Yohani 14:12 - ULufingwi uLupwa

¹² Nalyoli nkuvhavhuuzya kuuti, umuntu wonti we akuniitiha, kuuti avhombaje imbombo zye niine nkuvhomba. Havhili kwe avhombaje ni mpiti kuluusya zye nkuvhomba, mwe pe nkusogola kwa Taata.

Tesitamenti Umupwa 1965

¹² Nalyoli lyoli nkuvavuzyʼine nkuti: Uno wengʼanitisilʼine, wʼimbombo zye nkuvombʼine alivomba zizyo wope. Ena Zyope nindusyi uvupiti alivomba, she nkuvala kwa Tata ine.

Yohani 14:12 ပူးပေါင်းရင်းမြစ်များ

Matayi 21:21

UYeesu ahavhaamula ahati, “Nalyoli nkuvhavhuuzya kuuti, inga muli nu lwitiho ishisita amaganigani, niimwe mulizivhomba inza zye zyavhombeha kwi ikwi ili. Te ziniizyo vhweleele, poosye inga mungalivhuuzya igamba ili kuuti, ‘Kumpuuha ipa, uyisumbe mwa sumbi muula,’ zyope zilivhombeha.

Maliko 11:13

Ahalilola ikwi ilya itiini ukutali, lilemvile amatundu aminji. Ahalipalamila, inga ayeenye inga lihomile amantonongwa. Lwe aafiha, ahaaga lili na ge matundu geeka, mwe pe hatáamile havhaliilizyo ha mantonongwa.

Maliko 16:17

Ivilolesyo ivi, kwe vivhombwaje na vhantu vhe vhakuniitiha. Kwe vhefwaje impepo inkandamanu kwi izina lyane, havhili kwe vhayangaje injango injeni.

Yohani 14:28

Mwivuuye vwe nkuvhavhuuzya kuuti, ‘Nasogola, ileelo kwe ninze kuli imwe.’ Inga nalyoli munkunzite, nkandi mukuseshela lwe mukwivwa kuuti nkusogola kwa Taata, mwe pe uTaata mupiti kunduusya ine.

Yohani 16:7

Nkuvhavhuuzya zya nalyoli kuuti, lilonka kuli imwe kuuti nsogole kwa Taata, mwe pe inga ntasogola uMutuuli te ayinze kuli imwe. Ileelo inga nasogola, kwe imutume kuli imwe.

Yohani 4:37

Galiipo amazwi ge gakuti, ‘Umuntu wumo akuvhwala, uwamwavho akuvuna.’ Amazwi iga ga nalyoli.

Yohani 5:20

UTaata waane ankunzite ine ne Mwana waakwe, havhili akundolesya imbombo zyonti zye akuzivhomba. Ahavhaliilizyo he hakwinza, alindolesya imbombo impiti kuluusya izi, pe imwe mulisukumila.

Yohani 7:33

Pe uYeesu ahavhavhuuzya avhantu ivho ahati, “Kwe mbe niimwe ahavhaliilizyo hansi vhweleele lwe nshiili kugaluha ku kwakwe we ansonteleziizye.

Yohani 7:39

UYeesu ahayangaga inongwa izya Mupepo uMufinjile we pisinda, avhiitisi vhonti avha Yeesu vhámuposheleeye. Ahavhaliilizyo iho, uMulungu ápezile ashiili kuvhatumila uMupepo uMufinjile, mwe pe uMulungu ápezile ashiili kulolesya apazelu uvhushindamu uvhwa Yeesu.

iMbombo izya Vhatumwa 10:46

Havhili vhásukumiiye, mwe pe vhívuuye vhakuyanga ku njango injeni kumutiima uMulungu. Pe uPeeteli ahati,

iMbombo izya Vhatumwa 16:18

Ahavhombaga vhwevhulo insiku inyinji. Ileelo isiku limo, uPaavhuli ahaviitwa nkaani, ahamushevhela nu kuyivhuuzya impepo iyo kuuti, “Nkukulajizya kwi izina ilya Yeesu Chilisiti kuuti, fuma mwa mulindu uno!” Naluvhiilo impepo yiheepa.

iMbombo izya Vhatumwa 19:12

Avhantu vhahanyatulaga utwenda utwa kusyumulila amatwinsi na menda aganji ge uPaavhuli ahapalamansyaga, vhahavitwalaga ku vhavhinu, vhoope vhahaponaga amavhinu gaavho, havhili vhe vháamile ni mpepo imbiivhi zihafumaga.

iMbombo izya Vhatumwa 2:33

Lwe uMulungu amuzyusya, ahamuzuvwa nu kumuvhiiha ku luvhazu lwakwe ulwa kundiilo pa vhushindamu uvhupiti nkaani. Pe ahaposheela uMupepo uMufinjile kufuma kwa Taata, we áfinzile, ahatwitila wenewo ku vhwinji, izyo zye mukuzilola, nu kuzyivwa.

iMbombo izya Vhatumwa 2:41

Avhantu avhinji vhahagiitiha amazwi gaakwe isiku liila, vhahoozelwa, vhahonjela avhantu vhe vháfishiiye 3,000 ishi.

iMbombo izya Vhatumwa 4:16

Vhahavhuzilizanya vhahati, “Tuvhahonzye vhuli avhantu ivha? Avhantu vhonti vhe vhakutendama pa Yelusaleemu ipa vhamanyile kuuti vhavhomvile ishilolesyo ishipiti, tutangaahola kuhaana kuuti vhatavhomvile.

iMbombo izya Vhatumwa 4:33

Avhatumwa avha Yeesu vhahafumwaga uvhwahoome uvhwa kuzyuha kwa Mwene uYeesu, ku maha nkaani. UMulungu woope ahavhafwilaga uvhwila nkaani vhonti.

iMbombo izya Vhatumwa 4:4

Ileelo avhinji muli ivho vhe vhívuuye izwi ilya Mulungu, vhítisile. Pe uvhwinji vhwavho vhe vhámwitisile uYeesu, wuhafishila avhanaavuli vheeka 5,000 ishi.

iMbombo izya Vhatumwa 5:15

Pe kufumililana niizyo, avhantu vhahavhavhiihaga avhavhinu mu madala mu mazagala, na mu vilili, kuuti uPeeteli lwe akutuuha, poosye nga shinzyunguuli shaakwe shivhafishile vhamo vhapone.

iMbombo izya Vhatumwa 6:7

Izwi ilya Mulungu lihajendeelela kukumuha mu vhantu, avhalandati avha Yeesu vhahonjelaga kuvha avhinji mu Yelusaleemu, na vhapuuti avhinji vhoope vhahamwitihaga uYeesu.

iMbombo izya Vhatumwa 8:7

Ahazipililaga impepo inkandamanu mu vhantu avhinji, lwe zikufuma zihazumaga ahalanga. Ahavhaponiaga avhinji vhe vháhataliiye, na vhantendya.

iMbombo izya Vhatumwa 9:34

Pe uPeeteli ahamuvhuuzya ahati, “Iwe Yeneeya, uYeesu Chilisiti akukuponia. Ishi yimiliila! Zinga ishilili shaaho.” Naluvhiilo uYeneeya ahimiilila.

iMbombo izya Vhatumwa 9:40

UPeeteli ahavhafumwa vhonti panzi, ahasugamila, ahamulaavha uMulungu. Pe aheenya ku shaala shiila, ahati, “We Taabita, damuula!” UTaabita ahadaamula. Lwe amulola uPeeteli, ahatendama.

VaLoma 15:19

havhili kwi idala ilya maha aga vilolesyo ni zya kusukumizya, na ku maha aga Mupepo uMufinjile. Kuli izyo, nzyunguluuye mwonti kulumbiilila Izwi iLyinza ilya Chilisiti, kwandila mu nkaaya iya Yelusaleemu kufishila mu nsi iya Ililiiko.