Yohani 14:17 - ULufingwi uLupwa

¹⁷ UMutuuli uyo we Mupepo we alivhalolesya avhantu uvhwanalyoli. Avhantu vhe vhakumuhaana uMulungu vhatangamuposheela uMupepo uyo, mwe pe vhatakumulola, havhili vhatamumanyile. Ileelo imwe mumumanyile, mwe pe akuvha pooka niimwe, woope alitendama muhati zyinyu.

Tesitamenti Umupwa 1965

¹⁷ We wʼuMupepo wa vwanalyoli, wʼinsi yitamanyilʼukumuposhela, shʼitakumwenya havili yitamumanyile. Nkandʼimwe mumumanyile, shʼakulinda kumwinyu, havili muliva nawo muhati zyinyu.

Yohani 14:17 ပူးပေါင်းရင်းမြစ်များ

Matayi 10:20

Nkuyanga vhwevhulo, mwe pe te mwemwe muliyangaga, nkandi uMupepo uwa Taata wiitu uMulungu we aliyangaga kutuushila muli imwe.

Yohani 14:16

Pe niine kwe imulaavhe uTaata kuuti aavhape uMutuuli uwamwavho, havhili uyo, kuuti avhe pooka niimwe shiima.

Yohani 14:23

UYeesu ahamwamula ahati, “Umuntu wonti we ankunzite ine, kwe azivhombelaje imbombo zye nkumulajizya. Woope uTaata waane kwe amukundaje umuntu uyo, havhili ine nu Taata waane tuliyinza ku kwakwe nu kutendama pooka nawo.

Yohani 15:26

“Nkumutuma uMutuuli we wu Mupepo uMufinjile uwa kuvhalolesya avhantu vhonti uvhwanalyoli. Akufuma kwa Taata, havhili lwe aafiha kuli imwe, alivhahomeshezya uvhwanalyoli vhwane.

Yohani 16:13

UMupepo uyo we alivhalolesya uvhwanalyoli, lwe ayinza kuli imwe, alivhalongola kuvhulandata uvhwanalyoli vhwonti. Te ahayangaje ku maha gaakwe wuuyo, aliyangaga zye azyivwa nu kuvhavhuuzya zye zilifumila.

Yohani 6:40

Kwe kuuti ulukasamo ulwa Taata waane lwa kuuti umuntu wonti we amanyile kuuti ine ne Mwana wa Mulungu nu kuniitiha, avhe nu vhulanzi uvhwa shiima. Niine ndimuzyusya isiku ilya vhusililishilo.”

1 VaKolinti 14:15

Ishi nkwanzilwa kuvhomba ishooni? Kwe ndaavhaje mu njango injeni mwa Mupepo uMufinjile, havhili kwe ndaavhaje na ku njeele zyane. Havhili kwe nimbaje ku njango injeni mwa Mupepo uMufinjile, havhili kwe nimbaje na ku njeele zyane.

1 VaKolinti 2:14

Ileelo umuntu we atali nu Mupepo uwa Mulungu, atangaposheela zye zikufuma kwa Mupepo uwa Mulungu. Umuntu uyo ku kwakwe izyo zya vhwalangani, havhili atangazimanya, mwe pe umuntu akuzimanya izyo ku lwavwo ulwa Mupepo uwa Mulungu weeka.

1 VaKolinti 3:16

Vhuli, mutamanyile kuuti imwe mwe Nyumba iMfinjile iya Mulungu? Mutamanyile kuuti uMupepo uwa Mulungu akutendama pahati yiinyu?

1 VaKolinti 6:19

Mutamanyile kuuti, amavhili giinyu Nyumba iMfinjile iya Mupepo uMufinjile we uMulungu ávhapiiye? Ishi amavhili igo te vwuma vwinyu,

2 VaKolinti 13:5

Ishi muyilingaje mweneemwe, inga mumanye kuuti muli nu lwitiho. Vhuli, mutamanyile kuuti uYeesu Chilisiti ali muhati zyinyu? Inga mutamanyile, ipo lwe muposiitwe.

2 VaKolinti 6:16

INyumba iMfinjile iya Mulungu yingavha nu vhuliilani ni viholanyo ivwa vhalungu? Iswe twe Nyumba iMfinjile iya Mulungu uMulanzi! Izi zili inza uMulungu wuuyo vwe áyanzile átili, “Nditendama pahati yaavho nu kujenda pooka navho. Ndiivha ne Mulungu waavho, vhoope vhaliivha vhantu vhaane.”

VaGalati 4:6

Ishi, mwe pe twe vhaana vhaakwe, uMulungu amusonteleziizye uMupepo uwa Mwana waakwe mu mooyo giitu, uMupepo we akutuvhiiha kuuti tumwitaje uMulungu tutinji, “Aba,” kwe kuuti, “Taata.”

VaEfeso 2:22

Ishi, kwi idala ilya kusopenkana nu weene, niimwe mwe te mwe Vhayuuda mukuzengwa pa lwalo ulwa nyumba ye uMulungu akutendama. UMulungu akutendama mu nyumba iyo, kwi idala ilya Mupepo waakwe.

VaEfeso 3:17

Havhili nkuvhalaavhila kuuti, kwi idala ilya lwitiho, uChilisiti atendamaje mu mooyo giinyu. Ipo pe ishikunzi shaakwe, shiliivha shivhapiiye amaha aga kusimpa inza ikwi lye lyisiizye nkaani amazi gaakwe pansi, poosye inza inyumba ye yizengwilwe pa lwalo ulugomu.

Kolosi 1:27

Ivho vhe uMulungu asungwilwe kuvhavumbulila uvhuzigizigi uvhwo vwe vhuli nu vhudumbwe uvhwa kusukumizya ku vhantu vhe te Vhayuuda. Uvhuzigizigi uvhwo, wu Chilisiti we ali muhati yiinyu, uweene we akuvhavhiiha kuuti muvhe nu lusuuvhilo ulwa kuposheela uvhushindamu.

2 Timoti 1:14

Izwi iLyinza lye uMulungu akupiiye, uligulilaje ku maha aga Mupepo uMufinjile we akutendama muhati yiitu.

1 Yohani 2:27

Yeenya, imwe, uChilisiti avhapiiye uMupepo uMufinjile, we akutendama muhati yiinyu. Uyo we akuvhasambiilizya zyonti, havhili insambiilizyo zyakwe zya nalyoli, te zya ilenga. Pe ishi, yitakwanzilwa kuuti umuntu uwunji avhasambiilizye. Inza vwe uMupepo avhasambiliziizye, ishi mujendeelele kuvha nu vhuliilani nu Chilisiti.

1 Yohani 3:24

Umuntu we akuzishindiha indajizyo izya Mulungu, akulandila ku vhuliilani nu weene, woope uMulungu akulandila ku vhuliilani nawo. Tumanyile kuuti uMulungu akulandila ku vhuliilani niiswe kwi idala ilya Mupepo uMufinjile we atupiiye.

1 Yohani 4:4

Ileelo imwe vhaana vhaane, mwe vhantu vha Mulungu, muvhapoosite avhakuvhwi ivho avha ilenga, mwe pe uMupepo uwa Mulungu ali muhati yiinyu. Uweene ali na maha kuluusya impepo ye yikuvhalongola avhantu avha mu nsi umu.

1 Yohani 4:6

Ileelo iswe swe vhantu vha Mulungu. Umuntu we amumanyile uMulungu, akututejeelezya, ileelo umuntu we te wa Mulungu, atakututejeelezya. Vhwevhulo, vwe tukumanya uvhusugaano uvhwa vhantu vhe vhakulongolwa nu Mupepo uwa nalyoli, na vhaala vhe vhakulongolwa ni mpepo iya ilenga.

1 Yohani 5:7

Woope uMupepo uMufinjile akuhomeshezya kuuti izyo zya nalyoli, mwe pe uMupepo uMufinjile wa nalyoli.

Ishitushizya 2:17

We ali na makutwi, atejeelezye ziila zye uMupepo uMufinjile akuvivhuuzya ivivhanza. Ula we alipoota indingo ndiimupa imana iya kukwilu. Havhili ndiimupa ivhwe izelu lye lisimviilwe izina ipwa. Ataliipo we alilimanya izina ilyo, nkandi we wula we akuliposheela.”