Yohani 14:11 - ULufingwi uLupwa

¹¹ Mwitishe zye nkuyanga kuuti, indi muhati ya Taata waane, nu kuuti woope ali muhati yaane. Ileelo inga mutakwitiha zye nkuyanga, pe mwitishe ku mbombo zye nkuzivhomba.

Tesitamenti Umupwa 1965

¹¹ Munitishe ukuti nane ndi mwa Tata, havili wope nuTata ali mumwanʼine. Inga mukuhana zinizi pe mwitishe kumbombo zyonti zinizi.

Yohani 14:11 ပူးပေါင်းရင်းမြစ်များ

Yohani 10:25

Ileelo uYeesu ahavhaamula ahati, “Ine mbavhuziizye kuuti ne naanu, ileelo imwe mukuhaana kuniitiha. Imbombo zye nkuvhomba ku maha aga Taata waane zye zikunkomeshezya kuuti ine ne naanu.

Yohani 10:32

Ileelo uYeesu ahavhavhuuzya ahati, “Navhalolesya imbombo inyinji inyinza ku maha aga Taata waane. Vhuli, mbombo vhuli zye zikuvhavhiiha imwe kuuti munkome na mavhwe?”

Yohani 10:38

Ileelo inga nkuzivhomba imbombo zye uTaata waane akuzivhomba, poosye inga mutakwitiha zye nkuyanga, ishi mujendeelele kuzyitiha imbombo izyo. Kwi idala ilyo, pe kwe mumanye kuuti uTaata waane ali muhati yaane, niine indi muhati yaakwe.”

Yohani 14:10

Vhuli, utakwitiha kuuti ine indi muhati ya Taata, woope uTaata ali muhati yaane? Amazwi iga ge nkuvhavhuuzya ntakuyanga ku maha gaane neene, uTaata we ali mu mwane we akuvhomba imbombo zyonti izi.

Yohani 14:20

Isiku ilyo, muliimanya kuuti ine indi muhati iya Taata waane, niimwe muli muhati yaane, niine indi muhati yiinyu.

Yohani 5:36

“Ileelo imbombo zye nkuvhomba zikuhomeshezya ahinza vwe ne wa nalyoli, havhili zilusiizye nkaani zye uYoohani aayanzile. Nkuyanga vhwevhulo, mwe pe imbombo zye uTaata waane ampiiye kuuti mbombaje zye zikulolesya kuuti uTaata uMulungu we ansonteleziizye.

iMbombo izya Vhatumwa 2:22

UPeeteli ahajendeelela kuyanga kuuti, “Mwe vhanaavuli vha mu Isilayeeli, tejeelezyi amazwi iga! UMulungu avhalolesiizye imwe kuuti akuvhomba imbombo kutuushila kwa Yeesu uwa ku Naazaleeti. Mweneemwe mumanyile ahinza kuuti kwa Yeesu wunuuyo kwe avhomvile amafindango ni zya kusukumizya ni vilolesyo kuli imwe.

VaHebuli 2:4

UMulungu woope ávhuhomesheziizye uvhuposhi uvhwo kwi idala ilya kulolesya ivilolesyo ni zya kusukumizya na maha aga mavhiila mu mavhiila, nu kuuvhapa avhantu ivho ivikunjilwa ivwa Mupepo uMufinjile kulandatana nu lukasamo lwakwe.