Yohani 11:47 - ULufingwi uLupwa

⁴⁷ Pe avhapiti avha vhapuuti na Vhafalisaayi vhahavhungaana pa lukuvhato lwe vhahatinji iSaniheediliini, vhahavhuzilizanya vhuuvho vheeka vhahati, “Vhuli, tuvhombe ishooni? Yeenya, umuntu uno akuvhomba ivilolesyo ivwinji.

Tesitamenti Umupwa 1965

⁴⁷ Pe navashiputʼavapiti navaFalisayi valivunganiha uluhomano lwa vahombe, vahayangana vahati: Tutuvuli nawo lelo, shʼumuntʼuno akupelʼiṿimanyilo iṿwinji.

Yohani 11:47 ပူးပေါင်းရင်းမြစ်များ

Matayi 26:3

Ahavhaliilizyo iho, avhapiti avha vhapuuti na vhasongo avha Vhayuuda vhahavhungaana mu nyumba iya kukonzezya iya mupuuti umupiti we izina lyakwe vhahatinji uKayaafa.

Matayi 5:22

Ileelo ine nkuvhavhuuzya kuuti, umuntu wonti we akumuviitilwa uwamwavho, akwanzilwa kupeelwa isunde. Havhili, wonti we akumuliga uwamwavho kuuti we mupukupuuku, akwanzilwa kulongwa pa lukuvhato. Woope we akumutipa uwamwavho, akwanzilwa kusumbilwa mwi ipalaazya ilya mwoto uwa shiima!

Maliko 14:1

Zyasyala insiku zivhili kufiha pa shikulukuulu isha Pasaaka ni sha makaati ge vhataluziizye. Avhapiti avha vhapuuti na vhasambiilizi avha ndajizyo vhahalondolaga idala ilya kumulema uYeesu ku vhushevu nu kumugoga.

uLuuka 22:2

Avhapiti avha vhapuuti na vhasambiilizi avha ndajizyo, vhahalondolaga idala ilya kumugojela uYeesu. Vhahavhombaga izyo ku vhuzigizigi, mwe pe vhahavhogopaga avhantu.

Yohani 11:57

Pe avhapiti avha vhapuuti na Vhafalisaayi vhahalajizya kuuti umuntu wonti inga aamanya kwe uYeesu ali, asogole avhavhuuzye, inga vhamuleme.

Yohani 12:19

Lwe aVhafalisaayi vhaalola vwe avhantu vhamuposheela uYeesu, vhahavhuzilizanya vhuuvho vheeka vhahati, “Vhuli, mwalola? Tutangavhomba naashimo! Yeenya, avhantu vhonti vhakumulandata uweene.”

Yohani 2:11

UYeesu ávhomvile ishilolesyo ishi mu nkaaya iya Kaana, mu shigavho isha nsi isha Galilaaya. Ishilolesyo isho she sháamile sha kwanda kuvhomba, kulolesya uvhushindamu vhwakwe ku vhantu. Kufumiilana niilyo, avhasundikwa vhaakwe vhahamwitiha.

Yohani 6:2

Ivhungaana ipiti ilya vhantu lihamulandataga uYeesu, mwe pe vhahalolaga ivilolesyo vwe ahavhombaga ku vhavhinu.

Yohani 7:32

AVhafalisaayi vhahiivwa ivhungaana ilya vhantu vhakunongʼona izyo. Pe avheene na vhapiti avha vhapuuti vhahavhasonteelezya avhasikaali, inga vhamuleme uYeesu.

Yohani 7:45

Pe avhasikaali vhahagaluha ku vhapiti avha vhapuuti na Vhafalisaayi vhaala, ishisita kumulema uYeesu. Lwe vhagaluha, avhalongozi ivho vhahavhavhuziilizya vhahati, “Shooni she mutamulema uYeesu nu kumuleeta ipa?”

iMbombo izya Vhatumwa 5:21

Pe avhatumwa ivho lwe vhiivwa amazwi igo, vhahasogola ku Nyumba iMfinjile inzanshi nkaani, vhahataliha kuvhasambiilizya avhantu. Ahavhaliilizyo hanaaho umupuuti umupiti, pooka na vhamwavho, vhahavhiiha ulukuvhato ulwa vhalongozi, pooka na vhasongo vhonti avha Vhayuuda. Vhahavhasonteelezya avhaguulizi ku jeela, kuuti vhavhaleete avhatumwa vhaala.

iMbombo izya Vhatumwa 5:24

Umupiti uwa vhaguulizi avha Nyumba iMfinjile pooka na vhapiti avha vhapuuti ivho, lwe vhiivwa izyo, vhahasaaga nkaani, vhahavhuzilizanya vhahati, “Inongwa izi kuuti zivhe vhuli?”