Yohani 12:36 - ULufingwi uLupwa

³⁶ Ishi muvhiihaje ulusuuvhilo lwinyu mu vhuzelu uvhwo, inga muvhanje mwe vhantu vhe vhakulongolwa nu vhuzelu.” Lwe uYeesu ayanga amazwi igo, ahayileha impuga yiila, ahasogola, ahazyihama.

Tesitamenti Umupwa 1965

³⁶ Simwitihajʼuluhozyo, lwe suti lulipo mumwinyʼumu, pe muyipelʼukuva mwe vana va luhozyo namwe. Ilelo lwʼavavuzizye zinizʼuYesu, pʼahavala, ahavelenguha.

Yohani 12:36 ပူးပေါင်းရင်းမြစ်များ

Matayi 21:17

Pe uYeesu ahavhaleha avhantu ivho, aheepa mu nkaaya iyo, ahasogola kukaata mu lutala ulwa Besaniya.

Matayi 5:14

“Imwe mwe vhuzelu vhwa mu nsi. Inkaaya ye yizengwilwe pi igamba pamwanya, yitangazyihama.

uLuuka 16:8

“Pe udumbwe ula ahamutiima umwimiilizi we te mutungamu uyo, vwe ávhomvile ku njeele. Navhavhuuzya ishiholanyo ishi, mwe pe avhantu avha mu nsi umu, vhakuvhomba imbombo zyavho na vhamwavho ku njeele kuluusya vhe vhamwitisile uMulungu.

Yohani 1:7

UYoohani áyinzile kuvhahomeshezya avhantu izya vhuzelu uvhwo, inga kutuushila ku kwakwe avhantu vhonti vhavhwitishe.

Yohani 11:54

Kuli izyo, uYeesu ahaleha kujenda apazelu mu shigavho isha nsi isha Yudeeya, pe aheepa nu kusogola papiipi nu luugwa, mu nkaaya iya Eefulayimu. Ahatendama ukwo pooka na vhasundikwa vhaakwe.

Yohani 12:37

Pooka nu kuuti uYeesu ávhomvile ivilolesyo ivwinji pilongolela lyavho, ileelo avhantu vhatámwitisile.

Yohani 12:46

Ine ninzile mu nsi umu, inga mbe ne vhuzelu ku vhantu, inga umuntu wonti we akuniitiha ine atatendamaje mu shiisi.

Yohani 3:21

Ileelo avhantu vhonti vhe vhakuvhomba izya nalyoli vhakusogola ku vhuzelu uvhwo, inga imbombo zyavho ziloleshe apazelu kuuti zikuvhombwa inza vwe uMulungu akwanza.”

Yohani 8:12

Pe uYeesu ahajendeelela kuyanga havhili ni mpuga yiila ahati, “Ine ne vhuzelu ku vhantu vhonti. Umuntu wonti we akundandata ine, te ahajende mu shiisi naalumo, ileelo aliivha nu vhuzelu vhwe vhulimulongolaga mu vhulanzi uvhwa shiima.”

Yohani 8:59

Lwe aVhayuuda vhiivwa izyo, vhahasevha amavhwe inga vhamuhome nu kumugoga, ileelo uYeesu ahazyihama nu kufuma pa Nyumba iMfinjile.

VaEfeso 5:8

Hali imwe mwámile mu shiisi, ileelo kufuma pe mwásopenkiine nu Mwene uYeesu, muhavha mu vhuzelu. Pe ishi, mulandilaje inza avhantu vhe vhali mu vhuzelu.

1 VaTesaloniki 5:5

Imwe mwenti mwe vhaana avha vhuzelu, havhili mwe vha musanya. Iswe te twe vhaana avha vhusiku poosye avha ku shiisi.

1 VaTesaloniki 5:8

Ileelo iswe, mwe pe tuli mu vhuzelu uvhwa musanya, tuyikonzyaje. Tuvhanje nu lwitiho ni shikunzi, ivwo vikuvha ngati mpinjiho ku shifuvha. Havhili tumusuvhilaje uMulungu kutupoha, pe tukuvha ngati tuzwaye inkwela kwi itwe.