Yohani 14:21 - ULufingwi uLupwa

²¹ Umuntu wonti we azimanyile nu kuzivhombela imbombo zye nkulajizya, uyo we ankunzite. Woope umuntu wonti we ankunzite ine, uTaata akumukunda. Niine nkumukunda havhili ndiyilolesya apazelu ku kwakwe.”

Tesitamenti Umupwa 1965

²¹ Uno wengʼali nazyʼinkomelezyo zyane, wʼakuziviha namumwoyo wakwe, we wuyo wʼankunzitʼine. Ilelʼuno wengʼankunzitʼine, we wuyo uTata alimukunda, we nane ndimukunda, we ndiyilolesya kukwakwe ine.

Yohani 14:21 ပူးပေါင်းရင်းမြစ်များ

uLuuka 11:28

Ileelo uweene uYeesu ahati, “Vhalosiitwe nkaani vhe vhakwivwa nu kulishindiha izwi ilya Mulungu!”

Yohani 14:15

UYeesu ahati, “Inga munkunzite, kwe muzilandataje indajizyo zyane.

Yohani 14:18

Te mbaleshe mweka ngati mwe vhantaagwa, kwe ninze havhili kuli imwe.

Yohani 15:14

Inga mukuvhomba zye mbalajiziizye, kwe muvhe mwe vhamanyani vhaane.

Yohani 16:14

Uweene alilolesyaga uvhushindamu vhwane, mwe pe alivhavhuzyaga zye aposheela kuli ine.

Yohani 16:27

Yeenyi, uTaata uMulungu avhakunzite imwe, mwe pe niimwe munkunzite ine, havhili mwitisile kuuti náfumile ku kwakwe.

Yohani 17:23

Ine indi muhati zyavho, niiwe uli muhati yaane. Nkulaavha kuuti vhavhe ishintu shooka, inga avhantu vhonti vhe vhatanitisile vhamanye kuuti iwe unsonteleziizye, havhili vhamanye kuuti uvhakunzite avhasundikwa vhaane inza vwe unkunzite ine.

iMbombo izya Vhatumwa 22:18

Mu njozi iyo, nkalola uMwene uYeesu akumbuuzya akuti, ‘Luvhiilo yeepa mu Yelusaleemu! Avhantu ivha te vhavhwitishe uvhwahoome vhwaho, vhwe ukuvhavhuuzya izyane.’

2 VaKolinti 12:8

Nkamulambiilizya uMwene lutatu, kuuti amposhe mu mayimba igo.

2 VaKolinti 3:18

Ishi iswe swenti twe tutadindiliilwe ku minso nu mwenda, tukulolesya uvhushindamu uvhwa Mwene inza ilooli vwe likulolesya ishiholanyo. UMwene we wu Mupepo, we akutwandula tuholane nu weene. Akutwandula kufuma pa vhushindamu vhumo kufishila pa vhushindamu uvhupiti nkaani.

2 VaKolinti 4:6

UMulungu we áyanzile kuuti, “Uvhuzelu vhuhozye mu shiisi,” we akuhozya amooyo giitu, nu kutuvhiiha kumanya uvhushindamu vhwakwe vhwe vhukulama ku minso kwa Yeesu Chilisiti.

2 VaTesaloniki 2:16

UTaata wiitu uMulungu atukunzite, na ku vhwila vhwakwe akutusuvhaalizya shiima nu kuutupa ulusuuvhilo ulwinza. Tukumulaavha uMwene wiitu uYeesu Chilisiti pooka nu weene, kuuti

2 Timoti 4:22

UMwene uYeesu avhe pooka niiwe. Avhafwilaje uvhwila imwe mwenti.

1 Yohani 2:5

Ileelo umuntu wonti we akulishindiha izwi ilya Mulungu, uyo nalyoli akumukunda uMulungu. Idala ilya kumanya kuuti tuli nu vhuliilani nu Mulungu, lye lino:

1 Yohani 3:1

Yeenyi vwe uTaata uMulungu atukunzite nkaani. Akutwita kuuti swe vhaana vhaakwe! Mwe muumwo, nalyoli vwe tuli. Ileelo avhantu vhe vhatakumushindiha uMulungu, vhatatumanyile, mwe pe vhatamumanyile uweene.

1 Yohani 5:3

Kumukunda uMulungu, kwe kushindiha indajizyo zyakwe, zyope te ngomu kuzishindiha.

2 Yohani 1:6

Kukundana, kwe kushindiha indajizyo izya Mulungu. Ululajizyo lwe mwálwivuuye kufuma ku vhwandilo lukuti mukundanaje.

Ishitushizya 2:17

We ali na makutwi, atejeelezye ziila zye uMupepo uMufinjile akuvivhuuzya ivivhanza. Ula we alipoota indingo ndiimupa imana iya kukwilu. Havhili ndiimupa ivhwe izelu lye lisimviilwe izina ipwa. Ataliipo we alilimanya izina ilyo, nkandi we wula we akuliposheela.”

Ishitushizya 22:14

Vhalosiitwe ivho vhe vhakuhanda amenda gaavho, inga vhitishilwe kwinjila mu nkaaya kutuushila mu malyango gaakwe, nu kulya amantonongwa aga makwi ge gakufumwa uvhulanzi.

Ishitushizya 3:20

Yeenya, ine nimiliiye ku mulyango nkwiguzya! Umuntu we ayiivwa izwi lyane nu kwigula umulyango, ndiyinjila ku kwakwe, niine ndiilya pooka nawo, woope pooka niine.