Yohani 14:13 - ULufingwi uLupwa

¹³ Inga mukulaavha ishintu shonti kwi izina lyane, niine kwe mbombaje inza vwe mukulaavha. Kwi idala ilyo, nkulolesya uvhushindamu uvhwa Taata vwe vhuli.

Tesitamenti Umupwa 1965

¹³ Vwonti vwenga mukulava mwizina lyane ṿwe ndivomba, ukuti uTata pʼavoneshe mwa Mwana ukuva we mupiti.

Yohani 14:13 ပူးပေါင်းရင်းမြစ်များ

Matayi 21:22

Inga muli nu lwitiho, vwonti vwe mukulaavha lwe mukupuuta, muliposheela.”

Matayi 7:7

“Mumulaavhaje uMulungu, pe woope kwe avhapanje, havhili mulondolaje, pe niimwe kwe muvwagaje, havhili muhonyonsyaje, pe niimwe kwe mwigulilwaje.

Maliko 11:24

Kuli izyo, nkuvhavhuuzya kuuti, vwonti vwe mukulaavha lwe mukupuuta, nalyoli mwitihaje kuuti mwaposheela, uMulungu kwe avhapanje.

uLuuka 11:9

“Ishi nkuvhavhuuzya kuuti, mumulaavhaje uMulungu, pe woope kwe avhapanje, havhili mulondolaje, pe niimwe kwe muvwagaje, havhili muhonyonsyaje, pe niimwe kwe mwigulilwaje.

Yohani 10:30

Ine nu Taata waane tuli pooka.”

Yohani 12:44

Pe uYeesu ahayanga kwi izwi ipiti ahati, “Umuntu we akuniitiha ine, atakuniitiha neneene vhweleele, akumwitiha na ula we ansonteleziizye.

Yohani 13:31

Lwe uYuuda aafuma panzi, uYeesu ahavhavhuuzya avhasundikwa vhaakwe ahati, “Ishi uvhushindamu vhwane ne Mwana wa Aadamu vhwapalamila kuloleha apazelu. Havhili uvhushindamu uvhwa Mulungu kwe vhuloleshe apazelu kutuushila mu mbombo zyane.

Yohani 14:14

Inga mukundaavha ishintu shonti kwi izina lyane, kwe mbombaje inza vwe mukundaavha.”

Yohani 14:6

UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

Yohani 15:16

Te mwemwe mwánsavhuuye ine, ine ne návhasavhuuye imwe kuvha mwe vhasundikwa vhaane. Návhasavhuuye, inga mupaapaje amantonongwa ge gatakusila naalumo. Pe zyonti zye mukumulaavha uTaata uMulungu kwi izina lyane, aliivhapa.

Yohani 15:7

Inga mwavha muhati yaane na mazwi gaane gavha muhati zyinyu, pe mulaavhaje kwa Taata shonti she mukwanza, woope aliivhapa.

Yohani 16:23

Havhili lwe ahavhaliilizyo iho haafiha, te muhandaavhe naashimo. Nalyoli nkuvhavhuuzya kuuti, zyonti zye mukumulaavha uTaata uMulungu kwi izina lyane, aliivhapa.

Yohani 16:26

Ahavhaliilizyo iho, mulilaavhaga kwi izina lyane. Ntakuti ine ndivhalavhilaga kwa Taata.

Yohani 16:7

Nkuvhavhuuzya zya nalyoli kuuti, lilonka kuli imwe kuuti nsogole kwa Taata, mwe pe inga ntasogola uMutuuli te ayinze kuli imwe. Ileelo inga nasogola, kwe imutume kuli imwe.

Yohani 4:10

UYeesu ahamwamula ahati, “Inga waamanyile she uMulungu akwanza kuukupa, havhili kuuti wu naanu we akukulaavha aminzi aga kumwela, waamile undaavhaje, niine naamile inkupanje aminzi ge gakuuvhapa avhantu uvhulanzi.”

Yohani 4:14

Ileelo umuntu we akumwela aminzi ge ine nkuumupa, te ahuumilwe ishinyooto havhili. Aminzi ge ine nkuumupa, galiivha inza ishiduda isha minzi muhati yaakwe she shitakwuma naalumo nu kuumupa uvhulanzi uvhwa shiima.”

Yohani 5:19

UYeesu ahavhavhuuzya avhalongozi ivho ahati, “Nalyoli nkuvhavhuuzya kuuti, ine ne Mwana waakwe, ntangavhomba naalimo ku maha gaane. Nkuvhomba zyeziila zye nkumulola uTaata waane akuvhomba, mwe pe zye uTaata akuvhomba zye niine ne Mwana waakwe nkuvhomba.

Yohani 7:37

Isiku ilya vhusililishilo ilya shikulukuulu isha vwegwi, lyáli lisiku ipiti nkaani. Pe uYeesu ahimiilila pa Nyumba iMfinjile, ahayanga kwi izwi ipiti ahati, “Umuntu wonti we ali ni shinyooto, ayinze ku kwane amwele.

1 VaKolinti 14:13

Kuli izyo, umuntu we ali ni shikunjilwa isha kuyanga injango injeni, amulaavhe uMulungu, inga aamupe uvhumanyi uvhwa kutantula.

VaEfeso 2:18

Izyo zye twávhombeliilwe nu Chilisiti, zikutuvhiiha iswe swe Vhayuuda niimwe mwe te mwe Vhayuuda kumupalamila uTaata kwi idala ilya Mupepo wooka wewuula.

VaEfeso 3:12

Kwi idala ilya kusopenkana nu Chilisiti uYeesu nu kumwitiha uweene, tuli nu vhudandamazu uvhwa kupalamila pilongolela ilya Mulungu ishisita ilyoga.

VaEfeso 3:14

Pe inga nasivhiilila ulukasamo ulwa Taata ulwo, nkusugamila pilongolela lyakwe nu kuvhalaavhila imwe.

Filipi 4:13

Nkuvhwezya kuvhomba zyonti izyo, kwi idala ilya Chilisiti we akumpa amaha.

Kolosi 3:17

Zyonti zye mukuyanga, poosye kuvhomba, muvhombelaje mwi izina ilya Mwene uYeesu. Havhili mumusalifwaje uTaata uMulungu kutuushila ku kwakwe.

VaHebuli 13:15

Kwi idala ilya Yeesu tujendeelele kumutiima uMulungu, mwe pe amazwi giitu aga kulitiima izina lyakwe gakuholana ni mpuutile zye tukumufumwizya.

VaHebuli 4:15

Umupuuti umupiti uyo we tuli nawo, avhumanyile uvhuyeyevhazu vhwitu, mwe pe woope álinziilwe nu Seetano ku madala gonti inza iswe vwe tukulingwa. Ileelo uweene atávhomvile uvhutalamalandu.

VaHebuli 7:25

Kuli izyo, uweene ali na maha aga kuvhapoha nziila vhaala vhe vhakusogola kwa Mulungu kutuushila ku kwakwe. Havhili, mwe pe uweene mulanzi shiima, akuvhalaavhila ahavhaliilizyo honti.

Yakobu 1:5

Inga kuli uwamwinyu wumo we asovheliilwe uvhushindamu uvhwa njeele, amulaavhe uMulungu, woope kwe aamupe vhwenevhwo. Uweene akuuvhapa avhantu vhonti ivintu ku mwoyo umuzelu, havhili ishisita kupila.

Yakobu 5:16

Kuli izyo, mupemulilanaje uvhutalamalandu vhwinyu nu kulavhilana, inga uMwene avhaponiaje. Kulaavha ukwa muntu umugolosu kuli na maha, havhili kukuvhomba imbombo.

1 Peteli 2:5

Niimwe vhweleele muli ngati mavhwe amalanzi. Muzengwilwe kuvha nyumba imfinjile ye yitakuloleha pa minso amazelu. Umwo niimwe mwe vhapuuti avhafinjile vhe vhakufumwa impuutile zye zitakuloleha pa minso amazelu. Impuutile izyo zikwitishilwa nu Mulungu kwi idala ilya Yeesu Chilisiti.

1 Yohani 3:22

Havhili tukuposheela kufuma ku kwakwe shonti she tukumulaavha, mwe pe tukuzishindiha indajizyo zyakwe nu kuvhomba zye zikumuhondezya.

1 Yohani 5:14

Uvhwahoome uvhwa vhudandamazu vhwitu pilongolela ilya Mulungu vhwe vhuno: Tumanyile kuuti akutwivwa, inga twamulaavha ishintu shonti ku lukasamo lwakwe.