Yohani 11:42 - ULufingwi uLupwa

⁴² Imanyile kuuti, ukuntejelezyaga ahavhaliilizyo honti, ileelo nkuyanga izi kuzya ivhungaana ilya vhantu ivha, inga vhiitishe kuuti iwe we unsonteleziizye.”

Tesitamenti Umupwa 1965

⁴² Ine manyile ukuti ukuntejelezya shima, nkandi nkuyanga pe pavantu vanava ve vimiliye iva, she nkuti vope vitishe ukuti untumilʼiwe.

Yohani 11:42 ပူးပေါင်းရင်းမြစ်များ

Matayi 26:53

Vhuli, mutamanyile kuuti ingamulambiilizya uTaata waane kuuti anaavwe, woope angandeetela shiniishi avhahavhizya vhaakwe impuga impiti 12 nu kushila?

Yohani 11:22

Ileelo poosye ishi imanyile kuuti, shonti she ungamulaavha uMulungu, kwe aakupe.”

Yohani 11:31

Lwe avhantu vhaala vhe vhásogooye kumusuvhaalizya uMaliiya vhamulola akuvhuuha nu kufuma panzi, pe vhahanda kumulandata, mwe pe vhahasiivhaga kuuti uMaliiya asogola ku mbiipa kukuuta.

Yohani 11:43

Lwe uYeesu ayanga izyo, ahavhilishila kwi izwi ipiti ahati, “We Laazalo, fuma kunzi!”

Yohani 12:11

Vhávhomvile vhwevhulo, mwe pe kufumiilana ni nongwa izya kuzyuha ukwa Laazalo, aVhayuuda avhinji vhásambusile ku vhalongozi vhaavho, nu kumwitiha uYeesu.

Yohani 12:17

Ivhungaana ilya vhantu lye lyámile pooka nu Yeesu lwe akumwita uLaazalo kufuma mu mbiipa, lyákumusiizye inongwa izyo.

Yohani 17:21

Nkukulaavha kuuti vhonti ivho vhavhe ishintu shooka, inza vwe niiwe Taata uli muhati yaane, niine indi muhati yaaho. Nkuvhalaavhila vhavhe muhati yiitu, inga avhantu vhonti mu nsi vhiitishe kuuti iwe we unsonteleziizye.

Yohani 17:25

We Taata uMugolosu, avhantu avha mu nsi vhatakumanyile. Ileelo ine nkumanyile, havhili vhoope avhasundikwa vhaane vhamanyile kuuti iwe we unsonteleziizye.

Yohani 17:8

mwe pe mbavhuziizye amazwi gonti ge wámbuziizye. Vhoope vhagaposheleeye, havhili vhamanyile kuuti nalyoli mfumile ku kwaho, havhili vhitisile kuuti iwe we unsonteleziizye.

Yohani 20:31

Ileelo ivilolesyo vwe vili mwi ikalaata ili visimviilwe, inga mwitishe kuuti uYeesu wu Chilisiti, uMwana wa Mulungu, nu kuuti kwi idala ilya kumwitiha, mukuposheela uvhulanzi kwi izina lyakwe.

Yohani 3:17

Yeenya, uMulungu atánsonteleziizye ne Mwana waakwe kuvhalonga avhantu avha mu nsi umu, nkandi kuvhapoha.

Yohani 8:16

Ileelo poosye ine inga nkumulonga umuntu, nkumulonga ku vhwanalyoli, mwe pe ntakuvha neeka, nkuvha nu Taata we ansonteleziizye.

Yohani 8:29

UMulungu we ansonteleziizye ali pooka niine. Atandesiile neeka, mwe pe ahavhaliilizyo honti nkuvhomba zye zikumuhondezya.”

Yohani 8:42

UYeesu ahavhavhuuzya ahati, “Inga uMulungu wu Taata wiinyu, nkandi munkunzite. Ine ntinzile ku maha gaane, uMulungu we ansonteleziizye.

VaLoma 8:3

Indajizyo izya Moose zitáamile na maha aga kutuvhiiha kuvha swe vhasatushe, mwe pe uvhuntu vhwitu uvhwa vhutalamalandu vhwáposiitwe kuzilandata. Ileelo shiila she indajizyo zyáposiitwe kushivhomba, uMulungu áshivhomvile. Ámutumiliziizye uMwana waakwe wuuyo avhe nu muvhili inza amavhili giitu, ileelo ishisita uvhutalamalandu. Kutuushila umuvhili uwo uMulungu ávhupiiye isunde uvhutalamalandu. Kwi idala ilyo, ahapela aamala amaha aga vhutalamalandu,

VaGalati 4:4

Ileelo ahavhaliilizyo he hávhisiilwe lwe haafiha, uMulungu ahamusonteelezya uMwana waakwe mu nsi, ahavha muntu inza iswe, ahanda kulongolwa ni ndajizyo.

VaHebuli 5:7

Lwe uYeesu ali mu nsi umu, ahamulaavhaga uMulungu nu kukuuta nkaani na mansozi, mwe pe ámanyile kuuti uMulungu ali na maha aga kumupoha ku vhufwe. Woope uMulungu ahiitiha impuuto zyakwe, mwe pe uYeesu ahamushindihaga.

VaHebuli 7:25

Kuli izyo, uweene ali na maha aga kuvhapoha nziila vhaala vhe vhakusogola kwa Mulungu kutuushila ku kwakwe. Havhili, mwe pe uweene mulanzi shiima, akuvhalaavhila ahavhaliilizyo honti.

1 Yohani 4:14

Iswe tuvhwenyi nu kuvhahomeshezya avhanji kuuti uTaata uMulungu ámusonteleziizye uMwana waakwe mu nsi, kuuti avhe Muposhi wa vhantu.