Yohani 13:5 - ULufingwi uLupwa

⁵ Ahavhiiha aminzi mwi ibeeseni, ahanda kuvhoozya ivinama avhasundikwa vhaakwe nu kuvhapuupula nu mwenda we áyipinyile mu musana.

Tesitamenti Umupwa 1965

⁵ Pʼahaponyʼaminzi mwibeseni, pʼahandʼukuvozya muṿinama avasundikwa vakwe, ahaṿisyumula numwenda wʼazwaye mumusana.

Yohani 13:5 ပူးပေါင်းရင်းမြစ်များ

uLuuka 7:38

Ahimiilila kwisinda kwa Yeesu, papiipi ni vinama vwakwe. Ahanda kukuuta, na mansozi gaakwe gahazwilaga pa vinama ivwa Yeesu. Pe ahavha akumusyumula ni nsisi zyakwe uku akumufipa mu vinama vwakwe, nu kuvipahazya amafuta igo ge gakununshila.

uLuuka 7:44

Pe uYeesu ahagalunkana aheenya kwa mwantanda ula, ahamuvhuuzya uSiimoni ahati, “Ukumulola umwantanda uno? Ninjiiye mu nyumba yaaho, utampiiye aminzi aga kugeeza mu vinama vwane. Ileelo uweene anoozya ivinama vwane na mansozi gaakwe, nu kunsyumula ni nsisi zyakwe.

Yohani 13:10

UYeesu ahamwamula ahati, “Umuntu we ageezile umuvhili wonti, atakwanzilwa kugeeza havhili, akugeeza mwe mu vinama, mwe pe umuvhili waakwe wonti muzelu. Imwe mwe vhazelu, ileelo wooka pahati yiinyu te muzelu.”

Yohani 13:6

Lwe uYeesu aafiha pe uSiimoni uPeeteli ali, uPeeteli ahamuvhuziilizya ahati, “We Mwene, vhuli, ukwanza unoozye ivinama vwane?”

Yohani 13:8

UPeeteli ahamuvhuuzya ahati, “Iwe utanganoozya ivinama vwane inga hansi.” UYeesu ahamwamula ahati, “Inga ntangakwozya iwe, utangavha pooka niine havhili.”

Yohani 19:34

Ileelo umusikaali wumo ahamulasa uYeesu ni mpalala pa luvhazu. Pe amavhanda na minzi vihafuma.

iMbombo izya Vhatumwa 22:16

Ishi, ukuhavhiilila ishooni? Lyitishe izina lyakwe! Yimiliila! Uyoozelwe, uvhutalamalandu vhwaho vhwepe.’”

1 VaKolinti 6:11

Vhamo muli imwe vháali inza vhwevhulo. Ileelo ishi, uMulungu avhazelufwizye nu kuvhavhiiha kuvha mwe vhantu vhaakwe, nu kuvhavhaazya kuuti mwe vhagolosu pilongolela lyakwe, kwi izina ilya Mwene wiitu uYeesu Chilisiti na ku maha aga Mupepo uwa Mulungu wiitu.

VaEfeso 5:26

Áyifumwizye kufwa, inga ashizelufwe ishivhanza, áshoziizye na minzi nu kushizelufwa kwi izwi lyakwe.

1 Timoti 5:10

Avhanje amanyisile kuuti avhombaga imbombo inyinza, inza kusunga avhaana vhaakwe ahinza nu kuposheela avhajeni nu kuvhaavwa avhafinjile ku vhutonsu nu kuvhaavwa vhe vhali mu mayimba nu kuyifumwa ku mbombo izinji zyonti inyinza.

VaHebuli 10:22

Kuli izyo, tusogolaje pilongolela ilya Mulungu na mooyo aminza ge nalyoli gakumwitiha, mwe pe uMulungu atuzelufwizye amooyo giitu amavhiivhi kwi idala ilya mavhanda aga Yeesu nu kugazelufwa amavhili giitu na minzi amazelu.

1 Yohani 1:7

Ileelo inga tukulandila mu vhuzelu, inza vwe uMulungu ali mu vhuzelu, pe tukuvha nu vhuliilani sweneeswe. Havhili amavhanda aga Mwana waakwe uYeesu gakutuzelufwa uvhutalamalandu vhwitu vhwonti.

1 Yohani 5:6

UYeesu Chilisiti álolesile kuuti Mwana wa Mulungu kwi idala ilya lwozyo ulwa minzi ni lya mavhanda aga kufwa kwakwe. Atálolesile ku minzi vhweleele, nkandi ku minzi na ku mavhanda.

Ishitushizya 1:5

havhili vhwe vhukufuma kwa Yeesu Chilisiti. Uweene we wu hoome uwa nalyoli, we mutanzi kuzyuha, havhili we mupiti uwa vhamwene vhonti avha mu nsi. UYeesu Chilisiti we atukunzite, havhili atusatuuye mu vhutalamalandu vhwitu, kutuushila mu mavhanda gaakwe.

Ishitushizya 7:14

Nkamwamula nkati, “We mwene, iwe umanyile.” Pe woope ahati, “Ivha vhantu, vhe vhafumile mu mayimba amapiti, vhoope vhahanzite amenda gaavho nu kugavhiiha kuvha mazelu mu mavhanda aga Hagonzi aha MWENE uMulungu.