Yohani 12:13 - ULufingwi uLupwa

¹³ Pe vhahanyatula insamba izya matende, vhaheepa kusogola kumuposheela uYeesu. Vhahanda kuvhilishila kwi izwi, vhahati, “Ashindikwaje uMulungu! Alosiitwe we akwinza kwi izina ilya MWENE uMulungu! Alosiitwe uMwene uwa Vhaisilayeeli.”

Tesitamenti Umupwa 1965

¹³ pe vahasendʼamanchinda, vahafuma muhaya, vahamutangana, vahavilishila vahati: Hosyana we mulotwa wʼakwinzila mwizina lya Mwene, umwene wa vana Yisilayili.

Yohani 12:13 ပူးပေါင်းရင်းမြစ်များ

Matayi 23:39

Ishi nkuvhavhuuzya kuuti, te muhandole havhili, kufishila ahavhaliilizyo he muliiti, ‘Alosiitwe we akwinza kwi izina ilya MWENE uMulungu!’”

Matayi 27:42

“Aavhaposile avhanji, ileelo atangayipoha wuuyo! Inga wu Mwene uwa Vhaisilayeeli, ayiishe pa shihovhenkanyo, pe niiswe kwe tumwitishe.

Yohani 1:49

Pe uNasaniyeeli ahamwamula ahati, “We Musambiilizi, ishi naamanya kuuti iwe we Mwana wa Mulungu! Iwe we Mwene uwa nsi iya Isilayeeli!”

Yohani 12:14

Pe uYeesu ahayaaga inyaana iya ndogomi, ahalimbila pamwanya inza vwe yisimviilwe mu Vhusimbe uVhufinjile kuuti,

Yohani 12:15

“Mwe vhantu avha mu nkaaya iya Sayuuni, mutogopaje! Yeenya, uMwene wiinyu akwinza, alimbiiye pa ndogomi inyaana!”

Yohani 19:15

Avheene vhahazuma ahalanga vhahati, “Mugoje! Mugoje! Muhomeele pa shihovhenkanyo!” UPilaato ahavhavhuziilizya ahati, “Vhuli, imuhomele pa shihovhenkanyo umwene wiinyu?” Avhapiti avha vhapuuti vhahamwamula vhahati, “Iswe tutali nu mwene uwunji, nkandi we Kayisaali!”

Ishitushizya 15:3

Vhahimbaga ulwimbo ulwa Moose, umuvhomvi uwa Mulungu nu lwimbo ulwa Hagonzi aha MWENE uMulungu, vhahatinji, “MWENE Mulungu uwa Maha Gonti, imbombo zyaho mpiti, havhili zya kusukumizya nkaani! Iwe Mwene wa nsi zyonti, amadala gaaho ga muumwo, havhili ga nalyoli!

Ishitushizya 19:16

Pa mwenda waakwe na pa shizima shaakwe asimviilwe izina ilya kuuti, “umupiti wa vhapiti nu mwene wa vhamwene.”

Ishitushizya 7:9

Lwe zyatuuha izyo, nkalola ivhungaana ipiti nkaani ilya vhantu lye nuumo atangavhaazya. Avhantu kufuma mu nsi zyonti ni nkolo zyonti na mu mpuga zyonti na mu njango zyonti, vhimiliiye pilongolela ilya shitengo isha vhumwene na pilongolela ilya Hagonzi aha MWENE uMulungu. Vhazwaye amenda amazelu havhili vhalemile amatundu aga matende.