Yohani 12:16 - ULufingwi uLupwa

¹⁶ Ahavhaliilizyo iho, avhasundikwa avha Yeesu vhatámanyile izyo. Ileelo lwe uMulungu alolesya apazelu uvhushindamu uvhwa Yeesu, pe vhahakumbuha kuuti izyo zyásimviilwe mu Vhusimbe uVhufinjile ku zyakwe na vwe avhantu vhámuvhombeeye.

Tesitamenti Umupwa 1965

¹⁶ Zinizi nyene avasundikwa vakwe vahapotwa ukuzimanyinsanya suti, nkandi pisinda lwʼavazile muvupiti, pala nyene pe vahakumbuha ukuti zinizi zisimṿilwe kuli wuyo, havili zye vamuvombeye.

Yohani 12:16 ပူးပေါင်းရင်းမြစ်များ

Maliko 16:19

Pe lwe ayanga navho, uMwene Yeesu ahanyatulwa kusogola ku mwanya, ahatendama ku luvhazu ulwa kundiilo ulwa Mulungu pa vhushindamu uvhupiti nkaani.

Maliko 9:32

Avhasundikwa vhaakwe vhatályagiinye izwi ilyo, ileelo vhahoogopa kumuvhuziilizya.

uLuuka 18:34

Avhasundikwa vhaakwe vhatázimanyinsiinye inga hansi zye ahavhavhuzyaga, mwe pe zyázyisiilwe kuuti kwe kuuti vhuli. Vhatámanyile kuuti akuyanga shintu vhuli.

uLuuka 24:25

Uweene uYeesu ahavhavhuuzya ahati, “Imwe mwe vhapukupuuku! Shooni she amooyo giinyu magomu kwitiha zyonti zye avhakuvhwi vháyanzile?

uLuuka 24:45

Pe ahavhiigula amatwe gaavho, inga vhavhumanye uVhusimbe uvhwo,

uLuuka 9:45

Ileelo avheene vhatahazimanyinsanyaaga zye uYeesu ahayangaga, mwe pe zyázyisiilwe, inga vhatazimanyinsanyaaje, vhoope vhahoogopa kumuvhuziilizya.

Yohani 12:23

UYeesu ahavhaamula ahati, “Ishi ahavhaliilizyo haafiha aha vhushindamu vhwane ne Mwana wa Aadamu kuloleha.

Yohani 14:26

Ileelo uMutuuli uyo, kwe kuuti uMupepo uMufinjile, we uTaata kwe amutume kuli imwe kwi izina lyane, we alivhasambiilizya nu kuvhakumbusya zyonti zye nkavhavhuzyaga.

Yohani 16:4

Ishi navhavhuuzya izyo, inga lwe ahavhaliilizyo haavho aha kuvhomba izyo haafiha, mukumbushe zye nkuvhavhuuzya. Ntávhavhuziizye zyonti izyo kufuma ku vhwandilo, mwe pe náamile pooka niimwe.”

Yohani 17:5

Ishi we Taata, ulolesye uvhushindamu vhwane, inga avhantu vhavhulole uvhushindamu vhwe náali navhwo lwe náali pooka niiwe lwe insi yishiili kupelwa.”

Yohani 2:22

Pe lwe uYeesu azyuha, avhasundikwa vhaakwe vhahakumbuha amazwi ge áyanzile. Kwi idala ilyo, vhahalyitiha izwi lye lyásimviilwe mu Vhusimbe uVhufinjile na mazwi ge uYeesu áyanzile.

Yohani 7:39

UYeesu ahayangaga inongwa izya Mupepo uMufinjile we pisinda, avhiitisi vhonti avha Yeesu vhámuposheleeye. Ahavhaliilizyo iho, uMulungu ápezile ashiili kuvhatumila uMupepo uMufinjile, mwe pe uMulungu ápezile ashiili kulolesya apazelu uvhushindamu uvhwa Yeesu.

iMbombo izya Vhatumwa 2:33

Lwe uMulungu amuzyusya, ahamuzuvwa nu kumuvhiiha ku luvhazu lwakwe ulwa kundiilo pa vhushindamu uvhupiti nkaani. Pe ahaposheela uMupepo uMufinjile kufuma kwa Taata, we áfinzile, ahatwitila wenewo ku vhwinji, izyo zye mukuzilola, nu kuzyivwa.

iMbombo izya Vhatumwa 2:36

UPeeteli ahati, “Ishi, aVhaisilayeeli vhonti vhamanye kuuti uYeesu we imwe mwámugozile pa shihovhenkanyo, uMulungu amuvhiisile kuvha wu Mwene havhili wu Chilisiti.”

iMbombo izya Vhatumwa 3:13

UMulungu uwa vhataata vhiitu, avha Aabulahamu nu Yisaaka nu Yaakobu, amushindisile umuvhomvi waakwe uYeesu, we imwe mwámulonjeleeye ku vhapiti nu kumuhaana lwe uPilaato akuti amusatule.

VaHebuli 12:2

Tuvhombaje vhwevhulo, uku tukumwenyeelezya uYeesu we átalisiizye idala ilya kuuti iswe tumwitihaje uMulungu, havhili we akuutupa umwoyo kuuti tujendelelaje kumwitiha kufishila ku vhusililishilo. Havhili ávhujimbiliiye uvhufwe pa shihovhenkanyo ishisita kusaajila kulola insoni, kuzya luseshelo lwe lwávhisiilwe pilongolela lyakwe. Ishi atendiime uluvhazu ulwa kundiilo ulwa shitengo isha vhumwene isha Mulungu, pa vhushindamu uvhupiti nkaani.

VaHebuli 8:1

Ipiti nkaani kuli izyo zye tukuyanga lye lino: Iswe tuli nawo umupuuti umupiti inza uyo, uweene atendiime uluvhazu ulwa nyoovhe iya kundiilo iya shitengo isha vhumwene isha Mulungu uwa Maha Gonti, pa vhushindamu uvhupiti nkaani ku mwanya.