Yohani 13:14 - ULufingwi uLupwa

¹⁴ Ishi ine, ne ne Musambiilizi wiinyu havhili ne Mwene wiinyu navhoozya imwe ivinama vwinyu. Yikwanzilwa niimwe vhweleele mwozyanyaaje ivinama vwinyu.

Tesitamenti Umupwa 1965

¹⁴ Apene lelo ingʼine ne Mwene, ne Musambilizi winyu, inga mbozizye muṿinama, pe namwe pakuti mwozanyaje muṿinama namwe.

Yohani 13:14 ပူးပေါင်းရင်းမြစ်များ

Yohani 11:2

UMaliiya uyo, umunine uwa Laazalo we áamile muvhinu, we ámupasile uMwene uYeesu amafuta ge gakununshila mu vinama vwakwe nu kumusyumula ni nsisi zyakwe.

iMbombo izya Vhatumwa 20:35

Mu zyonti zye nkavhombaga, nkavhalolesyaga imwe kuuti, muvhombaje imbombo ku mute, mwe pe tukwanzilwa kuvhaavwa avhayeyevhazu. Tukumbuhaje amazwi ge uMwene uYeesu wuuyo áyanzile átili, ‘Vhuloote nkaani kufumwa kuluusya kuposheela.’”

VaLoma 12:10

Mukundanaje inza avhanine vwe vhakukundana. Uvhashindihaje avhamwinyu kuluusya vwe ukuyishindiha weneewe.

VaLoma 12:16

Mwivwanaje ahinza na vhamwinyu. Mutayitumvwaje, muvhanje nu vhuliilani na vhantu vhe vhatakushindikwa, mutayilolaje kuuti muvhapoosite injeele.

1 VaKolinti 12:3

Ishi nkuvhavhuuzya kuuti, umuntu wonti we akulongolwa nu Mupepo uwa Mulungu atangayanga kuuti, “UYeesu atifiilwe.” Havhili umuntu wonti we atakulongolwa nu Mupepo uMufinjile atangayanga kuuti, “UYeesu wu Mwene.”

1 VaKolinti 8:13

Ishi, inga ishaakulya she nkulya, shikumupelela uwamwitu kuvhomba uvhutalamalandu, ipo pe te nkaalye inyama naalumo, inga uwamwitu atahinze ayinjile mu vhutalamalandu.

2 VaKolinti 10:1

Ishi, ine ne Paavhuli ne nkuloleha ne mutonsu lwe indi pooka niimwe, ileelo nkuloleha ne muhali lwe indi ukutali niimwe, nkuvhalambiilizya ku vhwahayiisye na ku vhutonsu uvhwa Chilisiti,

2 VaKolinti 8:9

Yeenya, mumanyile vwe uMwene wiitu uYeesu Chilisiti ávhafwiliiye uvhwila. Poosye she wu dumbwe uwa vintu vwonti, áyivhiisile kuvha mupiina ku zyinyu, inga mu vhupiina vhwakwe, imwe muvhe mwe vhadumbwe.

VaGalati 5:13

Vhamwitu, imwe uMulungu avhiisite, inga muvhe mwe vhasatushe. Ileelo mutavhuvhombelaje uvhusatushe vhwinyu kuvhulandata uvhuntu vhwinyu uvhwa vhutalamalandu, nkandi kwi idala ilya shikunzi mwavwanaje.

Filipi 2:11

Havhili ku vhushindamu uvhwa Taata uMulungu, avhantu vhonti vhapemule kuuti, uYeesu Chilisiti wu Mwene.

1 Timoti 5:10

Avhanje amanyisile kuuti avhombaga imbombo inyinza, inza kusunga avhaana vhaakwe ahinza nu kuposheela avhajeni nu kuvhaavwa avhafinjile ku vhutonsu nu kuvhaavwa vhe vhali mu mayimba nu kuyifumwa ku mbombo izinji zyonti inyinza.

VaHebuli 12:2

Tuvhombaje vhwevhulo, uku tukumwenyeelezya uYeesu we átalisiizye idala ilya kuuti iswe tumwitihaje uMulungu, havhili we akuutupa umwoyo kuuti tujendelelaje kumwitiha kufishila ku vhusililishilo. Havhili ávhujimbiliiye uvhufwe pa shihovhenkanyo ishisita kusaajila kulola insoni, kuzya luseshelo lwe lwávhisiilwe pilongolela lyakwe. Ishi atendiime uluvhazu ulwa kundiilo ulwa shitengo isha vhumwene isha Mulungu, pa vhushindamu uvhupiti nkaani.

1 Peteli 4:1

Mwe pe uChilisiti áyimviliilwe mu muvhili waakwe, niimwe vhweleele muyisengaanye kuyimvilwa inza uweene. Nkuyanga vhwevhulo, mwe pe umuntu we akuyimvilwa umuvhili, akulehaana nu vhutalamalandu.

1 Peteli 5:5

Niimwe mwe vhajaaha muvhashindihaje avhasongo. Mwavwanaje mwenti ku vhwahayiisye, mwe pe yisimviilwe mu Vhusimbe uVhufinjile kuuti, “UMulungu akuvhahaana avha mabaado, ileelo akuvhafwila uvhwila vhe vhali nu vhwahayiisye.”