Yohani 11:25 - ULufingwi uLupwa

²⁵ UYeesu ahamwamula uMaalita ahati, “Ine ne nkuzyusya, havhili ne nkupa uvhulanzi. Umuntu wonti we akuniitiha ine, poosye inga aafwa, aliivha mulanzi.

Tesitamenti Umupwa 1965

²⁵ PʼuYesu ahati: Ne kuzyuha ne vulanzi nenene. Uno wengʼanitisilʼine, wʼakulandila nashengʼakufwa.

Yohani 11:25 ပူးပေါင်းရင်းမြစ်များ

uLuuka 23:43

UYeesu ahamwamula ahati, “Nalyoli nkukuvhuuzya kuuti, ileelo ili, kuuti uvhe pooka niine ku Paladiiso.”

Yohani 1:4

UIzwi uyo áali vhwandilo uvhwa vhulanzi. Vhwope uvhulanzi uvhwo vhwáli vhuzelu vhwa vhantu.

Yohani 14:19

Hasyala ahavhaliilizyo hansi te nkaloleshe mu nsi umu. Ileelo imwe mulindola, mwe pe ine ndiivha ne mulanzi, niimwe muliivha mwe vhalanzi.

Yohani 14:6

UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

Yohani 3:16

UMulungu ávhakunzite nkaani avhantu avha mu nsi umu, ye nongwa ánsonteleziizye ne Mwana waakwe imozi, kwinza mu nsi umu inga umuntu wonti we akuniitiha atahateeje, nkandi avhwaje uvhulanzi uvhwa shiima.

Yohani 3:36

Umuntu wonti we akumwitiha uMwana wa Mulungu, ali nu vhulanzi uvhwa shiima, ileelo umuntu wonti we akumuhaana, atali nu vhulanzi uvhwa shiima, mwe pe uvhuhalazu uvhwa Mulungu vhukuvha kwa muntu uyo shiima.

Yohani 5:21

Inza vwe uTaata waane akuvhazyusya avhantu, nu kuuvhapa uvhulanzi uvhwa shiima, niine nkuuvhapa uvhulanzi avhantu vhe nkwanza kuuvhapa.

Yohani 5:26

Inza vwe uTaata waane ali na maha aga kuumupa umuntu uvhulanzi uvhwa shiima, niine ne Mwana waakwe ampiiye amaha aga kuuvhapa avhantu uvhulanzi uvhwa shiima.

Yohani 6:35

UYeesu ahavhaamula ahati, “Ine ne ne shaakulya she shikuuvhapa avhantu uvhulanzi. Umuntu wonti we akwinza ku kwane nu kuniitiha, inzala ni shinyooto te vihamulume naalumo.

Yohani 6:44

Ataliipo umuntu we anginza ku kwane, inga uTaata waane we ansonteleziizye atamulongooye. Niine ndimuzyusya isiku ilya vhusililishilo.

iMbombo izya Vhatumwa 3:15

Muhamugoga uweene we áali vhwandilo uvhwa vhulanzi, ileelo uMulungu ahamuzyusya. Iswe tuhomesheziizye izyo.

VaLoma 4:17

Izi zili inza vwe yisimviilwe mu Vhusimbe uVhufinjile kuuti, “Nkuvhiisile kuvha we taata uwa vhantu avha mu nkolo inyinji.” UAabulahamu áyivuuye izi zye uMulungu áfinzile ku kwakwe, lwe ayimiliiye pilongolela lyakwe. Ahamwitiha uMulungu we akuvhazyusya avhafwe na we akuviyanga ivintu vwe vitaliipo fwe ngati viliipo.

VaLoma 8:2

Mwe pe uMupepo uMufinjile we akuuvhapa uvhulanzi, avhavhiisile kuvha mwe vhasatushe, inga muleshe kulongolwa nu vhutalamalandu vhwe vhukuvhapelela avhantu uvhufwe. Avhomvile vhwevhulo kwi idala ilya Chilisiti uYeesu.

1 VaKolinti 15:18

Vhoope vhe vhafuuye she vhamwitisile uChilisiti, vhateezile nziila.

1 VaKolinti 15:29

Ishi avhantu vhe vhakwozelwa kuzya vhafwe vhakusuuvhila shintu vhuli? Inga avhafwe te vhahazyushe naalumo, shooni she avhantu ivho vhakwozelwa kuzya vhafwe?

2 VaKolinti 4:14

Tukuyanga izyo, mwe pe tumanyile kuuti uMulungu we ámuzyusiizye uMwene uYeesu, alituzyusya niiswe. Uweene alituvhiiha pooka niimwe, inga tuhatendame nu Yeesu.

Filipi 1:23

Ivintu vivhili vikundunzaanya. Lumo nkusiivha kwepa ipa, insogole imbe pooka nu Chilisiti. Ili lye lihondeeye nkaani.

Filipi 3:10

Nkwanza kumumanya uChilisiti, na maha aga kuzyuha kwakwe. Havhili imbe na mayimba inza uweene, inga nkolane nawo poosye kufwa kwakwe.

1 VaTesaloniki 4:14

Iswe, tumanyile kuuti uYeesu áfuuye, havhili ahazyuha. Kuli izyo, tukusuuvhila kuuti uMulungu alivhavhiiha pooka nu Yeesu avhantu vhonti vhe vháfuuye mu lwitiho.

Ishitushizya 1:18

uweene we Mulanzi. Ine náfuuye, ishi yeenya, ne mupuuma shiima! Ine indi ni vwigulilo ivwa vhufwe ni vwa ku vhuzimu.

Ishitushizya 20:5

Ulu lwe lwa kwanda uMulungu kuvhazyusya avhantu. Avhamwavho vhonti vhe vháfuuye vhatázyusile kufishila ahavhaliilizyo aha maaha 1,000.

Ishitushizya 21:4

Uweene alivhasyumula amansozi gaavho gonti. Uvhufwe te vhuhaavhe havhili, poosye uvhuvhaavi, poosye inkuuta, poosye kuloosya, mwe pe izya hali zituusile!”

Ishitushizya 22:1

Pe uhavhizya ahandanga ijenje ilya minzi ge gakufumwa uvhulanzi, amazelu ngati lilooli, gahafumaga ku shitengo isha vhumwene isha Mulungu na Hagonzi aha MWENE uMulungu.

Ishitushizya 22:17

UMupepo uMufinjile na we akunyatulwa vhakuti, “Nzaaga!” Woope we akwivwa ati, “Nzaaga!” Woope we ali ni shinyooto ayinze, we akwanza, anyatule aminzi ge gakufumwa uvhulanzi pa vhweleele.