Yohani 13:1 - ULufingwi uLupwa

¹ Lwe isiku ilya shikulukuulu isha Pasaaka lishiili kufiha, uYeesu ahamanya kuuti ahavhaliilizyo haakwe haafiha aha kwepa mu nsi umu, nu kusogola kwa Taata. Ahavhaliilizyo honti lwe ali mu nsi umu, ávhakunzite avhantu vhaakwe vhe vhámwitisile mu nsi, havhili ájendeleeye kuvhakunda kufishila kumpeleela.

Tesitamenti Umupwa 1965

¹ Ilelʼuchaka wa Pasa lwʼashili, uYesu pʼahamanya ukuti ahavalilizyo hakwe hinzile aha kwepelʼuwene munsʼumu, aha kuvala kwa Yise. Ilelo inza shʼavakunzitʼavantu vakwe munsʼumu, shʼahavakunda shima napampelela.

Yohani 13:1 ပူးပေါင်းရင်းမြစ်များ

Matayi 26:45

Lwe agaluha havhili ku vhasundikwa vhaakwe, ahati, “Niishi mukaasite utulo nu kutuuzya? Yeenya, ahavhaliilizyo haafiha, ne Mwana wa Aadamu kwe vhambiishe mu nyoovhe izya vhatalamalandu.

Matayi 28:20

nu kuvhasambiilizya kulandata zyonti zye mbalajiziizye imwe. Niine kwe mbe pooka niimwe amanda gonti, kufishila ku vhusililishilo uvhwa nsi.”

uLuuka 22:53

Insiku zyonti, twavhanga pooka pa Nyumba iMfinjile, ileelo mutandemaga! Ishi, iha he havhaliilizyo hiinyu, ahavhaliilizyo he umwene uwa shiisi akukonzya.”

uLuuka 9:51

Insiku zyakwe izya kuzuvha ku mwanya lwe zyapalamila, uYeesu ahaamula kusogola ku Yelusaleemu.

Yohani 11:55

Ishikulukuulu isha Vhayuuda isha Pasaaka shápalamiiye. Pe avhantu avhinji vhaheepa mu nkaaya zyavho kusogola mu Yelusaleemu, inga vhayizelufwe.

Yohani 12:23

UYeesu ahavhaamula ahati, “Ishi ahavhaliilizyo haafiha aha vhushindamu vhwane ne Mwana wa Aadamu kuloleha.

Yohani 13:29

Mwe pe uYuuda we ahasengulaga imfuuku iya mpiiya, vhamo vhahasiivhaga kuuti uYeesu amuvhuuzya uYuuda kuuti asogole akale vwe vikwanzilwa pa shikulukuulu, poosye kuuti aavhape impiiya zimo avhapiina.

Yohani 13:3

UYeesu ámanyile kuuti uTaata ámupiiye amaha aga kuvikonzya ivintu vwonti, havhili ámanyile kuuti áfumile kwa Mulungu, nu kuuti aligaluha kwa Mulungu.

Yohani 13:34

Ileelo ishi nkuuvhapa indajizyo impwa, nkuvhalajizya kuuti, ‘Mukundanaje. Inza vwe ine mbakunzite imwe, niimwe mukundanaje inza vhwevhulo.’

Yohani 14:28

Mwivuuye vwe nkuvhavhuuzya kuuti, ‘Nasogola, ileelo kwe ninze kuli imwe.’ Inga nalyoli munkunzite, nkandi mukuseshela lwe mukwivwa kuuti nkusogola kwa Taata, mwe pe uTaata mupiti kunduusya ine.

Yohani 14:31

Zye nkuzivhomba zye uTaata ándajiziizye kuzivhomba, inga avhantu vhonti avha mu nsi umu vhamanye kuuti imukunzite. Ishi yimiliili, twepe ipa.”

Yohani 16:28

Nínzile mu nsi kufuma kwa Taata, havhili ishi nkwepa mu nsi, nkusogola kwa Taata.”

Yohani 17:1

Lwe uYeesu aamala kuyanga na vhasundikwa vhaakwe zyonti izyo, aheenya ku mwanya, ahalaavha ahati, “We Taata, ahavhaliilizyo haafiha. Uvhalolesye avhantu uvhushindamu vhwane ine ne Mwana waaho, inga niine ne Mwana waaho imbalolesye uvhushindamu vhwaho vwe vhuli.

Yohani 17:16

Avheene te vha mu nsi umu, inza vwe niine te ne wa mu nsi umu.

Yohani 17:26

Mbamanyisiizye izina lyaho, havhili kwe njendeelele kuvhomba vhwevhulo, inga vhakundane inza vwe unkunzite ine, havhili niine imbe muhati zyavho.”

Yohani 17:5

Ishi we Taata, ulolesye uvhushindamu vhwane, inga avhantu vhavhulole uvhushindamu vhwe náali navhwo lwe náali pooka niiwe lwe insi yishiili kupelwa.”

Yohani 18:4

UYeesu ápezile amanyile zyonti zye kwe zimwaje. Pe aheepa pa vhasundikwa vhaakwe, ahasogola pa mpuga iyo, ahavhuziilizya ahati, “Vhuli, mukumulondola unaanu?”

Yohani 19:28

Lwe uYeesu aamanya kuuti aamala kuyivhomba imbombo yaakwe, ahati, “Ishinyooto shanduma.” Áyanzile vhwevhulo, inga zilunjishe zye zisimviilwe mu Vhusimbe uVhufinjile.

Yohani 2:13

Lwe ahavhaliilizyo aha shikulukuulu isha Vhayuuda isha Pasaaka hapalamila, uYeesu ahazuvha ku Yelusaleemu.

Yohani 6:4

Ahavhaliilizyo iho, ishikulukuulu isha Vhayuuda isha Pasaaka shápalamiiye.

Yohani 7:30

Lwe avhantu ivho vhiivwa izyo, vhahalinga kumulema, ileelo atáliipo umuntu we ásheleeye kumulema, mwe pe ahavhaliilizyo haakwe háshiili kufiha.

Yohani 7:6

Pe uYeesu ahavhaamula ahati, “Ahavhaliilizyo haane hashiili, ileelo imwe mungasogola ahavhaliilizyo honti.

Yohani 8:20

UYeesu áyanzile zyonti izyo, lwe ali kusambiilizya pa Nyumba iMfinjile pe vhahasengulaga imbogooso iya mpiiya. Ileelo atáliipo umuntu we ámulemile, mwe pe ahavhaliilizyo haakwe háshiili kufiha.

VaLoma 8:37

Ileelo poosye inga zyonti izyo zikutwaga, iswe tukujendeelela kuzipoota kwi idala ilya Chilisiti we atukunzite iswe.

1 VaKolinti 1:8

UMulungu kwe avhagomwe kufishila kumpeleela, inga mutahinze mulongwe kuuti te mwe vhagolosu isiku liila lye uMwene wiitu uYeesu Chilisiti aliyinza kuvhalonga avhantu.

VaHebuli 3:14

Inga tuli nu mute kumusuuvhila uMulungu kufishila ku vhusililishilo, inza vwe twítisile kufuma ku vhwandilo, pe tuli nu vhuliilani nu Chilisiti.

VaHebuli 3:6

Ileelo uChilisiti uweene Mwana uMutungamu, havhili mwimiilizi uwa vhantu avha mu nyumba iya Mulungu. Niiswe twe vhantu vhaakwe, inga tukujendeelela kuvha nu vhudandamazu vhwitu nu kusimpa mu ziila zye tukuzisuuvhila.

VaHebuli 6:11

Tukwanza nkaani kuuti mwenti mujendeelele kuvha nu mute kufishila kumpeleela, inga muposheele zyonti zye mukuzisuuvhila.

1 Peteli 1:13

Pe ishi, muyisenganyaaje nu kuyikonzya nu kuvhiiha ulusuuvhilo lwinyu ku vhwila vhwe mulipeelwa ahavhaliilizyo he uYeesu Chilisiti aliloleha apazelu ku vhantu vhonti.

1 Yohani 4:19

Iswe tuli ni shikunzi, mwe pe uweene we átalisile kutukunda.

Ishitushizya 1:5

havhili vhwe vhukufuma kwa Yeesu Chilisiti. Uweene we wu hoome uwa nalyoli, we mutanzi kuzyuha, havhili we mupiti uwa vhamwene vhonti avha mu nsi. UYeesu Chilisiti we atukunzite, havhili atusatuuye mu vhutalamalandu vhwitu, kutuushila mu mavhanda gaakwe.