Yohani 12:42 - ULufingwi uLupwa

⁴² Poosye vhwevhulo, avhinji mu vhapiti avha Vhayuuda vhámwitisile uYeesu, ileelo vhatahayangaga apazelu kuuti vhamwitisile, mwe pe vhahogopaga kuuti aVhafalisaayi vhatahavhashimbizye mwi isinagoogi.

Tesitamenti Umupwa 1965

⁴² Nashenga zyali vovulo, avapiti vope vahitiha ve vinji, nkandi vahasitʼukutaha apazelu ulwitiho lwavo, she vahogopʼavaFalisayi, vatili: Avene vakutufumwa musinagogi.

Yohani 12:42 ပူးပေါင်းရင်းမြစ်များ

Matayi 10:32

Umuntu wonti we akuvhavhuuzya avhantu, kuuti akundandata ine, niine ndimuvhuuzya uTaata waane uwa ku mwanya, kuuti uyo mulandati waane.

uLuuka 12:8

“Nkuvhavhuuzya kuuti, umuntu wonti we akuvhavhuuzya avhantu, kuuti akundandata ine, niine ne Mwana wa Aadamu ndimuvhuuzya uMulungu na vhahavhizya vhaakwe, kuuti uyo mulandati waane.

uLuuka 23:13

Pisinda, uPilaato ahavhavhungaaniha avhapiti avha vhapuuti, na vhasongo avha Vhayuuda, pooka na vhantu avhanji.

uLuuka 6:22

“Mulosiitwe imwe, inga avhantu vhakuvhaviitilwa nu kuvhazila nu kuvhaliga nu kuvhayanga havhiivhi, mwe pe mukuniitiha ine, ne Mwana wa Aadamu.

Yohani 11:45

Lwe aVhayuuda avhinji vhe vhínzile kumusuvhaalizya uMaliiya vhazilola zye uYeesu avhomba, vhahamwitiha.

Yohani 12:11

Vhávhomvile vhwevhulo, mwe pe kufumiilana ni nongwa izya kuzyuha ukwa Laazalo, aVhayuuda avhinji vhásambusile ku vhalongozi vhaavho, nu kumwitiha uYeesu.

Yohani 16:2

Yeenya, vhalivhashimbizyaga imwe mu masinagoogi. Havhili, ahavhaliilizyo hakwinza he inga umuntu amugoga wumo muli imwe, alisiivhaga kuuti akuvhomba mbombo ya Mulungu.

Yohani 19:38

Kwáli umuntu wumo kufuma mu nkaaya iya Alimataayi, izina lyakwe vhahatinji uYoosefu. Umuntu uyo áali musundikwa uwa Yeesu, ileelo kukwilu, mwe pe ahavhogopaga avhalongozi avha Vhayuuda. Lwe izyo zyonti zyatuuha, pe umuntu uyo ahasogola kwa Pilaato, ahamulaavha kuuti anyatule ishaala isha Yeesu, inga ashisyile. UPilaato ahamwitishila. Pe uYoosefu ahasogola, ahashiisya ishaala isha Yeesu pa shihovhenkanyo.

Yohani 3:2

Isiku limo uvhusiku, uNikodeemo ahasogola kwa Yeesu, ahamuvhuuzya ahati, “We Musambiilizi, tumanyile kuuti iwe we Musambiilizi we uMulungu akusonteleziizye, mwe pe ataliipo umuntu we angavhomba ivilolesyo vwe ukuvhomba inga uMulungu atali pooka nawo.”

Yohani 7:13

Ileelo atáliipo umuntu we ahamuyangaga uYeesu apazelu, mwe pe vhahavhogopaga avhalongozi avha Vhayuuda.

Yohani 7:31

Ileelo avhantu avhinji mwi ivhungaana lye lyáli paala, vhahamwitiha uYeesu, vhahayangaga vhahatinji, “Inga uChilisiti ayinza, vhuli, alivhomba ivilolesyo ivwinji kuluusya vwe umuntu uno avhomvile?”

Yohani 9:22

Avhapaafi vhaakwe vháyanzile vhwevhulo, mwe pe vhávhogofile avhalongozi avha Vhayuuda, mwe pe avheene vhítinkiine kuuti, umuntu wonti we akwitiha kuuti uYeesu wu Chilisiti, vhakumushimbizya mwi isinagoogi.

Yohani 9:34

Avheene vhahamwamula vhahati, “Iwe uhapaapwa mu vhutalamalandu. Pe ungatusambiilizya vhuli iswe?” Pe vhahamushimbizya mwi isinagoogi.

iMbombo izya Vhatumwa 5:41

Avhatumwa vhoope vhahafuma pa lukuvhato ulwa vhalongozi, uku vhakuseshela, mwe pe uMulungu ávhwenyi kuuti vhahondeeye kusaamulwa kuzya izina ilya Yeesu.

VaLoma 10:10

Yeenya, umuntu akwitiha nu mwoyo waakwe, pe akuvhaazilwa kuuti mugolosu, havhili akupemula ni ilomu lyakwe, pe akupokwa.

1 Yohani 4:15

Umuntu wonti we akupemula kuuti uYeesu Mwana wa Mulungu, uMulungu akulandila ku vhuliilani nawo, woope akulandila ku vhuliilani nu Mulungu.

1 Yohani 4:2

Idala ilya kumanya kuuti umuntu akulongolwa nu Mupepo uwa Mulungu lye lino: Wonti we akupemula kuuti uYeesu Chilisiti áyinzile mu nsi, ahavha nu muvhili inza avhantu avhanji, uyo we akulongolwa nu Mupepo uwa Mulungu.