Yohani 12:27 - ULufingwi uLupwa

²⁷ “Ishi nanda kuswimiililwa nkaani mu mwoyo waane. Ishi inti vhuli? Vhuli, inti, ‘We Taata, nkukulaavha umposhe mu havhaliilizyo iha aha mayimba’? Ndaali, ntangalaavha inza isho, mwe pe ninzile mu nsi umu kuyimba.

Tesitamenti Umupwa 1965

²⁷ Shinishi umwoyo wane pʼakuyinga. Ilelo pe ntuvuli? Amwe minji we Tata umpohaje muhavalilizyo hanaha? Zye ndali, she zye zizyo zye ninjiye muhavalilizyo hanaha.

Yohani 12:27 ပူးပေါင်းရင်းမြစ်များ

Matayi 11:25

Ahavhaliilizyo iho uYeesu ahajendeelela kuyanga kuuti, “We Taata, Mwene wa ku mwanya na pa nsi, nkukusalifwa. Nkukusalifwa, mwe pe imbombo izi uvhazyisile avhantu vhe vhakuyilola kuuti vhali nu vhushindamu uvhwa njeele nu kuuti vhasambiilile, ileelo uvhalolesiizye apazelu avhantu vhe vhakuyiisya inza avhaana avhansi.

Matayi 11:26

Nalyoli Taata, isho vwe usungwilwe.

Matayi 26:42

UYeesu ahasogola ulwa vhuvhili havhili kulaavha, ahati, “We Taata, inga amayimba iga gatangeepa kuli ine, pe zivhombeshe inza vwe ukasiime weneewe.”

Matayi 26:45

Lwe agaluha havhili ku vhasundikwa vhaakwe, ahati, “Niishi mukaasite utulo nu kutuuzya? Yeenya, ahavhaliilizyo haafiha, ne Mwana wa Aadamu kwe vhambiishe mu nyoovhe izya vhatalamalandu.

uLuuka 22:44

Ileelo uYeesu ahonjezya kulaavha, mwe pe áamile nu vhuvhaavi nkaani. Lwe akulaavha, amatwinsi ge gáali inza amavhanda ge gahazwilaga pansi.

uLuuka 22:53

Insiku zyonti, twavhanga pooka pa Nyumba iMfinjile, ileelo mutandemaga! Ishi, iha he havhaliilizyo hiinyu, ahavhaliilizyo he umwene uwa shiisi akukonzya.”

Yohani 11:41

Pe avhantu vhe vháliipo paala, vhahalyefwa ivhwe liila lye lyáli pa mulyango. UYeesu aheenya ku mwanya, ahalaavha kwa Mulungu ahati, “We Taata, nkukusalifwa, mwe pe watejeelezya impuuto zyane.

Yohani 12:23

UYeesu ahavhaamula ahati, “Ishi ahavhaliilizyo haafiha aha vhushindamu vhwane ne Mwana wa Aadamu kuloleha.

Yohani 13:21

Lwe uYeesu ayanga izyo, ahaswimiililwa nkaani mu mwoyo waakwe, ahayanga apazelu ahati, “Nalyoli nkuvhavhuuzya kuuti, wumo muli imwe kwe ananiile.”

Yohani 18:37

Pe uPilaato ahamuvhuziilizya ahati, “Vhuli, ishi zya nalyoli kuuti iwe we mwene?” UYeesu ahamwamula ahati, “Iwe we wayanga kuuti ine ne mwene. Ine nápafwilwe mu nsi umu, havhili nínzile, inga mbasambiilizye avhantu uvhwanalyoli. Umuntu wonti we akuvhulandata uvhwanalyoli, akugatejeelezya amazwi gaane.”

1 Timoti 1:15

Kuli izwi ilya nalyoli lye likwanzilwa kulyitiha ku mwoyo wonti, kuuti, “UChilisiti uYeesu áyinzile mu nsi umu kuvhapoha avhatalamalandu.” Niine ne mutalamalandu kuluusya avhanji vhonti.

VaHebuli 2:14

Mwe pe avhaana ivho vhali na mavhili na mavhanda, woope uYeesu áyinzile nu muvhili na mavhanda inza avheene. Ávhomvile vhwevhulo, inga kwi idala ilya vhufwe vhwakwe agapoote amaha aga Mukwalanzi we ali na maha aga kuleeta uvhufwe.

VaHebuli 5:7

Lwe uYeesu ali mu nsi umu, ahamulaavhaga uMulungu nu kukuuta nkaani na mansozi, mwe pe ámanyile kuuti uMulungu ali na maha aga kumupoha ku vhufwe. Woope uMulungu ahiitiha impuuto zyakwe, mwe pe uYeesu ahamushindihaga.