Yohani 13:18 - ULufingwi uLupwa

¹⁸ Pe uYeesu ahajendeelela kuvhavhuuzya avhasundikwa vhaakwe ahati, “Ntakuyanga zyonti izyo kuli imwe mwenti, mwe pe mbamanyile kufuma ku vhwandilo avhantu vhe mbasavhuuye kuvha vhasundikwa vhaane. Ileelo nkuyanga izyo, inga zilunjishe zye zisimviilwe mu Vhusimbe uVhufinjile kuuti, ‘Umumanyani waane we alyanga ishaakulya pooka niine, agalunkana kuvha mulugu waane.’

Tesitamenti Umupwa 1965

¹⁸ Ntakuvataha mwenti ndali, she mbamanyile ve mbasavuye; nkandi ukuti zyinzaje zizyo zye zisimṿilwe mwa kalata zye zikuti: Uno wʼakulya umukati wane, wʼampanile nivala lyakwe.

Yohani 13:18 ပူးပေါင်းရင်းမြစ်များ

Matayi 10:36

Havhili, avhalugu avha muntu vhaliivha vhantu vha mu nyumba yaakwe.

Matayi 26:21

Lwe vhakulya, uYeesu ahavhavhuuzya ahati, “Nalyoli nkuvhavhuuzya kuuti, wumo muli imwe kwe ananiile.”

Matayi 26:23

UYeesu ahavhaamula ahati, “Ula we akusanzila ikaati pooka niine mu luvhiga, we kwe ananiile.

Maliko 14:17

Lwe havha havhaliilizyo aha hamazuuvha, uYeesu ahafiha paala pooka na vhasundikwa vhaakwe 12.

Maliko 14:18

Lwe vhakulya, uYeesu ahavhavhuuzya ahati, “Nalyoli nkuvhavhuuzya kuuti, wumo muli imwe we akulya pooka niine kwe ananiile.”

Maliko 14:20

UYeesu ahavhaamula ahati, “Ali pahati yiinyu imwe 12 we akusanzila ikaati pooka niine mu luvhiga.

uLuuka 22:21

“Ileelo mumanyaje kuuti, umuntu we akwanza kunaniila, tukulya pooka nawo ipa.

Yohani 13:21

Lwe uYeesu ayanga izyo, ahaswimiililwa nkaani mu mwoyo waakwe, ahayanga apazelu ahati, “Nalyoli nkuvhavhuuzya kuuti, wumo muli imwe kwe ananiile.”

Yohani 13:22

Pe avhasundikwa vhaakwe vhahanda kwenyanya vhuuvho vheeka, mwe pe vhatámanyile kuuti akumuyanga wu naanu.

Yohani 13:26

UYeesu ahamwamula ahati, “We wula we naakuumupa ikaati lye nasanzizya mu musunyi.” Pe uYeesu ahanyatula ikaati, ahasanzizya mu musunyi, ahaamupa uYuuda umwana wa Siimoni uwa ku Kaalyoti.

Yohani 15:16

Te mwemwe mwánsavhuuye ine, ine ne návhasavhuuye imwe kuvha mwe vhasundikwa vhaane. Návhasavhuuye, inga mupaapaje amantonongwa ge gatakusila naalumo. Pe zyonti zye mukumulaavha uTaata uMulungu kwi izina lyane, aliivhapa.

Yohani 15:19

Inga mwaamile mwe vhantu avha mu nsi umu, nkandi vhavhakunzite inza vwe vhavhakunzite avhantu vhaakwe. Ileelo imwe te mwe vha mu nsi umu, mwe pe mbasavhuuye kufuma mu nsi umu, ye nongwa avhantu avha mu nsi umu vhakuvhaviitilwa.

Yohani 15:25

Izi zivhombesile, inga amazwi ge gasimviilwe mu Vhusimbe uVhufinjile galunjishe, mwe pe yisimviilwe kuuti, ‘Vhámuvitiliilwe vhweleele.’

Yohani 17:12

Lwe indi pooka navho, navhagulilaga kwi izina lyaho lye umpiiye. Navhagulilaga ahinza, ataliipo we ateezile, nkandi wewuula weeka we akwanzilwa kuteega, inga zilunjishe zye zisimviilwe mu Vhusimbe uVhufinjile.

Yohani 18:32

Izyo zyávhombesile vhwevhulo, inga zilunjishe zye uYeesu áyanzile, kulolesya vwe kuuti afwe.

Yohani 19:24

Pe vhahapanzanya vhahati, “Tutahayizeepule inkanzu ino, tuyihomele ulutambu kuuti yivhe ya naanu.” Izi zyávhombesile vhwevhulo, inga zilunjishe zye zisimviilwe mu Vhusimbe uVhufinjile kuuti, “Vhágavhiine amenda gaane, nu kuyihomela ulutambu inkanzu yaane.” Avhasikaali vwe vhávhomvile vhwevhulo.

Yohani 19:36

Izyo zyávhombesile, inga zilunjishe zye zisimviilwe mu Vhusimbe uVhufinjile kuuti, “Ifupa lyakwe inga lyoka te lihavunzishe.”

Yohani 21:17

Ahamuvhuziilizya ulwa vhutatu ahati, “We Siimoni mwana wa Yoohani, vhuli, unkunzite?” Pe uPeeteli ahaswimiililwa, mwe pe amuvhuziilizya ulwa vhutatu kuuti, “Vhuli, unkunzite?” Ahamwamula ahati, “We Mwene, iwe umanyile zyonti. Umanyile kuuti, nkukunzite.” UYeesu ahamuvhuuzya ahati, “Udiimaje ingʼonzi zyane.

Yohani 6:70

Pe uYeesu ahavhavhuuzya ahati, “Návhasavhuuye imwe 12 kuuti muvhe mwe vhasundikwa vhaane, ileelo wooka pahati yiinyu akulongolwa nu Mukwalanzi.”

iMbombo izya Vhatumwa 1:16

ahavhavhuuzya ahati, “Mwe vhamwitu, zye zyásimviilwe mu Vhusimbe uVhufinjile kuzya Yuuda, we ávhalongooye avhantu vhaala vhe vhámulemile uYeesu, zyaanziliilwe zivhombeshe. Izyo zye uMupepo uMufinjile áyanzile kwi ilomu ilya taata wiitu uDaavhudi.

iMbombo izya Vhatumwa 1:2

kufishila isiku lye ányatuliilwe kusogola ku mwanya. Lwe ashiili kunyatulwa, uMupepo uMufinjile ahamulongola kuvhalajizya avhatumwa vhaakwe vhe ávhasavhuuye, vwe yikwanzilwa vhavhombaje imbombo.

2 VaKolinti 4:5

Nkuyanga vhwevhulo, mwe pe iswe tutakukumusya inongwa zyitu, ileelo tukukumusya kuuti uYeesu Chilisiti we wu Mwene, niiswe twe vhavhomvi vhiinyu kwi idala ilya kumuvhombela uYeesu.

VaHebuli 4:13

Shitaliipo ishipelwa she shizyihiime pilongolela ilya Mulungu. Ivintu vwonti vili apazelu pilongolela lyakwe, uweene we niiswe tulilondovhola imbombo zyitu zyonti zye tukuzivhomba.

Ishitushizya 2:23

Havhili ndivhagoga avhalandati vhaakwe. Pe ivivhanza vwonti viliimanya kuuti ine ne nkwenyeelezya insiivho na mooyo. Niine ndiimupa umuntu wonti muli imwe kulandatana na zye akuzivhomba.