwi liila lye uMwene uYeesu átuvhuziizye átili, ‘Nalyoli uYoohani ahavhozyaga avhantu na minzi, ileelo imwe muliyoozelwa nu Mupepo uMufinjile.’

iMbombo izya Vhatumwa 13:2

Isiku limo lwe vhonti ivho vhakumupuuta uMwene uYeesu nu kuyiima kulya, uMupepo uMufinjile ahavhavhuuzya ahati, “Munsavhulile avha Balinaaba nu Saavhuli ku mbombo ye mbitiiye.”

iMbombo izya Vhatumwa 13:4

Pe lwe uMupepo uMufinjile avhasonteelezya avha Balinaaba nu Saavhuli, vhahasogola mu nkaaya iya Selewukiya. Kufuma ipo vhahashuula ni meeli kusogola mu nkaaya iya Salaami, insi iya Kiipulo ye yáamile pahati pa sumbi.

iMbombo izya Vhatumwa 15:28

Yihondeeye kwa Mupepo uMufinjile na kuli iswe kuuti, tutahavhavhegazye amaligo aminji, nkandi zye ndajizyo izi zye zikwanzilwa kuzilandata:

iMbombo izya Vhatumwa 15:8

UMulungu we amanyile amooyo aga vhantu, ahalolesya kuuti avhitisile, mwe pe vhoope ahaavhapa uMupepo uMufinjile inza iswe.

iMbombo izya Vhatumwa 16:6

UMupepo uMufinjile ávhahaanile avha Paavhuli na vhamwavho kuuti, vhatahalumbiilile izwi ilya Mwene uYeesu mu shigavho isha nsi isha Aasiya. Pe vhahatuuha mu nsi iya Fuligiya, ni ya Galaatiya.

iMbombo izya Vhatumwa 2:33

Lwe uMulungu amuzyusya, ahamuzuvwa nu kumuvhiiha ku luvhazu lwakwe ulwa kundiilo pa vhushindamu uvhupiti nkaani. Pe ahaposheela uMupepo uMufinjile kufuma kwa Taata, we áfinzile, ahatwitila wenewo ku vhwinji, izyo zye mukuzilola, nu kuzyivwa.

iMbombo izya Vhatumwa 2:4

Avhantu vhonti vhahiizula uMupepo uMufinjile, vhahataliha kuyanga ku njango izinji, inza vwe uMupepo uMufinjile ávhaloosite.

iMbombo izya Vhatumwa 20:28

Muyisunjililaje mweneemwe, pooka ni mpuga yiila ye uMupepo uMufinjile avhavhiisile imwe kuvha mwe vhimiilizi. Mushidiimaje ishivhanza isha Mulungu she áshikazile ku mavhanda gaakwe wuuyo.

iMbombo izya Vhatumwa 20:35

Mu zyonti zye nkavhombaga, nkavhalolesyaga imwe kuuti, muvhombaje imbombo ku mute, mwe pe tukwanzilwa kuvhaavwa avhayeyevhazu. Tukumbuhaje amazwi ge uMwene uYeesu wuuyo áyanzile átili, ‘Vhuloote nkaani kufumwa kuluusya kuposheela.’”

iMbombo izya Vhatumwa 28:25

Lwe aVhayuuda vhaaga vhatakwivwana vhuuvho vheeka ku mazwi ge uPaavhuli ahayangaga, vhaheepa. Lwe vhashiili kwepa, uPaavhuli ahavhavhuuzya ahati, “UMupepo uMufinjile áyanzile izya nalyoli, kuvhavhuuzya avhataata vhiinyu kutuushila kwa mukuvhwi uYisaayi kuuti,

iMbombo izya Vhatumwa 5:3

Ileelo uPeeteli ahamuvhuuzya ahati, “Ananiya! Shooni she waaleha uSeetano ayinjila mu mwoyo waaho? Wafishila kumulumila ilenga uMupepo uMufinjile, wazyiha impiiya zimo zye uposheleeye mu mugunda waaho.

iMbombo izya Vhatumwa 7:51

USiteefani ahajendeelela kuyanga kuuti, “Imwe mwe muli na mooyo amagomu! Amooyo giinyu na makutwi giinyu gali ngati ga vhantu vhe te Vhayuuda. Shiima imwe mukumudinda uMupepo uMufinjile inza vwe avhataata vhiinyu vhahavhombaga!

iMbombo izya Vhatumwa 7:55

Ileelo uweene uSiteefani she ayizuuye uMupepo uMufinjile, ahatontomela ku mwanya, ahalola uvhushindamu uvhwa Mulungu, nu Yeesu ayimiliiye ku luvhazu ulwa kundiilo ulwa Mulungu pa vhushindamu uvhupiti nkaani.

VaLoma 14:17

Yeenya, uvhumwene uvhwa Mulungu vhutakuloleha mu vwe tukulya poosye kumwela, nkandi vhukuloleha mu lujendo lwitu ulwa vhugolosu nu vhutehamu nu luseshelo lwe lukufuma kwa Mupepo uMufinjile.

VaLoma 15:13

Pe ishi, nkulaavha kuuti uMulungu we akuutupa ulusuuvhilo, avhiizuzye uluseshelo lwonti nu vhutehamu mu lwitiho lwinyu, inga ulusuuvhilo lwinyu lwonjele ku maha aga Mupepo uMufinjile.

VaLoma 15:16

kuuti mbe ne muvhomvi uwa Chilisiti uYeesu ku vhantu vhe te Vhayuuda. Nkuvhalumbiilila Izwi iLyinza, inga mbe inza umupuuti we akuvhafumwa imwe kwa Mulungu, inza impuutile iya kumuhondezya uMulungu, havhili ye uMupepo uMufinjile ayizelufwizye.

VaLoma 5:5

Ulusuuvhilo ulwo lutakutusuupizya, mwe pe uMulungu atulolesiizye ishikunzi shaakwe ishipiti mu mooyo giitu kwi idala ilya kuutupa uMupepo uMufinjile.

1 VaKolinti 12:3

Ishi nkuvhavhuuzya kuuti, umuntu wonti we akulongolwa nu Mupepo uwa Mulungu atangayanga kuuti, “UYeesu atifiilwe.” Havhili umuntu wonti we atakulongolwa nu Mupepo uMufinjile atangayanga kuuti, “UYeesu wu Mwene.”

1 VaKolinti 6:19

Mutamanyile kuuti, amavhili giinyu Nyumba iMfinjile iya Mupepo uMufinjile we uMulungu ávhapiiye? Ishi amavhili igo te vwuma vwinyu,

2 VaKolinti 13:14

UMwene uYeesu Chilisiti avhafwilaje uvhwila. UMulungu alolesyaje ishikunzi kuli imwe. Woope uMupepo uMufinjile, avhapanje uvhuliilani imwe mwenti.

2 VaKolinti 6:6

Havhili tukulolesya kuuti twe vhavhomvi avha Mulungu ku mooyo giitu amazelu na ku vhumanyi na ku vhujimbiilizu na ku vhutesi na kwi idala ilya kulongolwa nu Mupepo uMufinjile na ku shikunzi she shitali ni shifumbo.

VaEfeso 1:13

Niimwe vhweleele mwe te mwe Vhayuuda, mwívuuye izwi ilya nalyoli, kwe kuuti Izwi iLyinza ilya kuvhapoha. Lwe mwivwa muhamwitiha uChilisiti, woope uMulungu ahavhalemezanya ni shilemezanyo kulolesya kuuti mwe vhaakwe. Ishilemezanyo isho, wu Mupepo uMufinjile we áfinzile kuutupa.

VaEfeso 1:17

Nkulaavha kuuti, uMulungu uwa Mwene wiitu uYeesu Chilisiti we wu Taata uwa Vhushindamu, aavhape uvhushindamu uvhwa njeele nu kuvhalolesya vwe ali, inga mumumanye ahinza nkaani.

VaEfeso 4:30

Mutamuvhiihaje uMupepo uMufinjile kuuti aswimililwaje. Uweene shilemezanyo isha kulolesya kuuti, mwe vhantu vha Mulungu, havhili akuhomeshezya kuuti isiku liliyinza lye uMulungu alivhatavhula imwe.

1 VaTesaloniki 4:8

Pe umuntu wonti we akuhaana insambiilizyo izi, atakumuhaana muntu, akumuhaana wu Mulungu, we akuuvhapa imwe uMupepo waakwe uMufinjile.

2 Timoti 1:14

Izwi iLyinza lye uMulungu akupiiye, uligulilaje ku maha aga Mupepo uMufinjile we akutendama muhati yiitu.

uTiiti 3:5

ahatupoha. Te kuuti iswe twámile nu lujendo ulwinza, nkandi átuposile ku vhwila vhwakwe vhweleele. Átuposile kwi idala ilya kutuzelufwa uvhutalamalandu vhwitu nu kutupaapa shipwa nu kutuvhiiha shipwa kwi idala ilya Mupepo uMufinjile.

VaHebuli 10:15

Woope uMupepo uMufinjile akuhomeshezya kuuti inongwa izi zya nalyoli lwe akuti,

VaHebuli 2:4

UMulungu woope ávhuhomesheziizye uvhuposhi uvhwo kwi idala ilya kulolesya ivilolesyo ni zya kusukumizya na maha aga mavhiila mu mavhiila, nu kuuvhapa avhantu ivho ivikunjilwa ivwa Mupepo uMufinjile kulandatana nu lukasamo lwakwe.

VaHebuli 3:7

Ishi inza vwe uMupepo uMufinjile akuyanga akuti, “Ileelo inga mwivwa izwi ilya Mulungu,

VaHebuli 9:8

Kulandatana ni mbaatiho izyo, uMupepo uMufinjile akutulolesya apazelu kuuti Iheema ilyo ilya hali lwe likuvhomba imbombo, idala ilya kwinjila aPafinjile pa Pafinjile litíguliilwe ku vhantu vhonti.

1 Peteli 1:12

UMulungu ávhalolesiizye kuuti imbombo yaavho iya kukuvhwa yitahavhavwaga avheene, nkandi imwe. Inongwa izyo zye mwázyivuuye ku vhantu vhe vhálumbiliiye Izwi iLyinza ku maha aga Mupepo uMufinjile we uMulungu ámutumile kufuma ku mwanya. Avhahavhizya vhoope vhakusungwa nkaani kumanya inongwa izyo.

2 Peteli 1:21

Nkuyanga vhwevhulo, mwe pe uvhukuvhwi vhutínzile kufumiilana nu lukasamo ulwa muntu. Lwe avhantu vhahakuvhwaga, vhahalongolwaga nu Mupepo uMufinjile.

1 Yohani 2:20

Ileelo imwe uMulungu avhapiiye uMupepo uMufinjile, ye nongwa mwenti muvhumanyile uvhwanalyoli.

1 Yohani 2:27

Yeenya, imwe, uChilisiti avhapiiye uMupepo uMufinjile, we akutendama muhati yiinyu. Uyo we akuvhasambiilizya zyonti, havhili insambiilizyo zyakwe zya nalyoli, te zya ilenga. Pe ishi, yitakwanzilwa kuuti umuntu uwunji avhasambiilizye. Inza vwe uMupepo avhasambiliziizye, ishi mujendeelele kuvha nu vhuliilani nu Chilisiti.

1 Yohani 5:7

Woope uMupepo uMufinjile akuhomeshezya kuuti izyo zya nalyoli, mwe pe uMupepo uMufinjile wa nalyoli.

uYuuda 1:20

Ileelo imwe vhankundwa, muyizenje mu lwitiho lwinyu ulufinjile nkaani nu kulaavha ku maha aga Mupepo uMufinjile.

Ishitushizya 2:11

We ali na makutwi, atejeelezye ziila zye uMupepo uMufinjile akuvivhuuzya ivivhanza. Ula we alipoota indingo te ahaafwe ku vhufwe uvhwa vhuvhili.”