Yohani 14:24 - ULufingwi uLupwa

²⁴ Ileelo umuntu wonti we atankunzite ine, atakuzivhombela imbombo zye nkumulajizya. Amazwi ge nkuvhalajizya te gaane, gakufuma kwa Taata we ansonteleziizye kuli imwe.

Tesitamenti Umupwa 1965

²⁴ Uno wengʼatakunkunda, wʼatakusajila namazwi gane. Ilyenʼizwi lye mukwiṿwa shinishi, lye lite lyane ine ndali, lye lya Tata wʼantumilʼine.

Yohani 14:24 ပူးပေါင်းရင်းမြစ်များ

Matayi 19:21

UYeesu ahamwamula ahati, “Inga ukwanza kuvha we mulunjisu, sogoola ukazye ivintu vwonti vwe uli navwo, impiiya zye waposheela uuvhape avhapiina. Inga wavhomba vhwevhulo, ukuvha wayisengulila inkoma ku mwanya. Pe uyinze, undandate.”

Yohani 14:10

Vhuli, utakwitiha kuuti ine indi muhati ya Taata, woope uTaata ali muhati yaane? Amazwi iga ge nkuvhavhuuzya ntakuyanga ku maha gaane neene, uTaata we ali mu mwane we akuvhomba imbombo zyonti izi.

Yohani 14:15

UYeesu ahati, “Inga munkunzite, kwe muzilandataje indajizyo zyane.

Yohani 14:25

“Navhavhuuzya zyonti izyo lwe indi she nkutendama niimwe.

Yohani 3:11

Nalyoli nkukuvhuuzya kuuti, iswe tuzimanyile zye tukuyanga, havhili tukuhomeshezya ziila zye tuzivhwenyi, ileelo imwe mutakwitiha zye tukuvhavhuuzya.

Yohani 3:34

mwe pe uMulungu ámusonteleziizye uYeesu kuyanga amazwi aga Mulungu. UMulungu ámupiiye uYeesu uMupepo uMufinjile ishisita ishipimo.

Yohani 5:19

UYeesu ahavhavhuuzya avhalongozi ivho ahati, “Nalyoli nkuvhavhuuzya kuuti, ine ne Mwana waakwe, ntangavhomba naalimo ku maha gaane. Nkuvhomba zyeziila zye nkumulola uTaata waane akuvhomba, mwe pe zye uTaata akuvhomba zye niine ne Mwana waakwe nkuvhomba.

Yohani 5:38

Mukuhaana kugavhiiha amazwi aga Mulungu mu mooyo giinyu, mwe pe mutakuniitiha ine, ne uMulungu ansonteleziizye kuli imwe.

Yohani 7:16

Pe uYeesu ahavhaamula ahati, “Insambiilizyo zye nkusambiilizya te zyane, zikufuma kwa Mulungu we ansonteleziizye kuli imwe.

Yohani 7:28

Lwe uYeesu akusambiilizya pa Nyumba iMfinjile, ahayanga kwi izwi ipiti ahati, “Nalyoli mumanyile ine, havhili mumanyile kwe mfumile. Ileelo ine ntinzile ku maha gaane, uMulungu we ansonteleziizye wa nalyoli, niimwe mutamumanyile.

Yohani 8:26

Indi nazyo inyinji izya kuyanga ku zyinyu ni zya kuvhalonga imwe, ileelo ntakuvhomba vhwevhulo. Ine nkuvhavhuuzya avhantu vhonti zye nkwivwa kufuma kwa Taata waane. Uweene we ansonteleziizye, havhili akuyanga izya nalyoli.”

Yohani 8:28

Pe uYeesu ahavhavhuuzya ahati, “Lwe mwafishila kunzuvwa pa shihovhenkanyo ne Mwana wa Aadamu, pe muliimanya kuuti ine ne uMulungu ansonteleziizye. Havhili muliimanya kuuti zyonti zye nkuvhomba, ntakuvhomba ku maha gaane, ileelo nkuziyanga zyeziila zye uTaata ansambiliziizye.

Yohani 8:38

Ine nkuvhavhuuzya zye nkuzilola kufuma kwa Taata waane, niimwe mukuzivhomba zye utaata wiinyu akuvhasambiilizya.”

Yohani 8:42

UYeesu ahavhavhuuzya ahati, “Inga uMulungu wu Taata wiinyu, nkandi munkunzite. Ine ntinzile ku maha gaane, uMulungu we ansonteleziizye.