Yohani 11:44 - ULufingwi uLupwa

⁴⁴ Pe ahafuma mu mbiipa ivinama ni nyoovhe zyakwe vhazizinzile na menda aga kusyilila. Havhili, áamile nu mwenda we vhámupinyile ku minso. Pe uYeesu ahavhavhuuzya avhantu ivho ahati, “Musatuli amenda igo nu kumuleha kuuti asogolaje.”

Tesitamenti Umupwa 1965

⁴⁴ Pʼahafuma uno wʼafuye, ali namenda ge vamupinyile muṿinama namunyove aga kumusyilila. Kwope nakusheni vamupinyilʼumwenda wa matwinsi. PʼuYesu ahavavuzya ahati: Mumusatule avalaje.

Yohani 11:44 ပူးပေါင်းရင်းမြစ်များ

Maliko 5:43

Ileelo uYeesu ahavhalajizya nkaani kuuti vhatahamuvhuuzye naawumo ge gavhombesile paala. Ahavhavhuuzya kuuti, vhaamupe ishaakulya umulindu ula.

uLuuka 19:20

“Umuvhomvi uwamwavho ahinza, ahati, ‘We mwene, nyatuula impiiya zyaho zye wándesheeye izi ipa. Názisenguuye ahinza mu shitambaala, inga zitahateeje.

uLuuka 7:15

Ula we áfuuye, ahadaamula, ahatendama, ahanda kuyanga. Pe uYeesu ahaamupa unyina umwana uyo.

Yohani 10:30

Ine nu Taata waane tuli pooka.”

Yohani 11:39

UYeesu ahavhavhuuzya avhantu vhe vháliipo paala ahati, “Lyefwi ivhwe ilyo pa mulyango.” UMaalita we áamile munine wa we áfuuye ahamwamula uYeesu ahati, “We Mwene, kufiha ahavhaliilizyo iha ataliha kununka, mwe pe zyatuuha insiku zine kufuma pe twaamusyiliiye.”

Yohani 11:43

Lwe uYeesu ayanga izyo, ahavhilishila kwi izwi ipiti ahati, “We Laazalo, fuma kunzi!”

Yohani 19:40

Pe vhonti vhavhili vhahashinyatula ishaala isha Yeesu, vhahashipaha amafuta igo nu kushizinga na menda amazelu, kulandatana na maata aga Vhayuuda aga kusyila avhantu.

Yohani 20:5

Lwe aafiha, ahiinama, ahinanjizya mu mbiipa, ahalola umwenda we vhámusyililiiye uYeesu, ileelo atahinjila mu mbiipa.

Yohani 20:7

Havhili ahashaaga ni shitambaala she vhámupinyile uYeesu kwi itwe. Ishitambaala isho shitáali pooka na menda aganji, sháali sheeka shipinte ku luvhazu.

Yohani 5:21

Inza vwe uTaata waane akuvhazyusya avhantu, nu kuuvhapa uvhulanzi uvhwa shiima, niine nkuuvhapa uvhulanzi avhantu vhe nkwanza kuuvhapa.

Yohani 5:25

Nalyoli nkuvhavhuuzya kuuti, ahavhaliilizyo hakwinza, havhili hafisile, he avhafwe vhaliyiivwa zye ine ne Mwana wa Mulungu nkuyanga. Pe vhonti vhe vhaliyiivwa nu kwitiha, vhaliivha nu vhulanzi uvhwa shiima.

Filipi 3:21

Uweene aligalulanya amavhili giitu ge gayeyevhaaye, inga gaholane nu muvhili waakwe uwa vhushindamu. Alivhomba isho ku maha gaakwe aga kukonzya ivintu vwonti.

Ishitushizya 1:18

uweene we Mulanzi. Ine náfuuye, ishi yeenya, ne mupuuma shiima! Ine indi ni vwigulilo ivwa vhufwe ni vwa ku vhuzimu.